9.ミ・ウ・トゥ
作詞：下地勇
作曲：下地勇
魚捕(いす゜とぅ)す゜父(いさ゜)ぬ嫡子(ちゃくす)ん生(ん)まり
海(いむ)ぬ外(ぷか)あ何(のー)まい知(す)さーんユヌス
畑者(ぱりしゃ)ぬ産(な)す切しゃん生(ん)まり
海(いむ)かい行きゃーみんイサミガ
何(のー)ぬ縁(いん)がーら二人(ふたーす゜)や
んなまんてぃ出逢(いでぃあ)い
一目惚(ぴすとぅみぶ)りやし あたまんてぃ
夫婦(みうとぅ)んなす゜たー
※海者(いむしゃ)とぅ畑者(ぱりしゃ)
海者(いむしゃ)とぅ畑者(ぱりしゃ)
海者(いむしゃ)とぅ畑者(ぱりしゃ)や夫婦(みうとぅ)
ユヌスとぅイサミガ
ユヌスとぅイサミガ
ユヌスとぅイサミガや夫婦(みうとぅ)※
(※くり返し)
犬(いん)てぃあーっか 猫(まゆ)てぃあーす゜
うぬ二人(ふたーす゜)
同屋敷(ゆぬやすき゜)ん居(うー)てぃや
うかま神(がん)まいいぎゃん
犬(いん)ぬ歯飲(ばーぬ)んぎむぬてぃ世間(しきん)ぬ口(ふつ)あ
喧嘩(あい)やーつみーん二人(ふたーす゜)ゆ見い
ぴるますかんてぃうー
あんしたきどぅ二人(ふたーす゜)や 見事(みぐとぅ)ん成りゅう
足らーん所(とぅくな)をば あす゜人(す)がどぅ 足らーしみしゅう
海者(いむしゃ)とぅ畑者(ぱりしゃ)
海者(いむしゃ)とぅ畑者(ぱりしゃ)
海者(いむしゃ)とぅ畑者(ぱりしゃ)や夫婦(みうとぅ)
ユヌスとぅイサミガ
ユヌスとぅイサミガ
ユヌスとぅイサミガや夫婦(みうとぅ)
(※くり返し×2)
| 
