2.ピサラ・デ・サンバ
作詞：下地勇
作曲：下地勇
「じょうぶん ばすてぃが
あにぎな投(てぃっう゜)い捨(し)てゅーき」
人文(ずんぶん)ありうーんぎ彼(かい)が口(ふつ)から
出(い)でぃたー言葉(むぬす゜)
ああ〜昨日(ぎぬ)や
ああ〜信じうたー
「何(のー)ゆまいしーとぅらさでぃ皆(んーな)が為(たみ)やちか」
「誰(とー)ゆまい高さをしーす゜世(ゆー)んかいどぅなさだか」
ああ〜昨日(ぎぬ)や
ああ〜信じうたー
カマ嶺(んみ)からピンフ嶺(んみ)がみ
馬車ん乗(ぬー)り歩(あす)かしゅう時(とぅきゃ)んどぅ
女童(みどぅむやらぴ)ぬ
母(んま)が手(てぃー)ゆ引(びす)きー笑(あま)い
大声(うぷぐい)し歌(あーぐ)ゆあんずがつな歩(あす)きうたー
「空腹(やーさ)ん渇(かあ)きうーちか
うりうまいかりうまい喰(ふあ)い」
やっう゛ぃぎ人(ぴすとぅ)ち思(うむ)いうたー
彼(かい)が口(ふつ)から出(い)でぃたー言葉(むぬす゜)
ああ〜明日(あつあ)や
ああ〜成す゜がまた
凪場(とぅりばー)から荷川取(んきゃどぅら)がみ
サバニん乗(ぬー)りーぴらしゅーたー時(とぅきゃ)んどぅ
男童(びきやらぴ)ぬ 父(いざ)とぅ浜(ぱま)ん居(うーてぃー)
がばしゃー魚(いず)うどぅ釣(ふふぁ)すがつな笑(あま)いうたー
ヒララ ピサラ ヒララ ピサラ
ヒララ ピサラ ヒララ ラ〜
大浦(うぷら)から増原(ますばり)がみ
自転車ん乗(ぬー)りー走(とぅば)しゅーたー時(とぅきゃ)んどぅ
「汝(うう゛ぁ)すぐぴょーすんな
くまんかいまい回(まあ)り来(く)うだかー」ちどぅ
がば婆(あーま)がどぅ巡査(じゅんしゃ)を
かつみーどぅ叱(んだ)いうたー
ヒララ ピサラ ヒララ ピサラ
ヒララ ピサラ ヒララ ラ〜
| 
