1.我的初戀
口白
鄭：時常聽到朋友講食夠40外歲還不曾初戀
實在真悲哀！也哪講到我的初戀……
鄭：人講每一人的一生中，初戀是最難忘
為何我會嚇嚴重，頭一拜就著重傷
還記憶彼年我讀高中，全班算算我尚俗
阮那班的流行騎野狼我是騎孔明車
落輪又破風
賀：呼呼：初戀有什麼好講呢？
要講 講我的初夜，初夜喔!
鄭：頭一暝喔!
賀：哈!對!
貿：人講 每一人的一生中，頭一夜是最難忘
因何我那會沒印象，莫非我還是原封
還記憶彼年我升國中，漢草已經蓋粗勇
阮那班的對我攏真尊重
全班選我，負責扛便當
鄭：嗯!算書讀了沒蓋好啦
賀：哈哈!那裡那裡
阿你彼冬陣在學校冊讀了好啊不好
鄭：嚨！歹講啦！你聽看覓就知
若是講到讀書我向前衝，追求父母的理想
堵到女生我就沒路用。身軀就像中風
有一工四界攏有聽人講，班上飛來一隻鳳
才知影新來同學中有一位美到看得會抓狂
賀：喔！恁學校是男女合校
鄭：歹勢啦！啊甘嚨講恁攏是攏查甫
賀：阮攏查甫啦，啊嘛讀書呼我是無你搞啦！你聽看
覓你就知！
若講考試我就向後衝﹒英文數學保持兩個洞
祇有把七仔是我的專長，人人叫我魁手龍
有一工福利社的小夢，問我晚上到底有沒有空
原來伊對我早就蓋欣賞，招我散步啊，煽東風
鄭：嗨嗨！啊喲！無簡單喔！唉！若是我就沒同款哩！
賀：你是按怎呢？
鄭：我就講我就有一個新來的同學真美啊！
啊！但是呢！
鄭：人請美人自古配英雄，哮呆就交楝愍
我甲伊三年的同窗，連手嘛不曾摸
有一工我四界攏有聽人講﹒伊嫁了不好塊甲人
做菲佣啦
賀：啊可憐喔！
鄭：人生在世起起落落，宛如一場春秋大夢
賀：啊！有影啦，這個人生就是按呢旱旱啊啦！麥想下多啦！
鄭：你麥講我，啊尾啊彼個小夢約你啊你甘有去？
賀：有啊！阮全家攏同意啦！
鄭：按呢喔！
賀：阮阿公借我一舒彼個老西裝，我偷穿阮爸的瓦筒
歸路的人對我金金相，欣羨怨妒在心中，
想抹到才堵堵啊麥開始爽，一台卡車駛來甲我撞
我哎爸叫母一聲慘叫，好裡加在呼！是白日夢
鄭：原來是做夢的喔！
賀：哼啊無仔是麥按喏
鄭：啊按呢就無採啊哩
賀：喔你嘛卡有良心哩
鄭：開玩笑啦啊尾啊甘講彼個小夢有去找你呶？
賀：定定寫批給我啦，我就無閒回批
鄭：啊所以講啊尾啊你甘不曾交到小姐
賀：無啦！嘛是奄彼個名有夢我就不要
鄭：按呢喔，夢若放後面就不要緊，啊若放頭前，它有要緊
賀：頭前後面攏無好啦！哩都夢遺夢洩彼攏無好啦…………﹒
| 
