13.人親晟錢生命
作詞：郭大誠
作曲：郭大誠
少年放蕩做歹子 不知認真通打拼 賭間當店擱常常走 輸到厝內是無物件
三餐無米通好吃啦 麵店仔也不乎阮賒 我苦 為著借錢搭就走 來找朋友甲親戚
(啊 大路不敢走 暗暗看擱暗暗聽 走到大伯仔彼
大伯仔對阮真討厭 講伊嘟好要上車 呀自安尼走去二叔仔彼
二叔仔罵甲大小聲 害我見笑拼咧走 自安尼走去三姑仔彼
三姑仔放阮在大廳 假意入房去照鏡 我激心走去四嬸仔彼
四嬸仔送阮到大庭 講伊無錢通分乞丐 我最後走去五姨仔彼
五姨仔笑阮放蕩子 叫阮無錢不會去洞璧
啊 總講今仔日才知影 無錢的人晟人驚 有錢的人佔卡贏
苦勸朋友和弟兄 咱就認真來打拼 認真賺擱儉儉呀吃
有一日咱那好額 大伯仔就來叫要請 二叔仔巴結來送餅
三姑仔拉咧走 四嬸仔才甲我拉後領 彼咧時袸的五姨仔若甲我好禮 我嘛會驚)
咱人應該做好子 利用雙手來打拼 賭間當店擱不通走 風騷七逃歹名聲
咱若認真來打拼 不免三年就好額 喔 無錢的人眾人驚 人親晟擱錢性命
| 
