5.初戀的少年家
作詞：武雄
作曲：羅大佑
編曲：羅大佑／朱敬然／陳彥江
昨暝對故鄉吹來的風 我想甲心咧痛
姑娘你甘知阮的夢中 誰置咧流清汗
我一路轉彎看到昨央 歸條路起變化
濁濁的水溪洗盡滄桑 流袂到東海岸
初戀的少年家 地動的少年家 浮沉的少年家
姑娘你甘知阮的夢中 咱是塊找什貨
風落置咱兜渥著青春 風雲的故鄉啊
咱行過世紀彼場青驚 夢是欲飛去搭
誰為咱點燈等待天光 懷念的厝邊啊
心情像滾滾飛的黃沙 找無巢通靠岸
初戀的少年家 地動的少年家 浮沉的少年家
姑娘你甘知阮的夢中 咱是塊號什貨
我猶原決心繼續置這 連大門攏免閂
無論是按怎咱的心肝 總嘛是愛作伴
我舉頭看天天來招我 甲命運扼手霸
咱沿路轢過疼惜的土腳 看時代塊變化
初戀的少年家 地動的少年家 浮沉的少年家
姑娘你甘知阮的夢中 咱是塊夢什貨
我舉頭看天天來招我 探頭有根咧湠
我行過每天你踏的土腳 是緣分的對換
初戀的少年家 地動的少年家 浮沉的少年家
臺北的少年家 台中的少年家 高雄的少年家
姑娘你甘知阮的夢中 咱是塊想什貨
姑娘你甘知阮的夢中 咱是塊等什貨
| 
