14.飄浪的旅行
噢 又擱塊落雨啦
這款郁卒的天氣
使乎人真討厭
自己一個人過著無聊的日子
實在真痛苦
三年前跳出故鄉
出來外地看有什麼成就也無
結果親像一隻小船 茫茫渺渺
飄浪的旅行 哈
一陣一陣無情雨那會落停
想前途可比小船飄浪的旅行
若想起故鄉的人對我的希望
我的良心永遠也感覺不安
故鄉的親人 故鄉的親人
請你原諒原諒辜負您希望
一滴一滴雨水滴滴落心肝頭
手捧著一杯苦酒恰苦飲落喉
若想起心愛的人對我情意重
我的良心永遠也感覺不安
心愛彼個人 心愛彼個人
請你相信相信愛你一世人
故鄉彼個心愛的人
不知還有塊等我也無
想要寫批乎伊嘛無勇氣
伊敢會切心嫁乎別人
那按呢我也沒法度
| 
