1.阮不知啦
作詞：陳達儒
作曲：吳成家
彼時約束啊 雙人無失信
近來言語啊 煞來無信憑
冷淡態度親像無要無緊
你甘是 你甘不是找到新愛人
啊 阮不知啦 阮不知啦 總無放舊去找新
近來講話啊 大聲細聲應
愛情戀夢啊 漸漸變無親
不明不白因何僥心反面
你甘是 你甘不是找到新愛人
啊 阮不知啦 阮不知啦 總無放舊去找新
春天花蕊啊 為春開了盡
十八少年啊 為你用心神
怎樣這款全無同情憐憫
你甘是 你甘不是找到新愛人
啊 阮不知啦 阮不知啦 總無放舊去找新
2.桃花鄉
桃花鄉 桃花鄉是戀愛地 我比蝴蝶妹妹來比桃花
雙腳站齊齊 我的心肝你的心肝 愛在心底
愛在心底 愛是寶貝 我的希望 只有妹妹
啊桃花鄉是戀愛地 我比蝴蝶妹妹來比桃花
桃花鄉 桃花鄉是戀愛城 滿面春風雙雙合唱歌聲
春風吹入城 我的心肝你的心肝 心肝岸定
心肝岸定 相愛相痛 永遠甘蜜 有妹有兄
啊桃花鄉是戀愛城 滿面春風雙雙合唱歌聲
3.春花望露
今夜風微微 窗外月當圓 雙人相愛要相見 思君在床邊
袜見君親像野鳥啼 噯唷 引阮心傷悲 害阮等歸暝
明夜月光光 照在紗窗門 空思夢想歸暝恨 袂得倒落床
袜見君親像割心腸 噯唷 引阮心頭酸 面肉帶青黃
深夜白茫茫 冷風吹入窗 思思念念君一人 孤單守空房
袜見君怨嘆目眶紅 噯唷 引阮病者重 情意害死人
4.牛犁歌
作詞：許丙丁
頭戴著竹笠仔喂 遮日頭呀喂
手牽著犁兄仔喂 行到水田頭
奈噯唷呀犁兄仔喂 日曝汗那流
大家著合力呀喂 來打拼噯唷喂
奈噯唷呀裡多犁兄仔喂 日曝汗那流
大家來打拼噯唷喂
腳踏著水車仔喂 在水門呀喂
手牽著犁妹仔喂 透早天未光
奈噯唷呀犁妹仔喂 水冷透心腸
大家著合力呀喂 來打拼噯唷喂
奈噯唷呀裡多犁妹仔喂 水冷透心腸
大家來打拼噯唷喂
手推著牛犁仔喂 來犁田呀喂
我勸著犁兄仔喂 不通叫艱苦
奈噯唷仔犁兄仔喂 為著顧三丈
大家著合力呀喂 來打拼噯唷喂
奈噯唷呀裡多犁兄仔喂 為著顧三丈
大家來打拼噯唷喂
5.姊妹愛
作詞：陳達儒
作曲：蘇桐
姊妹迎春美麗等春夢 無疑無誤意愛同一人
今日將愛甘願對妹送 不甘害妹破害好花叢
姊妹花蕊本來同根枝 蝴蝶害人運命不公平
世間至親是阮妹甲姊 不甘害妹耽誤青春時
姊妹青春雖然無二擺 為妹害姊怎樣結將來
請你放心照阮的交代 大來讓小這是合應該
6.滿面春風
作詞：周添旺
作曲：鄧雨賢
人阮彼日 甲伊雙人 作陣去遊江
伊有對阮 講起愛情 說出青春夢
又擱講阮 生成愛嬌 生作真活動
乎阮一時 想著歹勢 見笑面煞紅
又擱一日 甲伊行入 一間小茶房
雙人對坐 滿面春風 咖啡味清香
彼時伊也 對阮講起 結婚的事項
乎阮一時 想著歹勢 見笑面煞紅
一日黃昏 伊又講起 那達成希望
會得結婚 不免等待 三年又两冬
可以造成 可愛子兒 幸福一世人
乎阮一時 想著歹勢 見笑面煞紅
7.春宵夢
作詞：周添旺
作曲：周添旺
春宵夢 春宵夢 日日相共
歹夢誰人放 不離相思巷
較想也是苦痛 較夢也是昧輕鬆
春宵夢 春宵夢 日日相共
月也照入窗 照著阮空房
也無照著好夢 較照也是相思欉
春宵夢 春宵夢 日日相共
好夢即時空 消瘦不成人
冷風不吹別項 較吹也是相思欉
8.六月茉莉
作詞：許丙丁
作曲：許丙丁
六月茉莉真正美 郎君生做真古錐
好花難得成雙對 身邊無娘仔伊都上克虧
六月茉莉真正香 單身娘仔守空房
好花也著有人挽 沒人知影伊都氣死人
六月茉莉香透天 單身娘仔無了時
好花也著合人意 當時郎君仔伊都在身邊
六月茉莉透暝香 單身娘仔做眠夢
好花開了等下冬 娘仔親像伊都何時放
六月茉莉滿山香 挽花也得惜花欉
親像蝴蝶亂亂弄 採過一欉仔伊都又一欉
六欉茉莉分六路 一欉較美搬落湖
日時要挽有人顧 暝時要挽伊都人看無
9.三步珠淚
一步珠淚掛目墘 離娘別哥莫怨天
月老算盤打錯見 青天恨海兩份悲
二步珠淚淚落土 日來割腸暝掛肚
望娘玉體著照顧 不免乎我加添苦
三步珠淚淚成水 想著我娘抹分開
月老註定難改為 迫甲乎咱著分開
10.日日春
作詞：陳達儒
作曲：蘇桐
阮是日日春 日日悶
天光開花到黃昏
紅花點胭脂 白花抹水粉
開花等待蝴蝶群
阮是日日春 日日愁
怨嘆終身誰收留
雖是薄命花 日日也清秀
不是為著愛風流
阮是日日春 日日苦
怨嘆快開快落土
日來吹著風 夜來凍著露
生成薄命無奈何
11.港邊惜別
作詞：陳達儒
作曲：吳成家
戀愛夢 乎人來拆破
送君離別啊 港風對面寒
真情真愛 父母無開化
不知少年啊 熱情的心肝
自由夢 乎人來所害
快樂未透啊 隨時變悲哀
港邊惜別 天星像目屎
傷心今暝啊 要來分東西
青春夢 乎人來打醒
美滿春色啊 變成黑陰天
港邊海鳥 不知阮分離
聲聲句句啊 吟出斷腸詩
12.窗邊雨
作詞：陳達儒
作曲：姚讚福
窗邊雨窗邊雨
透早落到黃昏黑 害阮無厝通偎靠
開窗探頭看街路 想欲出門雨又粗
窗邊雨窗邊雨
害阮透暝全無睏 要守空房想著君
平安對頭結緣份 今暝雨來心鬱悶
窗邊雨窗邊雨
害阮抹睏偎窗邊 聽著雨聲鑽心肝
心頭悲悲望相見 一暝愈想像兩暝
13.我的青春
作詞：陳達儒
作曲：姚讚福
月色清光照你我
世間心色真快活
定定天清清路闊闊
我的青春 你的青春
我真歡喜 你也歡喜
雙人熱情在心內
雙人愛情青春夢
可比海邊雙船帆
同陣誅風浪 同倚港
我的青春 你的青春
我真歡喜 你也歡喜
無論早暗也成雙
愛情無變心安定
你是我的燈火影
有你在身邊 阮也行
我也青春 你的青春
我真歡喜 你也歡喜
雙人同進青春城
| 
