1.江上月影
作詞：周添旺
作曲：鄧雨賢
江上月影光又明
江中的水流無停
月是照著咱的影
啊並無照著咱的情
一陣涼風對面吹
一對烏影咱二個
雖是無言惦惦坐
啊心情已經是你的
雙人做陣在江邊
不過那夢是一時
四邊猶原靜寂寂
啊只有林中蟲聲悲
只有林中蟲聲悲
2.期待
作詞：鳳飛飛
作曲：王明哲
編曲：張乃文
一年四季春來秋去 惦惦來分開彼時的情意
心內的夢 怎樣講起 思念放抹離
花開花謝落雨的暗暝 孤單一人想咱的過去
窗外雨聲 引阮心悲 歸暝睏抹去
想到彼時 苦澀酸甜 對啥人來講起
啊～ 今夜又是孤單的相思
一年四季春來秋去 惦惦來分開彼時的情意
心內的夢 怎樣講起 思念放抹離
花開花謝落雨的暗暝 孤單一人想咱的過去
窗外雨聲 引阮心悲 歸暝睏抹去
這段情愛 猶原期待 望你返來阮身邊
啊～ 今夜又是孤單的相思
3.蝶戀花
作詞：洪一峰
作曲：洪一峰
紅紅花蕊當清香 春天百花叢
清翠花蕊定定紅 不驚野蜂弄
心愛哥哥你一人 花美永遠同
阮是忍耐風雨凍 歡迎你一人
南風吹來心輕鬆 漸漸談情戀
春色可比自由夢 蝴蝶守花叢
心愛妹妹你一人 歡喜正清香
快樂美滿是無限 我愛妹一人
戀花開透送香味 文雅自然美
春天咱著放心開 鳥隻亂亂飛
阮是愛哥有情義 疼痛結相隨
戀花多情多是非 不敢來放離
愛情投合在心內 空中月也知
心心相印雙人愛 終身相感介
咱是甜蜜隨東西 遊賞咱世界
蝶戀花栽相等待 年久著原在
4.情字這條路
作詞：慎芝
作曲：鄭華娟
那會那會同款 情字這條路
給你走著輕鬆 我走著艱苦
那會那會同款 情字這條路
你隴滿面春風 我隴在淋雨
不願承認心內思慕 暝暝等著你的腳步
不願承認阮的愛你是錯誤 不願後悔何必當初
那會那會走來 情字這條路
默默跟你來此 望你倘照顧
那會那會走來 情字這條路
回過頭才知影 歹走的路途
不願承認未倘幸福 暝暝唸著愛的歌譜
不願承認前途茫茫看無路 不願提起消息攏無
5.心肝寶貝
作詞：李坤城／羅大佑
作曲：羅大佑
月娘光光掛天頂 嫦娥置那住
你是阮的掌上明珠 抱著金金看
看你度晬 看你收涎 看你底學行
看你會走 看你出世 相片一大卡
輕輕聽著喘氣聲 心肝寶貝子
你是阮的幸福希望 斟酌給你晟
望你精光 望你知情 望你趕緊大
望你古錐 健康活潑 毋驚受風寒
鳥仔風箏 攏總會飛 到底為什麼
魚仔船隻 攏是無腳 按怎會移位
日頭出來 日頭落山 日頭對叨去
春天的花 愛吃的蜂 伊是置叨位
鳥仔有翅 風箏有線 才會天頂飛
魚仔有尾 親像行船 希望著愛找
日頭出來 日頭落山 日子攏安呢過
花謝花開 天暗天光 同款的問題
6.素心蘭
作詞：陳達儒
作曲：郭玉蘭
百花紅艷在春季
啊～
阮是夏天才有開
夏到百花落花蕊
我親哥啊
就知蘭花才欲開
蘭花慢慢送香味
啊～
忍耐清靜等時期
野花隨開隨時止
我親哥啊
就知蘭花隨尾青
野花只有暫時看
啊～
阮是永遠插花盤
葉青花白無改換
我親哥啊
就知蘭花的心肝
7.思念的歌
作詞：路寒袖
作曲：王明哲
我的名 是孤單 風霜永遠跟阮我行
雲作伴 風唱歌 飄浪的心無時定
思念親像山連山 一山盤過又一山
故鄉 故鄉 阿你等我 等我唱出思念的歌
天地闊 路無名 濛濛浮出一個行影
天涯路 帶阮行 行出思念的山嶺
思念親像山連山 一山盤過又一山
故鄉 故鄉 阿你等我 等我唱出思念的歌
故鄉 故鄉 阿你等我 等我唱出思念的歌
8.寫予雲頂的名
作詞：路寒袖
作曲：陳明章
你的名 寫佇水中央 寫佇雲頂
漂東飛西 無時無陣
這是命 也是運
定定孤單
目啁金金等天光
我的聲 吹著風 凍著霜
盤過山嶺 一庄一村
心會酸嘛會軟
夜夜等待
腳手冷冷倒眠床
你的名 你的聲 水雲一過無留痕
我的名 我的聲 風霜絕情啥人問
啊 咱前世天註定
一生空等 無情無恨
9.南都夜曲
作詞：陳達儒
作曲：陳秋霖
南都更深 歌聲滿街頂 冬天風搖 酒館繡中燈
姑娘溫酒等君驚打冷 無疑君心先冷變絕情
啊 啊 薄命 薄命 為君仔哭不明
甜言蜜語 完全是相騙 惦在路頭 酒醉亂亂顛
顛來倒去君送金腳鍊 玲玲瓏瓏叫醒初結緣
啊 啊 愛情 愛情 可比紙煙烟
安平港水 沖走愛情散 月也薄情避在東平山
酒館五更悲慘哭無伴 手彈琵琶哀調鑽心肝
啊 啊 孤單 孤單 無伴風愈寒
10.苦戀歌
作詞：那卡諾
作曲：楊三郎
明知失戀真艱苦 偏偏走入失戀路
只知燒酒袂解憂 偏偏飲酒來添愁
看人相親甲相愛 見景傷情流目屎
誰人會知阮心內 只有對花訴悲哀
明知女性真厲害 偏偏乎伊騙嘸知
只知黑暗的世界 偏偏行對這路來
看見蝴蝶結相隨 放阮孤單上克虧
親像花蕊離花枝 何時才會成雙對
明知對我無真情 偏偏為伊來犧牲
只知對我無真愛 偏偏為伊流目屎
第一癡情著是阮 每日目屎做飯吞
欠伊花債也未滿 今日著的受苦戀
11.相思嘆
作詞：張木榮
作曲：張木榮
月色當光照紗窗 感覺有欠項
相思過頭暝日夢 心酸欲等你一人
離開彼久敢無望 害阮守空房
孤單憂愁在床內 梳妝看鏡台
面肉消瘦攏不知 怨恨阮命流目屎
我君何時會返來 替阮想看覓
等君無返暝日哮 病症強欲到
房內暗暗目屎流 何時相會來阮兜
煩惱年歲年年老 我君無越頭
煩惱年歲年年老 我君無越頭
12.秋怨
作詞：鄭志峰
作曲：楊三郎
行到溪邊水流聲 引阮頭殼痛
每日思君無心晟 怨歎阮運命
孤單無伴賞月影 也是為著兄
怎樣兄會不知影 放阮做你行
黃昏冷淡日頭落 思念阮親哥
可比孤雁飛過河 目屎輪輪軻
講阮有君也那無 無人通所靠
人人講阮甲君好 想著心攪慒
月色光光照山頂 天星粒粒明
前世無做歹心幸 郎君這絕情
開窗無伴看月眉 引阮空悲哀
彼時相親佮相愛 哥哥你甘知
| 
.jpg)