1.快樂的出帆
作詞：蜚聲
今日是快樂的出帆期 無限的海洋也歡喜出帆的日子
綠色的地平線 青色的海水 卡膜脈 卡膜脈 卡膜脈嘛飛來
一路順風唸歌詩 水螺聲響亮送阮 快樂的出帆啦！
親愛的朋友啊情難離 爸爸啊媽媽啊 我會寫批寄乎你
暫時的分離 請你免掛意 卡膜脈 卡膜脈 卡膜脈嘛飛來
一路順風唸歌詩 滿腹的興奮心情 快樂的出帆啦！
天連海海連天幾千里 清涼的海風也祝阮出帆的日子
迷人的南洋 木瓜花香味 卡膜脈 卡膜脈 卡膜脈嘛飛來
一路順風唸歌詩 手彈著輕鬆吉他 快樂的出帆啦！
p.s卡膜脈：海鳥、海鷗的意思
2.孤女的願望
作詞：葉俊麟
演唱：張清芳
請借問播田的田莊阿伯啊
人塊講繁華都市台北對叼去 阮就是無依偎可憐的女兒
自細漢著來離開父母的身邊 雖然無人替阮安排將來代誌
阮想要來去都市做著女工渡日子 也通來安慰自己心內的稀微
請借問路邊的賣煙阿姐啊
人塊講對面彼間工廠是不是貼告示要用人 阮想要來去
我看你猶原不是幸福的女兒 雖然無人替咱安排將來代誌
在世間總是著要自己打算才合理 青春是不通耽誤人生的真義
請借問門頭的辦公阿伯啊
人塊講這間工廠有要採用人 阮雖然也少年攏不知半項
同情我地頭生疏以外無希望 假使少錢也著忍耐三冬五冬
為將來為著幸福甘願受苦來活動 有一日總會得著心情的輕鬆
3.孝女的願望
作詞：葉俊麟
一蕊白茉莉真清香 今日想要提來送乎心愛的人
沿路春風真溫柔 引阮心跳弄
像阮為著歹環境 甘願出來做女工
伊若瞭解女性的純情心 以外無望
一蕊白茉莉正當開 總有蝴蝶心也茫茫飛來做堆
無人會知阮怎樣 暗中流珠淚
做人女兒真不甘 爸爸為阮來拖累
望伊身體暝連日勇健健 大細心花開
一蕊白茉莉心情幽 沿路順風搖搖弄弄 無憂無愁
到底誰人無希望 快樂心自由
阮沒怨恨歹環境 只為前途來擔憂
伊若瞭解女性的純情心 花蕊請你收
4.我有一句話
作詞：陳達儒
作曲：侯賜泉
我有一句話想要對你表明
我的心肝內為你相思抹清
若是欲求愛恐驚你肯也不肯
想你的人影不時在阮目睭前
我有一句話想要對你講起
想著真歹勢見面講天講地
若是老實講不知受氣無受氣
進退真兩難空思亂想到半暝
我有一句話想要對你參考
不知你心內即久感覺如何
若是有決心希望永久欲相好
請你講一句不免害阮憨憨慒
5.請你信賴我
演唱：陳小雲
希望你來相信
男性的心情
雖然是站在他鄉
堅心找前程
我也猶原每日思念
故鄉的情景
不敢來放忘記著
幸福的家庭
思慕你在今夜
夢中來相見
雖然是安慰著我
一時的稀微
你是我的只有一個
可愛的伴侶
不想你到底是要
叫我想什麼
希望你放忘記
不通來懷疑
雖然是耽誤著你
空過青春期
你我總是賭著性命
相愛結情義
不管你離開天涯
情絲斷袂離
6.港邊惜別
作詞：陳達儒
作曲：吳成家
戀愛夢 被人來拆破 送君離別啊 港風對面寒
真情真愛 父母無開化 不知少年啊 熱情的心肝
自由夢 被人來所害 快樂未透啊 隨時變悲哀
港邊惜別 天星像目屎 傷心今暝啊 欲來分東西
青春夢 被人來打醒 美滿春色啊 變成黑暗天
港邊海鳥 不知阮分離 聲聲句句啊 吟出斷腸詩
7.淡水河邊
作詞：葉俊麟
作曲：日本曲
編曲：張乃仁
黃昏的淡水河邊 路燈閃閃熠
看四邊的景緻 不覺心傷悲
想起著彼當時 雙人情意甜
時常約束在河邊 快樂伴相隨
啊..啊 現在你放阮塊相思
黃昏的淡水河邊 越頭看過去
有一對好情侶 坐在河岸邊
為怎樣心愛的 無情甲無義
開聲叫著你名字 到底去叨位
啊..啊 真無疑變心作你去
阮也是親像伊 無伴在身邊
孤單茫茫惦這位 行來又行去
啊..啊 永遠是袂凍再作堆
8.春風歌聲
東平日出黎明時
清風吹來笑微微
風光美景滿人意
可愛小鳥吟歌詩
啊花開樹葉青
暖和天氣日照江邊
春風歌聲
讚賞快樂好春天
萬里無雲天晴晴
鶯歌鳥啼在窗前
看見外面好光景
江水悠悠流無停
啊春風吹心情
熱血心性無限前程
合唱歌聲
祝咱前程的光明
風景宛然山水鏡
解人悶悶的心情
百花爭豔樹弄影
雙人行出門口庭
啊遊玩爬山嶺
同進同行唱出歌聲
前進前進
進入幸福青春城
9.流浪之歌
作詞：黃敏
船也要倒轉來 日落黃昏時
去處也無定的 阮要叨位去
拖磨的阮身命 有時往山野
為何來落目屎 為何會悲傷
拋棄的阮故鄉 總是也無惜
流浪來再流浪 風雨吹滿身
啼哭也不倒來 青春彼當時
目屎若會流落 叫阮要怎樣
路若行有東西 人生有暗光
雖然日頭在天 不時照落來
春天彼快過去 秋天就要來
可憐的阮青春 悲哀的生命
10.送君情淚
作詞：葉俊麟
作曲：日曲
一路送君來行到了小山崙
一時心肝頭亂紛紛
滿腹心事要對君議論
又來想不允
乾擔吐氣暗自恨
二人做陣來行到了雙叉路
兩平椰子樹影暗黑
暗中想起君前途勞苦
目屎像落雨
渥甲身驅淡糊糊
三言二語來交代著郎君伊
三番四叮嚀望再見
裝著笑容來甲伊分開
忍著心酸悲
惦在路頭情綿綿
11.補破網
作詞：李臨秋
作曲：王雲峰
見著網目眶紅 破甲這大孔
想要補無半項 誰人知阮苦痛
今日若將這來放 是永遠無希望
為著前途穿活板 找傢司補破網
手拿網頭就重 悽慘阮一人
意中人走叼藏 針線來鬥幫忙
姑不二終罔震動 拿長針接西東
天河用線作橋板 全精神補破網
魚入網好年冬 歌詩滿漁港
阻風雨駛孤帆 阮勞力無了工
雨過天晴魚滿港 最快樂咱雙人
今日團圓心花香 從今免補破網
12.落葉時雨
作詞：愁人
作曲：吉田正
演唱／陳芬蘭
他鄉的秋葉隨雨吹落地 流浪不盡彈吉他的人
一切的希望為伊來打碎 歌聲帶目屎流浪東又西
為酒身消瘦為伊目屎流 男性流浪彈吉他的人
初戀青春夢明知未返來 無情的秋風偏偏引悲哀
流浪的生活無依又無偎 黑暗的酒場當做阮家庭
無聊的長暝燈火也憂愁 五色綵燈下孤單獨相思
13.懷念媽媽
阮就是細漢，流浪的孤兒，
每暗在酒場，唱歌做生意，
悲哀的心情，唱歌像哭啼，
懷念的媽媽，妳是叨位去。
心愛的媽媽，離開阮身邊，
繁華的都市，不知叨位去，
走著夜酒家，到處在找伊，
今夜的歌聲，怎樣變哀悲。
可憐的孤兒，唱歌給人聽，
酒家的阿姐，替阮哭出聲，
今夜的吉他，響亮在酒家，
拜託好人客，報給伊知影。
14.三線路
作詞：陳達儒
作曲：林綿隆
三線路 草青青
想著彼時月光暝
甲君相會分抹離
雙人賞月算天星
啊 算天星
三線路 月圓圓
真是月圓初戀時
戀花當開當歡喜
無疑愛情半酸甜
啊 半酸甜
三線路 風微微
今夜無君路稀微
孤單傷心目屎滴
想著哀怨坐歸暝
啊 坐歸暝
.
15.懷念的花籃燈
懷念的花籃燈吊在窗門前 思念著親人初戀的暗暝
算起來已經一年 你著不倘放袂記
啊....每日想你 永遠想你
懷念的花籃燈照著水邊時 親像在夢裡的優美的暗暝
不時地叫他名字 你咁真正無聽見
啊....每日想你 永遠想你
懷念的花籃燈像阮怨歸暝 引阮睏袂去無聊的暗暝
為怎樣你不返來 安慰阮的心稀微
啊....每日想你 永遠想你
16.南都夜曲
作詞：陳達儒
作曲：陳秋霖
南都更深 歌聲滿街頂 冬天風搖 酒館繡中燈
姑娘溫酒等君驚打冷 無疑君心先冷變絕情
啊 啊 薄命 薄命 為君仔哭不明
甜言蜜語 完全是相騙 惦在路頭 酒醉亂亂顛
顛來倒去君送金腳鍊 玲玲瓏瓏叫醒初結緣
啊 啊 愛情 愛情 可比紙煙烟
安平港水 沖走愛情散 月也薄情避在東平山
酒館五更悲慘哭無伴 手彈琵琶哀調鑽心肝
啊 啊 孤單 孤單 無伴風愈寒
| 
