1.我今仔日無想欲飛
作詞：謝銘祐
作曲：謝銘祐
城市的天頂，𤲍滿滿一堆人，
酸痛的翅仔，越來越重
佗位的月娘光映映，掛佇遐咧等我，
熱人的冷氣愈來愈寒，
啥人來將我彼對寒翼仔，
換一雙新跤，
實實在在會慢慢仔行。
我今仔日無想欲飛，
我揣無人講一寡話，
敢有一塊心會當安穩的土地。
我今仔日無想欲飛，
少年的夢猶賰偌濟？
我越頭過有一蕊叫青春的花，
這世人猶毋捌開過。
2.老城門
作詞：謝銘祐
作曲：謝銘祐
到底幾百年 若感覺目一下睨 東南西北門 阮的名字
鬧熱的鑼鼓聲 嘛響起流行歌 踅佇阮拄才補好的厝瓦
運河慢慢流 流過春夏秋冬的岸 阮坐佇這顧城
迎新又去舊 是好歹也過一年 舉頭還是十六的月較圓
出入攏平安 是美醜好額散 二扇門 拍開的未來 真遠
禿額的石敢當 有肉臊香的風 黃昏的無尾巷 惦惦無聲
城市換新衫 大樓擠走稻埕 出外的人最驚拍無見心肝
褪色的門板 總有人又來漆紅紅 阮猶佇這顧城
點啊點叮噹 天公伯仔慢慢啊點 要走要留半點不由人
日頭落又起 是時間的掌中戲 二扇門 再會又團圓 創治
媽祖保庇哦 觀音媽保庇哦
土地公保庇哦 天上眾神保庇哦
砲仔響上天 向望來年又豐年 歡喜就去愛 愛不著嘛歡喜
門關門又開 等五更雞就啼 二扇門 一年又一年 日子
3.行
作詞：謝銘祐
作曲：謝銘祐
行 沿路行 行 慢慢行
經過少年的囝仔伴 也經過失戀的亭仔腳
擱行 繼續行
行 沿路行 行 邊擦汗
聽見阮子在叫阿爸 也聽見幾落聲再會啦
來行 心愛的 逗陣行
直直的 彎曲的 看無尾的人生
鬧熱的 寂寞的 無閒趕路的面
時間伊 無曾停
大雨大風 咱就頭犁犁邊停邊行
爬陡落山 咱就一步步穩穩阿行
有好風景 稍揉一下腳
有雙岔路 心抓乎定
轉彎遶角 攏嘛家己跟家己輸贏
夢一大片 拖著半路阮長長的影
好額散赤 好命還歹命
路還真遠 阮憨憨阿行
＊Repeat＊
行 沿路行
行 繼續行
4.鳳凰花飛啊飛
作詞：謝銘祐
作曲：謝銘祐
直直的身軀翅仔葉，紅紅的花蕊火在燒
陪阮大漢唱驪歌，看汝細漢賴賴趖
日頭若越大伊越愛，咱坐佇樹跤等風來
汝若有閒來台南，伊徛佇路邊排規排
一個城市會當藏寡濟夢？
一叢樹仔會當陪幾代人？
鳳凰花飛啊飛，汝欲共阮帶去陀
紅若火，一著起來熱袂退
鳳凰花飛啊飛，汝欲共阮帶去陀
紅的雪，佇阮夢中硞硞綴
5.五條港邊
作詞：謝銘祐
作曲：謝銘祐
天清清 地靈靈
城輕輕 人閒閒
巷仔內有人在絲敏豆 等待誰的黃昏後
入內坐 緊入內坐 捏話頭
五條河 流去陀？
輕便車 踅去陀？
啉一杯古味的青草茶 幾百年啊時間短
老先覺 伊的故事 猶寡濟？
媽祖你嘛拜啦! 王爺你嘛拜一下
水仙宮斡過去 碗粿你著配鹹糜
風神你嘛拜啦! 藥王你嘛拜一下
一面牆 搬一齣戲
咱的夢 演到何時？
月娘趕日頭 風微微
6.戀戀大員
作詞：謝銘祐
作曲：謝銘祐
牽腸掛肚的巷內 風對海中央吹來
幾痕蚵殼灰 茫霧黃昏的紅磚
伊咧等待啥物人 坐佇椅條頂的夢
時間搖啊搖 行過有若無
若彼束束縛伊 愛人仔的烏頭鬃
茫茫的海面東南也西北
恬恬的港邊春夏又秋冬
迎來送往的船隻 換新棄舊的身影
陪伊 渺渺的向望
思念是唱未完的一首歌
踅佇咧毋出聲的熱蘭遮
歌唸啊唸成詩 伊等啊等成癡
海風
吹來
吹來
吹來
7.金小姐
作詞：謝銘祐
作曲：謝銘祐
梳妝點胭脂 等伊畫目眉
心肝綴伊飛出海 伊啊伊毋知
金金的頭毛 生成的心酸
海風講伊猶無線索 思念猶寡遠
叩啊叩啊伊這扇無應的門
伊對阮的約束 猶掛佇鑼聲響起彼個黃昏
找無時間的港邊 是啥人留的青春少年時
愛啊怨啊分袂清 攏變做無情的海湧
念的彼个伊 敢猶彼个伊
念成一條歌 纏
念啊伊啊伊 猶是彼个伊
纏啊伊啊伊 伊 伊 伊......
8.阮兜住伫屎溝墘
作詞：謝銘祐
作曲：謝銘祐
有味的河啊!老年冬 歷史的巷仔臭芳芳
⋯⋯ 以早流過阮的厝 今嘛行入阮廳房
阿爸起厝予阿姆住 養的恩情較贏山
伊將厝來傳予我 故事我來繼續寫
公媽逐日拜 子孫仔千萬代
阮兜住佇屎溝墘 厝小感情綿綿綿
天棚吱拐喊樓梯 怹是歡喜唸歌詩
阮兜住佇屎溝墘 入內啉茶配日子
不時無閒搐鬢邊 窮寡時間來這 找舒適
9.丸奇活動中心
作詞：謝銘祐
作曲：謝銘祐
人欲活 就愛動
生活本底就變猴弄
烏魚子 就勻勻仔烘 齷齪予伊去鑚磅空
有緣千里嘛 會相會 斷線的風吹既在伊飛
城市會生疏 袂好勢 咱這交會著厝邊頭尾
丸奇活動中心 逐家攏嘛歡迎光臨
難免一寡不如意 開講一下 隨袂記
丸奇活動中心 好料的攢出來 較要緊
有人佇咧就有閒
入內盤撋一下 趁心適
La~ La~
La~ La~
La~ La~
10.土
作詞：謝銘祐
作曲：謝銘祐
南風稍可透 少年慢慢老
貓佇厝尾頂 哭夭
土佇手內唱山歌
伊講心內有一幅畫佇遐趖 袂定著
土裡有天 多高
土裡有海 自由彎
土裡有人 有夢
一雙手幾粒土丸 換誰 捏看覓
敢會拍無去 想欲搬的戲
咱的火燒窯 準備
我捏啊捏啊汗放乎流
就鑽入土裡快活 飛啊泅啊 毋免管我
11.信守的明信片
作詞：謝銘祐
作曲：謝銘祐
(音譯版)
風 鹹鹹的風
日頭 照丟阮
寫歸句話 畫一張圖 頭前甘有路
啥米時陣 擱來這散步
信守的明信片 薄薄的誠意
寄乎嘎己 寄給你
日子是風 南來北去
好壞攏有時
行 嘛係愛 返去
(字義版)
風 鹹鹹的風
日頭 照到阮
寫幾句話 畫一張圖 頭前甘有路
什麼時陣 擱來這散步
信守的明信片 薄薄的誠意
寄乎自己 寄給你
日子是風 南來北去
好壞攏有時
行 嘛係愛 回去
12.老朋友
作詞：謝銘祐
作曲：謝銘祐
老朋友 一雙手 陪阮捏未來的模樣
老朋友 一暝酒 嘛著你來解憂愁
三,二句話 一个眼神 隨知影阮陀位咧疼
路若崎嶇 阮一喊 你會陪阮行
無閒的人 無閒去想以早做的夢
等陀一工 咱擱親像少年時 彼摜青仔叢
無咧驚 共天借一粒憨膽 共伊拼
青春留佇彼堆相片 誰知影日子老這緊
好咧佳哉 阮一喊 你猶是相挺
無閒的人 無閒去想以早做的夢
等陀一工 咱擱親像少年時 彼摜青仔叢
無咧驚 共天借一粒憨膽 共伊拼
| 
