1.你是無情的人
作詞：俞隆華
作曲：俞隆華
編曲：邱芳德
離開心愛真不甘
心肝內感覺真沈重
是我痴情目睭拖窗
以為你會愛我一世人
啊 －－
何必為著失戀塊怨嘆
何必為著無情彼個人
每日傷心目眶紅
啊 你是一個無情無義的人
2.一定會較好
作詞：葉俊麟
作曲：邱芳德
編曲：邱芳德
咱若是＋見著面著心糟糟
誰人抹煩惱
為著你咽理想的將來
專心打拼 敢有什麼錯
愛情干擔我愛你
你愛我那有好結果
只是為著恐驚海起風波
一切聽你的話
照你的心願來做
按呢敢會較好
對你敢會較好
對咽一定較好
3.生的滋味
作詞：成鳳
作曲：黃仁清
編曲：邱芳德
無情風吹著阮心稀微
無情雨淋著阮心裡真空虛
孤單的心就親像星
淒涼的月亮掛天邊
你敢知我的心肝內
鬱悶的心情無人會了解
既然是人生滋味
不管它是苦也是甜
有時存常當作是一場夢
有時存想起來乎人真失望
冰冷的心前途茫茫
過去的一切變成空
你敢知我的心肝內
鬱悶的心情無人會了解
既然是人生滋味
不管它是苦也是甜
4.海上男兒
作詞：葉俊麟
作曲：市川昭介
編曲：邱芳德
磨樂著 磨樂著海上的漂浪的生活
不驚風雨 不驚波浪
也不管寒也熱 期待著快樂前程
當然無惜流血汗
雖然是每日思念故鄉的好情伴
心愛的 心愛已經一年外
寂寞塊等我
忍耐著 忍耐著海上的寂寞的生活
天頂月娘船邊海鳥 最了解阮心肝
有時也彈著吉他 唸著思鄉彼首歌
安慰著心情空虛
忍受一切拖磨 心愛的
心愛的 心愛的請你原訴我
為我守孤單
5.阿美小姐
作詞：俞隆華
作曲：俞隆華
編曲：邱芳德
自彼日我來熟悉阿美小姐
怎樣給我不時續會關心掛念你
敢是叫做初戀的心情
害我心茫茫
她若是猶原會來思念我
阿美啊喂 阿美啊
妳是純情的女性
想要來走去找她阿美小姐
等待下班不時看著時間做工夥
敢是叫著熱戀的心情
害我無心晟
她若是歡迎做陣來散步
阿美啊喂 阿美啊
妳是純情的女性
要來送她物件表示情意
考慮一埔看來看去 不知買什麼貨
敢是叫做迷戀的心情
害我心焦煩
她若是猶原是來歡喜我
阿美啊喂 阿美啊
妳是純情的女性
6.女性男性
作詞：葉俊麟
編曲：邱芳德
(女)多情多恨情慾的世界
男性風度怎樣你敢知
(男)情愛二字難說明 思怨總是分抹清
當著不幸的情形 總會引人來同情
啊 男性應該 為你抱不平
(女)假情假愛這款不應該
造成仇恨永遠在心內
(男)事先最好心鎮靜 不通對人太痴情
女性為情來犧牲 愁嘆男性啥路用
啊 誰人造成男性的不幸
(女)為著人類愛情著警戒
不通陷害愛人的將來
(男)如今你也會分明 冷暖無常的世情
那通冤枉著男性陷害女性的一生
啊 誰無期待幸福的家庭
7.飄浪情深
作詞：俞隆華
作曲：俞隆華
編曲：邱芳德
誰人會凍了解
飄浪的心情像大海
誰人甘願忍耐
流浪異鄉的悲哀
啊 無論大雨也風颱
啊 無論什麼來阻礙
啊 我會忍耐 忍耐
心愛的 心愛的
請你等待
8.我是有情人
作詞：邱芳德
作曲：邱芳德
編曲：邱芳德
為什麼來分西東
為著心愛你一人
為什麼阮心茫茫
也是為著心愛的人
請你請你著諒解
抹凍照希望
每日伴你心輕鬆
暫時做著寂寞的人
我會認真拼幾冬
叫一聲心愛的
對你對你講出心內話
我是有情人
9.浪子的苦衷
作詞：葉大輝
作曲：蔣錦鴻
編曲：邱芳德
為著前途為理想
離開可愛的故鄉
不是阮的心梟雄
放你一個孤單在家中
希望你著愛原諒
我不是出外去放蕩
請你自己愛保重
期待你咱再相逢
心愛的 不通擱悲傷
為著前途為理想
離開可愛的故鄉
不是阮的心梟雄
放你一個孤單在家中
雖然是歷盡滄桑
阮的意志真堅強
獻出全部的力量
捉準目標向前衝
心愛的 等我回故鄉
展著浪子成功的笑容
10.難忘的鳳凰橋
今夜燈光影暗淡 難忘的鳳凰橋
像彼暝 冷酸酸摧著目屎滴
心愛的彼個人 因何放阮做你去
啊 哀愁的橋頂罩著茫霧
月色朦朧又照著 難忘的鳳凰橋
陪伴阮心空虛 徘徊著橋頭邊
來懷念彼當時 雙人情意糖蜜甜
啊 哀愁的橋頂罩著茫霧
水流聲音引心悲 難忘的鳳凰橋
像替阮來叫著 思念著你名字
到底你 到何時 即會返來阮身邊
啊 哀愁的橋頂罩著茫霧
11.港都戀歌
作詞：于文
作曲：于文
編曲：邱芳德
淒涼命運最無情
害阮抹凍見光明
船頂螺聲嘆悲情
可比為阮抱不平
誰同情誰同情
誰人來同情
港都海風 吹無停
引阮心頭凝
無情命運來戲弄
害阮看無恩情人
無論美醜我甘願
堅心完成純情夢
走西東 走西東
要找伊一人
港都夜雨 像情夢
引阮目眶紅
12.可憐的小故娘
彼暝站在柳街巷 當著彼的小姑娘
一時叫阮暗驚疑 又來動阮心憂愁
到底伊為怎樣 會來變成這個模樣
不知誰人耽誤伊的寶貴青春
束縛著她的自由
早前雙人也細漢 暝日做陣心歡喜
伊有一對黑目睭 時常對人現嬌媚
到底伊為怎樣 會來墜落這個火坑
現在想起引阮生出憐惜的心
珠淚滴露出目墘
今夜又來柳街巷 想要甲伊再見面
因何一時找無伊 又來引阮像失神
到底伊為怎樣 會來驚阮甲伊做陣
明知男性對妳抱著美麗希望
甘願來給人看輕
| 
