1.心所愛的人
作詞：林垂立
作曲：林垂立
面圓圓目睭大大蕊 妳可比春天的紅玫瑰
可愛的笑容 可愛的模樣 青春的花蕊 妳是我的希望
面圓圓人人蚵落美 伊可比天頂的彼粒明星
溫柔的笑容 溫柔的模樣 體貼的態度 溫暖我心頭醉
心所愛的人是伊也是你 心所愛的人是你也是伊
心所愛的人是要選啥人 心所愛的人乎我心茫茫
2.往事甭提起
天天開心／日日春片尾曲
作詞：林垂立
作曲：林垂立
往事往事甭提起 鬥陣何必提起彼當時
昔日的不如意 勉強來拆分開
我猶原思念你 我思念你
趁著今夜月娘圓 你乾杯我隨意
人生可比一齣戲 啊～啊～往事何必擱再提起
含著目屎歡喜醉歸暝
3.阮不是故意
台視「媽祖過台灣」片尾曲
作詞：林垂立
作曲：林垂立
繁華都市 霓虹燈閃閃爍
孤一個飄浪 在他鄉外里
惜別的彼當時 約束的日子
今夜露水 陪阮等歸瞑
阮不是故意 阮不是故意
環境叫阮離開你 為什麼 為什麼
純情的愛對待你為何你無勇氣來表示
阮不是故意 阮不是故意
父母叫阮離開你 為什麼 為什麼
一場純情美夢 美夢變成空 啊～
阮不是無愛 阮不是無愛 父母甲你攏是阮的愛
4.變色的愛
作詞：黃敏
作曲：黃敏
失去了的愛
追嘛追祙返來
彼段相愛的日子
永遠不回來
＊啊～～變色的戀情
猶原流連 流連在腦海
這款的痛苦悲哀
誰人會了解
誤了寶貴的青春
怨嘆後悔 也無奈
5.異鄉望月想起你
作詞：黃敏
作曲：黃敏
舉頭看見 月娘光又圓
經過幾年 強要放祙記
舊曆的十五暝
站在異鄉的港邊
望月想起你
離開故鄉 的彼當時
不敢對你 來相辭
啊～～
我有千項
我有萬項的不得已
所以所以才惦惦來離開你
6.幸福啥人祙愛
作詞：蔡小虎
＊深深來愛你愛你 為怎樣咱著來分開
咱兩人的世界 只有在夢中回來
幸福是啥人祙愛 我不是比人卡醜
強要流眼淚 啊啊啊啊～啊～～啊～
若無你雖然男兒 講什麼氣慨
酒擱一杯來 酒擱一杯來
飲乎伊茫茫 不知東也西
暝日來想你想你 想起咱過去情綿綿
彼當時的日子 只有在夢中回來
雖然是親像風颱 也不管啥人阻礙
乎人笑我呆 啊啊啊啊～啊～～啊～
若無你雖然男兒 講什麼氣慨
酒擱一杯來 酒擱一杯來
飲乎伊茫茫 不知東也西
7.挽回咱的愛
作詞：蔡小虎
＊男子漢的純情目屎 不願流落來
無疑誤環境來阻礙咱情愛
心愛的心愛的 你不應該放捨你所愛
茫茫的冷暖世界 你咱從此分東西
在夢中期待期待 挽回咱的愛
窗外的雨水滴落來 引我心悲哀
但是我也了解 枺當流目屎
心愛的心愛的 環境所害離開你所愛
才著來海角天涯 你來吐氣我感慨
在夢中期待期待 挽回咱的愛
8.出外人的愛
作詞：林垂立
作曲：林垂立
出外人漂浪四海 無緣來談情愛
環境造成分東西 心事放心內
男子漢～寶貴的目屎
並無隨便對你對你哭出來
為情為愛 為你的將來
不願擔誤請你諒解
出外人想要回來 心情袂自在
吉他聲聲嘆無奈 伴阮走天涯
9.流浪的吉普賽姑娘
作詞：莊啟勝
作曲：日本曲
隨風吹來吹去 流浪來生活
阮就是 吉普賽 吉普賽的姑娘
今夜只剩一暝 就要離開的都市
姑望火爐的火 燒起來 燒起來
啊～～ 將滿腹熱情的 情火燒起來
有時阮當青春 紅艷的年紀
阮就是 吉普賽 吉普賽的姑娘
有情郎君來呀 雖然玫瑰花有刺
蝴蝶蜜蜂群 也會偎來 也會偎來
啊～～ 在多情月光暝 輕輕會偎來
出世在旅途上 無處做故鄉
阮就是 吉普賽 吉普賽的姑娘
孤單無伴憂愁 心內痛苦的暗暝
想起你一人 叫你的名 叫你的名
啊～～ 無星無月暗暝 叫著你的名
10.人客的要求
作詞：莊啟勝
乎人客要求 叫我來唱著 故鄉的情歌
唱出故鄉的 彼條的情歌
若唱出越會想起 昔日的故鄉情景
忍著忍著忍著 忍著目睭墘 熱情的珠淚
一時陣忍不住 煞來哭出來
五色的燈火 茫茫來閃熾 引阮心悲哀
流浪他鄉的 黑暗酒家內
雖然是為著生活 奔波的苦命的人
這條這條這條 這條對著我 真是難為情
無回返的春夢 會叫醒悲傷
人客也流落 傷心的目屎 做陣來唸歌
唱出遙遠的 鄉親的口味
他敢是甲我一樣 講未出心內隱情
今夜今夜今夜 今夜不管他 三七二十一
用笑容來唱著 故鄉的情歌
11.相逢有樂町
作詞：葉俊麟
小雨毛毛 無休時 等著愛人 在路邊
啊～～ 煩惱無底躲 驚人來看見
雨聲輕輕 奏情時 甘甜的勃露斯
你咱約束 駛目墘 約束口號含帶情
小雨不知 阮心意 車頭月台 雨水滴
啊～～ 小窗茫霧起 外面敢是伊
今晚電影 情綿綿 乎阮想彼時
你咱約束 駛目墘 約束口號含帶情
今晚雨水 引心悲 熱情燈光 照街市
啊～～ 心內相愛伊 路邊等歸暝
花蕊清白 自然美 不驚人拆開
你咱約束 駛目墘 約束口號含帶情
12.惜別夜港邊
作詞：葉俊麟
作曲：葉俊麟
憂悶的閃熾 憂悶的閃熾 看見黃昏的天星
宛然是不甘著阮 離開夜港墘
再會不知等何時 惦在阮身邊
難分難離珠淚滴 心愛的女兒
請你不通來傷悲 好好過日子
雙人在港邊 雙人在港邊 見面已經是一年
今夜的送別情話 更加糖蜜甜
你也知阮心稀微 不甘來分離
若到他鄉阮也是 會來思念你
最好希望你原諒 海上的男兒
流對彼平去 流對彼平去 又是一粒的流星
引起阮心情寂寞 不覺珠淚滴
雖然你我心酸悲 離開是暫時
咱那無來放忘記 纏綿好情意
將來總會照期待 快樂結情義
13.可愛的馬
作詞：葉俊麟
作曲：中野忠晴
作陣也已經五年 今日也著愛離開
手摸著心愛馬呦 不覺珠淚滴
(噢～噢～噢～噢～噢)
可愛馬呀 乖乖聽人嘴
可愛馬呀 不通流珠淚 啊～不通流珠淚
阮也猶原不甘離開 心頭像針塊威
彼日也伴阮跑過 對面彼平小山崙
想起來像在面前 引阮心憂悶
(噢～噢～噢～噢～噢)
可愛馬呀 時常這溫順
可愛馬呀 時常思念阮 啊～時常思念阮
原諒阮是為著生活 賣你來換飯吞
日頭也將近落西 不甘也著放伊去
依賴著新的主人 不通心傷悲
(噢～噢～噢～噢～噢)
可愛馬呀 忍耐過日子
可愛馬呀 不通心稀微 啊～不通心稀微
你若～有聽人教示 人總會疼惜你
| 
