1.我庄
作詞：鍾永豐
作曲：林生祥
東有果樹滿山園
西至屻崗眠祖先
北接山高送涼風
南連長圳蔭良田
春有大戲唱上天
熱天番檨拚牛眼
秋風仙仙河壩茫
割禾種菸又一年
思想起--我庄圓滿
起手硬事，收工放懶
滾滾沓沓，像一塊新丁粄
屻崗：小山嶺
蔭：灌溉
番檨：芒果
河壩：河灘
硬事：苦硬的工作
滾沓：圓滾厚實。
新丁粄：用糯米做成的糕餅，
形圓滾，用料厚實，
用以祭祀新落成的風水與祖堂，
以求子孫綿衍
2.課本
作詞：鍾永豐
作曲：林生祥
阿公掌牛牯 看毋到
阿嬤蓄大豬 看毋到
阿姆無日夜 看毋到
阿爸苦吞肚 看毋到
清明旱魚塘 看毋到
籲陣桍果樹 看毋到
圳溝摸螺貝 看毋到
伯公滿年福 看毋到
課本 看毋到
我庄 看毋到
國王爺上轎 看毋到
十年一大醮 看毋到
童乩劈背囊 看毋到
後生搶神轎 看毋到
楊德盛鋸弦 看毋到
山歌閙連連 看毋到
鍾寅生吹笛 看毋到
八音大團圓 看毋到
我庄 看毋到
課本 看毋到
拆做好壞班 監汝等讀
感情摝散散 監汝等讀
攀擎先生麥＊ 監汝等讀
講客狗牌罰 監汝等讀
讀識手指公 監汝等讀
落第腦生膿 監汝等讀
讀得落介泅過河 監汝等讀
考毋過介遰著火 監汝等讀
課本 監汝等讀
我庄 監汝等讀
3.讀書
作詞：鍾永豐
作曲：林生祥
緊讀緊高
緊讀緊高
高過鳥欽放介紙鷂仔
高過犀刂狗坑介大鷂婆
緊讀緊遠
緊讀緊遠
遠過牛埔庄介河洛風
遠過龜仔山介大雷公
緊讀緊少
緊讀緊少
少過上竹園介白鶴仔
少過雞婆寮介斑鳩仔
4.草
作詞：鍾永豐
作曲：林生祥
阿爸恨草
草搶肥料禾餓到
阿姆畏草
草生田塍撥到老
哥擺姊擺是青驚
挷到田尾田頭靚
灑分佢死
這兜雜草全土匪
築紅毛泥
田塍泥駁打分佢在
趨分佢上，趨分佢上
千二斤割毋罅爽
越灑越毒
藥廠農會賺飽肚
緊灑緊嚴
蝦蟆死淨泥肅恬
總斷根！總斷根！
就係這號除草劑！
5.仙人遊庄
作詞：鍾永豐
作曲：林生祥
獻給胡延忠醫師及其夥伴
犀刂狗坑五隻寮
蝦蟆漂水三降寮
阿發伯阿發伯騎著大貨架
汝要颺去賴耶做演講
張屋夥房討新臼
凹下伯婆做生日
走喂利冇？恁多桃！
仙人遊庄
無米煮，煮泥沙
無床睡，睡天下
癲牯祥癲牯祥爆眼打赤腳
汝要颺去賴耶掌橫死
田唇草，打紅花
阿二嫂，轉妹家
汝眠好恬恬莫亂動
仙人遊庄
魚塘唇大圳背
榕樹下禾埕前
阿蒙蒙阿蒙蒙掃把臂肩頭
汝要仃＊去賴耶掃地泥
無茶飲，鄰家奉
無飯食，打粄仔
爺哀無閒伯公惜
仙人遊庄
6.7 - 11
作詞：鍾永豐
作曲：林生祥
那Seven-Eleven恁久
栽佇我等庄頭轉角
斷暗過後金光程眼
像彩色介菇仔花里畢剝
那Seven-Eleven後背
我等這庄厭厭眠睡
像大樹筒攥下來
恬恬冇忒慢慢鶩忒
Seven-Eleven
收拾雜貨店
Seven-Eleven
統一雜貨店
那Seven-Eleven精脚
連鎖生活介願頭
後生仔歸缸打逗嬉
孫子挷阿嫲學國語
那Seven-Eleven有搞
連通政府欠帳這裡交
上山下海又包山包海
有Seven-Eleven真好
Seven-Eleven
我等介新政府
Seven-Eleven
我等介新故鄉
7.阿欽選鄉長
作詞：鍾永豐
作曲：林生祥
主持人：
主持人：各位鄉親，亦下我等介候選人已經來到現場。十年前佢事業有成，歸來奉獻家鄉，佢毋係落葉但係決定歸根。十年來佢從村長、代表會主席、農會理事長，一路從基層做起，建設地方。佢熱心公益，學校項、廟項、安養院，只要有困難撖佢講，十萬，二十萬，佢就按吶恬恬來行善。過有吶，地方項大大細細介事情：麼該車禍灰毋正啦、公婆吵事、兄弟分家分毋平，一通電話敲去，就算三更半夜，發風落雨，佢有照常出動。各位鄉親，佢做到按吶，還要分人嫌，講佢讀書毋識，佇外背打彳亍混江湖。捱罵過佢，我講兄弟，汝樣會恁憨。佢怎吶撖我講哇，佢講，祥仔，毋怕介呀，我等要歡喜做，甘願受。各位鄉親，汝等講看嘛勢，恁純良介後生仔，係毋係值得大家來撖佢相惜，係毋係值得大家來撖佢牽成，汝等講按吶著啊毋著啊？各位鄉親，亦下我等大家就來歡迎，做硬事，食硬飯，屙硬屎，滮直尿，打不還手，罵不還嘴，腳踏實地介本庄後生仔，登記第2號，阿欽！
亦下我等來撖佢籲分佢當選，好冇？
阿欽當選！阿欽當選！阿欽啊阿欽！當選呀當選！
候選人：
鄉親父老，大家好
阿欽來問候
這擺選舉十分十分激烈
對方又來夾報又來放送
一賴仔罵我烏道
講我呀歸圓身刺龍刺鳳
我姆聽到是一脚步有毋敢踏出去喲
主持人：阿欽，衫擼起來分大家看，係毋係真是有刺龍刺鳳！
候選人：毋冇啊，會壞勢呀，我介嫁仔會駡啊！
主持人：毋怕，無要緊，男仔人，驚麼該！擼起來，來，仃轉來，分大家看嘛勢，後背。汝等看哪勢，有刺龍刺鳳冇？雪白！一粒烏蠅屎有冇！
候選人：
鄉親父老，真冤枉
汝等有看麼人選舉選到按才過
脫衫脫褲喂冇
阿欽來請教
庄項係有麼人分我欺過
請汝等大聲講出來，毋怕
主持人：阿欽佢講啊，係準得講麼人來舉手，講有欺侮過佢呀，佢馬上退選！
候選人：
真是，阿欽出外打拚有情有義
家鄉子弟就係阿欽結拜
阿欽事業還做得
歸來奉獻家鄉
出錢出力從來無計較
爭取預算建設地方
阿欽行頭前大聲籲
三更半夜係鄉親出事情電話犒來
阿欽調解最煞猛信用最厚
汝等講著啊毋著啊？
阿欽當選！阿欽當選！阿欽啊阿欽！當選呀當選！
候選人：
鄉親父老，佢等又罵
麼該阿欽學歷低
無資格做汝等鄉長
讀毋識書阿欽毋敢毋承認
但係我問大家
本庄出恁多博士恁多碩士
又有麼人甘願留下來
為大家來服務呢？
阿欽讀書毋多
政見毋敢亂寫
地方事本成就大家事
阿欽歡迎大家指點
鄉親有認同，撖阿欽講
阿欽這擺係來順利當選
就來做大家介長工
撖大家來衝衝衝
按吶好冇！
阿欽當選！阿欽當選！阿欽阿欽！當選當選！
主持人：各位鄉親，天光日就係投票日，拜託所有介鄉親撖所有介選票，來共下來支持捱等本庄純良介後生仔阿欽，拜託！拜託！
散場評論：
婦女一：喂，婦女家，看去鳥欽氣勢毋會差，怕會著哦！
婦女二：聽說本錢已經扡下去矣，
婦女一：那1號一禮拜前砲彈就落下去矣！
婦女二：屌佢多，誰人著有相同，田要耕，菜要種，排篙要戢。
婦女一：來歸，天光日要種菜，還是自家的鑊鑼正有飯好添。
造字注：第三段第三行的「仃」，其部首應為「辶」。
（普譯）
主持人：各位鄉親，現在我們的候選人已經來到現場。十年前他事業有成，回來奉獻家鄉，他不是落葉但是決定歸根。十年來他從村長、代表會主席、農會理事長，一路從基層做起，建設地方。他熱心公益，學校、廟裡、安養院，只要有困難跟他講，十萬，二十萬，他就這樣默默行善。過有，地方上大大小小的事情：什麼車禍談不攏、夫妻吵架、兄弟分家分不平，一通電話打去，就算三更半夜，刮風下雨，他都照常出動。各位鄉親，他做到這樣，還要給人嫌，說他書讀不通，在外面流浪混江湖。我罵過他，我說兄弟，你怎會這麼傻。他怎麼跟我說的呢，他說，祥仔，不要緊呀，我們要歡喜做，甘願受。各位鄉親，你們評評理，這麼純良的年輕人，是不是值得大家來相惜，是不是值得大家來牽成，你們說對不對啊？各位鄉親，現在我們大家就來歡迎，做硬事，吃硬飯，屙硬屎，滮直尿，打不還手，罵不還嘴，腳踏實地的本庄年輕人，登記第2號，阿欽！
現在我們來喊給他當選，好不好？
阿欽啊當選！阿欽啊當選！阿欽啊阿欽！當選啊當選！
候選人：
鄉親父老，大家好
阿欽來問候
這次選舉十分十分激烈
對方又來夾報又來放送
到處罵我黑道
講我呀全身刺龍刺鳳
我媽聽到是一脚步都不敢踏出去喲
主持人：阿欽，衣服掀起來給大家看，是不是真有刺龍刺鳳！
候選人：不要啊，我會不好意思呀，我老婆會駡啊！
主持人：別怕，不要緊，男子漢，怕計麼！掀起來，來，轉轉來，給大家看看，後面。你們看看，有刺龍刺鳳嗎？雪白！一粒蒼蠅屎都沒有！
候選人：
鄉親父老，真冤枉
你們有看過誰選舉選到這麼可憐
脫衣脫褲的嗎
阿欽來請教
村裡若有誰給我欺侮過
請你們大聲講出來，沒關係
主持人：阿欽他說呀，若是有人來舉手，說有被他欺侮過的，他馬上退選！
候選人：
真的，阿欽出外打拚有情有義
家鄉子弟就是阿欽結拜
阿欽事業還還可以
回來奉獻家鄉
出錢出力從來不計較
爭取預算建設地方
阿欽走前頭大聲喊
三更半夜若鄉親出事情電話敲來
阿欽調解最勤奮信用最厚
你們說對不對啊
阿欽啊當選！阿欽啊當選！阿欽啊阿欽！當選啊當選！
候選人：
鄉親父老，他們又罵
什麼阿欽學歷低
沒資格當你們鄉長
讀不識書阿欽不敢不承認
但是我問大家
本村出這麼多博士這麼多碩士
又有誰人甘願留下來
為大家來服務呢
阿欽讀書不多
政見不敢亂寫
地方事本來就大家事
阿欽歡迎大家指點
鄉親有認同，跟阿欽講
阿欽這次若順利當選
就來做大家的長工
跟大家來衝衝衝
這樣好嗎
阿欽當選！阿欽當選！阿欽阿欽！當選當選！
主持人：各位鄉親，明天就是投票日，拜託所有的鄉親把所有的選票，來一起來支持我們本村純良的年輕人阿欽，拜託！拜託！
散場評論：
婦女一：喂，婦女家，看來鳥欽氣勢不錯，可能會中。
婦女二：聽說本錢已經灑下去了。
婦女一：那1號一禮拜前砲彈就落下去了！
婦女二：管這麼多，誰中都相同，田要耕，菜要種，船篙要撑。
婦女一：回家吧！明天要種菜，還是自家的鍋子裡才有飯好添。
8.秀貞介菜園
作詞：鍾永豐
作曲：林生祥
獻給林秀貞及其夥伴
夥房裡，屋跡地，持分雜，割毋利
阿乾伯，阿禎叔，整理理，菜種地
地淨淨，菜靚靚，庄肚裡，好名聲
政府錢，毋可靠，阿秀貞，來邀和
上庄阿玲介產後憂鬱症
下背阿明介失業燥鬱症
越南阿珠珠介孻子
麼該佇學校適應不良
做佢等來這裡搞泥湊陣
來種 來搞
秀貞介菜園
阿乾伯母介吊菜仔種
阿禎彌媄介長豆仔種
印尼阿莉介辣椒仔
還有無食睡毋落介黄薑
做佢等來這裡落土傳種
來種 來搞
秀貞介菜園
不論經濟好壞
當權介輪賴派
只要那菜園還青旺
加上這兜天兵天將
菜瓜仔蕃薯葉樂拔仔脈仔高麗菜
定著食毋歇又送毋利
來種 來搞
秀貞介菜園
9.化胎
作詞：鍾永豐
作曲：林生祥
願阿姆煲介交工粥
佢講介笑科
年下燜介封肉
頭擺事像雜草交春
一日靚一寸
係半路我人生落敗
驚我毋值得
阿姆供我蓄我
係我發憨汝來尋我
當我做爾拄杖
我等來去稈棚下聊
看夏秋日頭落山
係再聽到爾腳步
我過有膽
放緩
係我發夢汝籲我
用爾笠嫲牽我
我等來去轉妹家
行阿婆介火車路
係聽毋到爾聲色
我會失重
企毋穩
中年會過矣
童年像羅盤
緊來緊活跳
加上燕仔打探
冇一定做得畫出路線
好歸到南方
汝等我介化胎
| 
