1.用心看台灣
作詞：澎恰恰
作曲：澎恰恰
台灣是咱的土地 你我牽手來作夥
三百十九的鄉鎮 用心看認真找
看咱對故鄉的瞭解有外多
青山綠水 有閒請你來這坐
花開花謝 好壞攏是咱家己的
多一分關懷 多一分鼓勵 咱來用心看台灣 用心看台灣
青山綠水 有閒請你來這坐
花開花謝 好壞攏是咱家己的
多一分關懷 多一分鼓勵 咱來用心看台灣 用心看台灣 用心看台灣
2.懵懂的年代
作詞：澎恰恰
作曲：澎恰恰
口白：許效舜
(提起鉛筆來 放下鉛筆來 指一指窗戶 指一指門 小朋友大家唸一遍)
老師拿粉筆一直寫 阿明仔手巾仔未記ㄟ帶
指甲尚長嘛無剪 找無剪刀用嘴齒咬
隔壁班有人塊相打 打斷幾落支的椅仔腳
打贏打輸攏嘛無卡咒 全部叫去訓導處罰站
下哺走去廟口決紅仔標 我贏甲大家強要凍未條
兩百外張去呼阮母仔燒了了 腳骨順煞呷籐條
懵懵懂懂的囝仔栽 按怎過達工裝呆呆
總有一工好膽擱來比賽 呼你大家褲底離西西
(中原群俠一行人來到斷魂嶺 準備要來甲藏鏡人一決雌雄
裡面一片黑暗伸手不見五指 突然間空中傳來陣一聲音
順我者生，逆我者亡 我是萬惡的罪魁藏鏡人 中原群俠拿命來呀～)
史豔文打出純陽掌 藏鏡人嘸知走哪藏
哈麥兩齒的劉三怪老子中國強 中原群俠尚介揚
有一工我那變作史豔文 頭一個要揍的就是臭頭仔文
懵懵懂懂的囝仔栽 按怎過達工學相殺
總有一工我會倒返來 呼你們知影我是真厲害
彼個查某囝仔那會還沒來 甘會請假大家嘛攏嘸知
她有長長的頭鬃 目睭擱真可愛 達工攏她老爸來甲她載
補習了後來去她兜甲探看嘜 看到搬厝的工人排歸排
看起來無機會做她兜的子婿 因為聽講他們要搬去真遠的所在
懵懵懂懂的囝仔栽 按怎過達工想麥歪
總有一工緣份會倒返來 娶她返去做阮的太太
懵懵懂懂的囝仔栽 按怎過家己嘛嘸知
總有一工會找倒返來 彼個乎人懷念的年代
3.田嬰
滿天的彩霞 厝角的白煙
山邊的溪水 流著青春夢
金色的黃昏 青色的田岸
輕鬆的腳步 行過彩霞滿天
＊田嬰飛來 紅了半邊天
田嬰飛去 世間的趣味
田嬰飛來 看著彩色的天
田嬰飛去 何時返阮身邊
Repeat ＊
滿天的彩霞 田嬰息置那
望你擱再四界飛 紅了半邊天
望你擱再自由飛 這是咱細漢的時袸尚水的記憶
4.故鄉的土味
青紅的燈火照著滿街市 孤單來到他鄉外裡
有時來想著故鄉的土味 心頭一陣的稀微
想起著當初出外的意志 相信打拚一定出頭天
無論環境有外壞 嘸驚痛苦在心內
猶原來忍耐 猶原來期待 創造阮的將來
我家門前有小河 後面有山坡
山坡上面野花多 野花紅似火
good morning everybody,
let me tell you something about myself
you can call me Dr. John, sir, or teacher
from today on I will be your instructor for the next four years
no matter where you come from, you must work really heard
and make your parents out of you
I hope all of you succeed and lead a happy life
青紅的燈火照著滿街市 孤單來到他鄉外裡
有時來想著故鄉的土味 心頭一陣的稀微
親愛的媽咪和爹地 我會保重我自己
請你嘸免來掛意 我一定成功倒返去
親愛的媽咪和爹地 我會保重我自己
請你嘸免來掛意 我一定成功倒返去
親愛的媽咪和爹地 我會保重我自己
請你嘸免來掛意 我一定成功倒返去
5.酸風柳樹
作詞：澎恰恰
作曲：澎恰恰
很久很久以前的一個暗暝 冷冷的冬天燒燒的心情
置彼個柳樹的橋邊 見到伊的面
一時將所要講的話攏總吞落去 彼暝天星閃閃爍
啊～我心愛的人 你是我一生的寄望
相信總有一天有咱的春夏秋冬
甘是緣分無夠重 還是月老故意將咱放
日子從此變黑暗 只有將你放入我的夢
雖然經過這多年 猶原不時想起你
一陣心痛 一聲無奈 一句怨嘆 一個暝夢
啊～我心愛的人 今生已經是無望
到了最後的那一天 映望有你來相送
我會等待後世人 作陣走入咱的夢
心內最後的希望 乎你知影你永遠是我心愛的人
乎你知影你永遠是我心愛的人
6.兵單
阮二十歲彼一年 一工下埔無聊的時
國防部來通知 叫阮做一個 愛家愛國的好男兒
阮老母真伶俐 跑去廟裡求保庇
順煞抽一支籤詩 摁望眾神有指示
看來看去 不知是啥咪 因為寫講不可洩天機
兩個月的訓練期 立正稍息單兵攻擊
體格粗勇有元氣 雖然淡薄啊艱苦 但是準備要出頭天
阮老母有交代 若要抽部隊的時
雙手合掌 呼請眾神的名字
(啊～弟子彭璋燦 要位中心結訓 將要抽部隊了 在這裡誠心呼請
玉皇上帝 觀世音菩薩 媽祖娘娘 濟公師父 三太子 太子爺公
以及土地公 眾神啊 鬥陣來甲弟子到幫忙 讓弟子可以越輕可越好
拜託哈～)
拜託抽到好單位 尚好舉筆作文書
頭仔一下開 頂頭寫五字 啊!海軍陸戰隊
(這下我慘啊!)
(啊嗚嗚嗚...)
(舜仔你這嘛是在哭啥？)
(阮七仔已經乎趴去啦!)
(哈!笑死人!你生這型的有七仔？)
(當然嘛有!牽手就有算哪!)(嗯!)
(我在這為國服務,她在那替別人服務啦!
我在站場衝鋒陷陣,她在厝內乎人衝鋒陷陣啊哈嗚嗚嗚...)
(好啦!好啦!想卡開啦!來呷飯啦!)(無愛呷啦!)(無愛呷你著吆乎死啦!)
(注意!一分鐘後從紅毯布三分集合,稍息以後開始動作,稍息!)
(反手預備!一下,二上!)
(一!二!一!二!一!二!)
(啊~~~阿母啊!阿母啊!緊耶啊!妳寄來的運功散我作一擺呷了了啊!
緊擱寄來,沒貨啊!尬艱苦的啊!阿母啊~~~!)
7.媽媽
作詞：澎恰恰
作曲：澎恰恰
細漢的時袸我嘸識半項 常常看妳流目屎
大漢了後我才知影 你有滿腹的無奈
查某人的命運妳已經看透 無怨無恨無想未來
一個人惦在他鄉外裡 不時攏會想起妳
oh媽媽 媽媽 你甘有好好過日子
妳總是為著子兒 乎阮出外找前程
妳甘願獨守故鄉 受盡一切酸苦味
看妳一日一日老 阮嘛想要甲妳友孝
抹凍陪惦妳的身邊 請妳原諒我的不孝
哦 媽媽 媽媽
請你答應好好過日子 我會認真打拼
用尚好的名聲 轉去妳的身邊 陪妳到老
哦 媽媽 媽媽 我最愛的 媽媽
8.種瓠仔生菜瓜
作詞：澎恰恰
作曲：澎恰恰
人種菜瓜嘛咚擱嚨咚晃 阮種菜瓜啊耶 敖耶酸籐耶喂
彼年的雨水講下啊很多哦 阮家的水田親像一條溪
阮啊老爸講今年會真歹過 阮老母惦灶腳閒閒治摳摳累
講那年的雨水講下啊沒多哦 阮家的瓠瓜縮一下像菜瓜
阮啊大姐講無錢無愛嫁 阮小弟啊乎阮老母是槓甲做狗爬
人生的過程 不用想彼多
烏雲罩霧的日子啊 總是會經過
認真打拼 快樂會來相找
那耶時陣管太伊 瓠仔不生 生菜瓜
腳踏實地 等待好機會 世界一定是咱耶
彼年阮取某請足多人客喔 阮家的巷啊變做一條街
阮啊老爸講明年會越好過 阮老母惦灶腳閒閒在哈茶
講那年的生意講賺啊真多 阮家的草茅變做外雙溪
阮啊大姐講今年就要嫁 阮家的瓠仔袂擱像菜瓜
9.金紙心銀紙情
＊金的是虔誠的心 銀的是感恩的情 歲月無真實 人生酸苦味
金的世界到底置哪位 銀的出外甘有夠闊
＃一張輕輕簿簿的紙 是咱心中所有的寄望 跟著輕煙慢慢飛上天
總是希望思念的人 行著平安的旅途
Repeat ＊,＃ ＃
10.緊大漢
作詞：澎恰恰
作曲：澎恰恰
以前看你還擱就小漢 一直央望你會緊大漢
時間不知是快還是慢 人生甘會就困難
＊咱已經做陣幾個冬 看到你從嬰仔變大人
阮的心裡有一個希望 望你健康、平安、快樂 花蕊百日紅
＃不敢說阮是一個好模樣 相信你自己一定也會想
有一天等你攀過人生的圍牆 你嘛一定會唱
△嬰仔嬰嬰睏 一暝大一吋
嬰仔嬰嬰惜 一暝大一尺
不管你是聽有 還是聽無
爸爸有一句話要甲你講 後擺你嘸免有外大的成就
我甘哪希望你會凍健康平安緊大漢
Repeat ＊,＃,△
11.麥想彼呢多
作詞：澎恰恰
作曲：澎恰恰
編曲：陳國華
口白：許效舜＆吳佳珊
＊常常聽到有人在問 這個社會咁擱有分寸
厝邊隔壁有夠生分 古早的感情跑去叨位睏
每天都有新聞 什麼代誌都有份
火燒、自殺、鴨母在不生蛋 熊熊世界變甲亂紛紛
＃咁有需要想那麼多 閒閒公園椅子加減坐
一桶汽油 一枝番仔火 那只是電視裡面講的話
△青的、藍的、橘子色的
喬乎鬥陣 攪乎作夥 嘜想彼呢多
Repeat ＊,＃,△
罵來罵去也是那個話 講來講去日子也要過
不管 你是 講台語的、講國語的、客家 還是 咿呀那呀嘿
雙手牽做夥 為著咱的子弟
腳步行同齊 為著咱的土地
(許：)妳搞啥啊！妳的女兒到現在還不回家是吧！
(吳：)甲伊同學一起的！
(許：)同學有什麼好的！萬一交到那壞同學，出事了怎麼辦！
(吳：)哎喲！我的查某子我生的，我教伊絕對是好的啦！祙啦！
(許：)告訴妳，在咱們家鄉啊，女孩子一輩子不出門的！我娘一輩子沒看過月亮！
(吳：)惦惦啦！死老芋仔！
(許：)想當年哪，在俺的東征北伐、剿匪抗日…
12.莎詠
(日據時代 一名日本籍的教師奉派來宜蘭的山區教書
一名原住民的少女 名叫做莎詠暗戀著老師
二次世界大戰爆發 老師被調返去日本參加戰爭
要離開的這一天 山區落著毛毛的細雨
莎詠含著目屎送著老師的背影離開
當老師走上一座柴橋的時袸 煞來跌入溪水當中
莎詠跳入溪水要來解救老師 不幸被溪水來沖走
戰爭結束老師擱倒返來宜蘭的山區
將這座柴橋改建成水泥橋 並且在橋頭位置放了一個銅鐘
彼一暝要來往這座橋的人 攏愛敲一下銅聲為這一名原住民少女莎詠來祈福
這是一個真實的故事 目前這座橋也擱置咧咱台灣的宜蘭)
陣陣冷風 暗淡月暝 更深孤鳥啼
想彼時情深如海 如今隨風離
拜託月娘送他去 天邊彩雲伴相隨
啊... 可憐花蕊何時再見
啊... 想你
白色煙霧 溪水悠悠 鐘聲又響起
黃昏時日頭落西 哀愁的橋邊
拜託月娘送他去 阮的情意伴相隨
啊... 今生無見夢中相見
啊... 想你
拜託月娘送他去 天邊彩雲伴相隨
啊... 懷念過去夢中再見
啊... 莎詠
13.咱的台灣人
思念我君坐在窗 東邊月娘紅
春風吹著我一人 未得照希望
離開這久的台灣 無想咱鄉村
甲來又擱這呢窮 誰人袂怨嘆
日思夜夢的田園 如今離開千里遠
不論身軀在外遠 猶原暝日割心腸
心內一直有希望 草枝花蕊過秋冬
台灣人啊台灣人 咱的將來有美夢
心內一直有希望 草枝花蕊過秋冬
台灣人啊台灣人 咱的將來有美夢
台灣人啊台灣人 咱的將來有美夢
台灣人啊台灣人 咱的將來有美夢
| 
