1.雨夜花
作詞：周添旺
作曲：鄧雨賢
雨夜花 雨夜花 受風雨吹落地
無人看見每日怨嗟 花謝落土不再回
花落土 花落土 有誰人通看顧
無情風雨誤阮前途 花蕊若落要如何
雨無情 雨無情 無想阮的前程
並無看顧軟弱心性 乎阮前途失光明
雨水滴 雨水滴 引阮入受難池
怎樣乎阮離葉離枝 永遠無人通看見
2.月夜愁
作詞：周添旺
作曲：鄧雨賢
月色照在三線路 風吹微微
等待的人那未來
心內真可疑 想未出彼個人
啊 怨嘆月暝
更深無伴獨相思 秋蟬哀啼
月光所照的樹影
加添阮傷悲 心頭酸目屎滴
啊 憂愁月暝
敢是註定無緣份 所愛的伊
因何乎阮放未離
夢中來相見 斷腸詩唱未止
啊 無聊月暝
3.望春風
作詞：李臨秋
作曲：鄧雨賢
獨夜無伴守燈下春風對面吹
十七八歲未出嫁看著少年家
果然漂緻面肉白誰家人子弟
想要問伊驚呆勢心內彈琵琶
想要郎君做尪婿意愛在心內
等待何時君來採青春花當開
聽見外面有人來開門甲看覓
月娘笑阮憨大呆被風騙不知
4.四季紅
作詞：李臨秋
作曲：鄧雨賢
女聲：蔡幸娟
一(合)春天花當清香 雙人心頭齊震動
(男)有話想要對妳講 不知通也不通
(女)都這項 (男)敢也有別項
(女)肉呅笑 目睭降 (合)你我戀花朱朱紅
二(合)夏天風正輕鬆 雙人坐船耍遊江
(男)有話想要對妳講 不知通也不通
(女)都這項 (男)敢也有別項
(女)肉呅笑 目睭降 (合)水底日頭朱朱紅
三(合)秋天月照紗窗 雙人相好有所望
(男)有話想要對妳講 不知通也不通
(女)都這頂 (男)敢也有別項
(立)肉呅笑 目睭降 (合)嘴唇胭脂朱朱紅
四(合)冬天風真難當 雙人相好不驚凍
(男)有話想要對妳講 不知通也不通
(女)都這頂 (男)敢也有別頂
(女)肉呅笑 目睭降 (合)愛梅度朱朱紅
5.阮不知啦
作詞：陳達儒
作曲：吳成家
彼時約束 啊 雙人無失信
近來言語 啊 煞來無信憑
冷淡態度親像無要無緊
妳敢是 妳敢不是找著新愛人
啊 阮不知啦 阮不知啦 總無放舊去找新
春天花蕊 啊 為春開了盡
十八少年 啊 為妳用心神
怎樣這款全無同情可憐
妳敢是 妳敢不是找著新愛人
啊 阮不知啦 阮不知啦 總無放舊去找新
近來講話 啊 大聲小聲應
春情戀夢 啊 漸漸變無親
不明不白因何僥心反面
妳敢是 妳敢不是找著新愛人
啊 阮不知啦 阮不知啦 總無放舊去找新
6.港都夜雨
作詞：呂傳梓
作曲：楊三郎
編曲：詹凌駕／Keith
今夜又是風雨微微 異鄉的都市
路燈青青 照著水滴 引阮心悲意
青春男兒不知自己 要行叨位去
啊～漂流萬里 港都夜雨寂寞暝
想起當時惦在船邊 講甲糖蜜甜
真正稀微你我情意 煞來拆分離
不知何時會再相見 前情斷半字
啊～海風野味 港都夜雨落抹離
海風冷冷吹痛胸前 漂浪的旅行
為著女性費了半生 海面做家庭
我的心情為你犧牲 你那抹分明
啊～茫茫前程 港都夜雨那抹停
7.補破網
作詞：李臨秋
作曲：王雲峰
見著網目眶紅 破甲這大孔
想要補無半項 誰人知阮苦痛
今日若將這來放 是永遠無希望
為著前途穿活板 找傢司補破網
手拿網頭就重 悽慘阮一人
意中人走叼藏 針線來鬥幫忙
姑不二終罔震動 拿長針接西東
天河用線作橋板 全精神補破網
魚入網好年冬 歌詩滿漁港
阻風雨駛孤帆 阮勞力無了工
雨過天晴魚滿港 最快樂咱雙人
今日團圓心花香 從今免補破網
8.白牡丹
作詞：陳達儒
作曲：陳秋霖
(一)白牡丹笑呅呅 妖嬌含蕊等親君
無憂愁 無怨恨 單守花園一枝春
啊 單守花園一枝春
(二)白牡丹白花蕊 春風無來花無開
無亂開 無亂美 不願旋枝出牆圍
啊 不願旋枝出牆圍
(三)白牡丹等君挽 希望惜花頭一層
無嫌早 無嫌慢 甘願乎君插花瓶
啊 甘願乎君採花瓶
9.望你早歸
作詞：那卡諾
作曲：楊三郎
編曲：王豫民
每日思念你一人 未能得相見
親像鴛鴦水鴨不時相隨 無疑會來拆分離
牛郎織女伊兩人 年年有相會
怎樣你若一去全然無回 放棄阮孤單一個
若是黃昏月亮欲出來的時 加添阮心內悲哀
你要和阮離開那一日 也是月要出來的時
阮只好來拜託月亮 替阮講乎伊知
講阮暝日悲傷流目屎 希望你早一日回來
10.燒肉粽
作詞：張邱東松
(燒肉粽 燒肉粽 賣燒肉粽 燒肉粽)
(一)自悲自嘆歹命人 父母本來真疼痛
乎我讀書幾多冬 出業頭路無半項
暫時來賣燒肉粽 燒肉粽 燒肉粽 賣燒肉粽
(二)要做生理真困難 那無本錢做未動
不正行為是不通 所以暫時做這項
今著認真賣肉粽 燒肉粽 燒肉粽 賣燒肉粽
(三)物件一日一日貴 厝內頭嘴這大堆
雙腳行到要鐵腿 遇著無銷真克虧
認真擱賣燒肉粽 燒肉粽 燒肉粽 賣燒肉粽
(燒肉粽 燒肉粽 賣燒肉粽 燒肉粽)
11.牛犁歌
(一)頭戴著竹笠仔喂 遮日頭呀喂
手牽著犁妹仔喂 行到水田頭
奈噯唷呀犁妹仔喂 日曝汗那流
大家著合力呀喂 來打拼噯唷喂
奈噯唷呀裡多犁妹仔喂 日曝汗那流
大家來打拼噯唷喂
(二)腳踏著水車仔喂 在水門呀喂
手牽著犁妹仔喂 透早天未光
奈噯唷呀犁妹仔喂 水冷透心腸
大家著合力呀喂 來打拼噯唷喂
奈噯唷呀裡多犁妹仔喂 水冷透心腸
大家來打拼噯唷喂
(三)手推著牛犁仔喂 來犁田呀喂
我勸著犁妹仔喂 不通叫艱苦
奈噯唷仔犁妹仔喂 為著顧三丈
大家著合力呀喂 來打拼噯唷喂
奈噯唷呀裡多犁妹仔喂 為著顧三丈
大家來打拼噯唷喂
12.望你早歸
作詞：那卡諾
作曲：楊三郎
編曲：王豫民
每日思念你一人 未能得相見
親像鴛鴦水鴨不時相隨 無疑會來拆分離
牛郎織女伊兩人 年年有相會
怎樣你若一去全然無回 放棄阮孤單一個
若是黃昏月亮欲出來的時 加添阮心內悲哀
你要和阮離開那一日 也是月要出來的時
阮只好來拜託月亮 替阮講乎伊知
講阮暝日悲傷流目屎 希望你早一日回來
| 
