1.荷裡活大酒店
作詞：尹光
作曲：尹光
喂喂荷裡活有間大酒店
有三個肥婆呀學踢波 學踢波
你又踢 佢又踢 卒之就踢左落河
啊 你想執番個波 我幫你執個波丫
我標落去水雙手攬住個波
fing上去水面等佢捉住個波
佢個心想話接住點知佢差錯腳落河
我忙救佢命驚佢又壓死我
搵多兩個肥婆合力去拖
好彩又救醒左 你地玩波 玩波
應該要小心播
肥婆Ａ白： 喂, 肥婆霞你冇野丫嘛？
肥婆Ｂ白： 冇野, 哎也個衰佬真係撞鬼呀, 係度搏懵呀!
肥婆Ｃ白： 哎也, 點解咁架？
肥婆Ａ白： 哎也, 咁抵死呀？
肥婆Ｂ白： 係啦, 摸手摸腳呀個衰佬呀...
肥婆Ａ白： 離曬大譜呀!
肥婆Ｃ白： 即係佢乘機揩油!
肥婆Ｂ白： 係喇係喇!
肥婆Ａ白： 我就話佢想非禮你就真呀!
肥婆Ｂ白： 係呀係呀, 咁既人都有既, 真係丫!
尹光白： 唉, 你咪救人啦, 我都知道就唔救佢架勒,
所以我地廣東人既俗語講得好呀, 好心著雷劈,
一Ｄ都冇錯架. 呢! 就係好似果個肥婆咁, 踢波,
係河邊踢, 跌左落河, 係我救佢上黎姐, 都唔在話勒,
救人一命呀勝過七級浮屠, 救佢上黎重話我非禮佢,
你知啦, 遊水救人, 抆下撞下梗係有架啦嘛.
佢支支呀佐 佢真囉呀梳
居然窒阿哥 都只為執個波
好彩我讀過詩書不易發火
否則我又再兜腳踢佢落河
荷裡活呢間大酒店 有個肥婆為左學踢波
爭Ｄ命冇左 你地玩波 玩波
應該要小心播
荷里活大酒店
作詞：尹光 作曲：尹光
喂喂荷里活有間大酒店
有三個肥婆呀學踢波 學踢波
你又踢 佢又踢 卒之就踢左落河
啊 你想執番個波 我幫你執個波丫
我標落去水雙手攬住個波
fing上去水面等佢捉住個波
佢個心想話接住點知佢差錯腳落河
我忙救佢命驚佢又壓死我
搵多兩個肥婆合力去拖
好彩又救醒左 你地玩波 玩波
應該要小心播
肥婆Ａ白： 喂, 肥婆霞你冇野丫嘛？
肥婆Ｂ白： 冇野, 哎也個衰佬真係撞鬼呀, 係度搏懵呀!
肥婆Ｃ白： 哎也, 點解咁架？
肥婆Ａ白： 哎也, 咁抵死呀？
肥婆Ｂ白： 係啦, 摸手摸腳呀個衰佬呀...
肥婆Ａ白： 離晒大譜呀!
肥婆Ｃ白： 即係佢乘機揩油!
肥婆Ｂ白： 係喇係喇!
肥婆Ａ白： 我就話佢想非禮你就真呀!
肥婆Ｂ白： 係呀係呀, 咁既人都有既, 真係丫!
尹光白： 唉, 你咪救人啦, 我都知道就唔救佢架勒,
所以我地廣東人既俗語講得好呀, 好心著雷劈,
一Ｄ都冇錯架. 呢! 就係好似果個肥婆咁, 踢波,
係河邊踢, 跌左落河, 係我救佢上黎姐, 都唔在話勒,
救人一命呀勝過七級浮屠, 救佢上黎重話我非禮佢,
你知啦, 遊水救人, 抆下撞下梗係有架啦嘛.
佢支支呀佐 佢真囉呀梳
居然窒阿哥 都只為執個波
好彩我讀過詩書不易發火
否則我又再兜腳踢佢落河
荷里活呢間大酒店 有個肥婆為左學踢波
爭Ｄ命冇左 你地玩波 玩波
應該要小心播
2.香港小姐選美
作詞：蘇翁
男白：嘩! 阿妹, 著到彩雀咁靚去邊呀？
女白：去選美囉.
男白：你咁既貓樣學人選美？
女白： 失禮.
男： 你居然敢去共人地鬥呀
女： 天賦身材特出人未有
男： 你靚又唔係靚 個頭唔係夠
女： 一味夠膽台前亂咁扭囉
男： 喂 要問答播 你智力智識完全唔係有
女： 只要背境靠山勢力厚
男： 車 講馬嘴 你話左去牛頭 搞到主持亂龍又冇收
女： 我有辦法
男： 咁錯左點補救呀
女： 我認我在國外進修囉
男： 乞嗤呀
女： 聽到中文 唏老土兼落後
男： 你咁出場呀直情係獻醜唧
女： 我冠軍相播
男： 你定得過檯油呀
女： 港姐尊榮呀實行奪到手
男： 到時望見阿何Ｂ眉又皺 只見到阿KING佢窒人窒到嬲
你實行落選呀定會眼淚流
女： 出場堅決同佢地鬥
男白： 唏阿妹, 我都係勸你唔好去呢.
女白： 點解喎？
男白： 唉, 到時你落選呀會醜架!
女白： 蝦! 你話我唔得咩？ 我邊落唔得唧？
男白： 得, 身材正丫嘛.
女白： 駛乜講呀!
男白： 游水桶咁! 38, 38, 都係38!
女白： 我啋!
3.七個小矮人
作詞：原野
作曲：原野
雪姑七友七個小矮人 雪姑七友七個同埋條心
七個矮仔佢諗計仔掯 果個巫婆望到心驚到發冷震
雪姑七友七個雖係小矮人 雪姑七友七個佢地齊齊同埋訓
七個矮仔起身拿住七支棍 齊齊係個山窿度詐眼訓
雪姑睇見好開心 七個矮仔不算笨 (不算笨)
佢地學摺公仔 嘩 識玩波仔喎 大家都笑吟吟 (笑吟吟)
有次雪姑畀果七個矮仔激暈 矮仔七個舉起棍學無影棍
激得雪姑即刻搶鬼左支棍 連隨大渴一聲你地快脆訓
老七白： 阿老大!
老大白： 咩呀？
老七白： 我...我要玩波仔!
老五白： 我...我要摺公仔!
老二白： 波仔好玩Ｄ喎!
老三白： 老二, 我要耍無影棍!
老四白： 我又係!
老六白： 我又係!
老大白： 雪姑話要訓覺呀!
老二白： 我地唔聽佢話囉!
老三白： 細聲Ｄ玩囉!
老六白： 唔知既!
老大白： 唔得呀, 唔得呀!
老六白： 你呃佢丫嘛!
老四白： 我地匿埋玩囉!
老三白： 係個山窿度玩喳嘛!
老大白： 會唔錫我地架,
老七白： 我要玩波仔!
老大白： 唔錫我地點算呀？
老五白： 咁我地摺公仔囉.
雪姑睇見好開心 七個矮仔不算笨 (不算笨)
佢地學摺公仔 嘩 識玩波仔喎 大家都笑吟吟 (笑吟吟)
有次雪姑畀果七個矮仔激暈 矮仔七個舉起棍學無影棍
激得雪姑即刻搶鬼左支棍 連隨大渴一聲你地快脆訓
小矮人白： 我地訓喇!
4.數毛
作詞：尹光
作曲：尹光
毛呀毛 我數呀毛 週丫身都有呀毛
頭呀上 身呀上 總之我通通都數到勒
拿 首先數既有Ｄ人就冇 其中有人會有
呢一種我就問你知無
人人有胳肋底呀毛 小姐話毛神神 睇見真老土
所以剃到佢光脫脫 怕肉麻 怕肉麻
佢話咁至 Beautiful
唱到呀個鼻哥 應該就叫做鼻毛囉
身呀中 最高果Ｄ你又可以叫做頭毛
若果問話在嘴邊呢 果Ｄ就叫做鬍鬚勒
耳呀仔之內 你地大家知道叫做耳毛
還仲有 週身短短既人人呀叫做汗毛
輪到我唱Ｄ眉毛 眼睛之上有Ｄ睇唔到架
叫做眼挹毛 不過真呀真得意
有Ｄ大姐仔用假睫毛
有一種看不到既 唔知叫也野好呢靴
總丫之心丫照 你鍾意叫佢乜野都好啦
呢一種既毛毛呀 細路仔就完全呀冇個播
你不丫要會錯意 呢一種叫心口毛
5.腳震震
作詞：黎彼得
腳震震 耳轟轟頭暈暈
係公司 我返工詐眼訓
腳哽哽 眼甘甘傻騰騰
見老細 我一於當送殯
我一生好滋陰 最識做人
查實我最過引 做人均真
我一生好星君 總之夠運
逢人巖 開開心心 冇徙光陰
咪老襯 咁好心同情人
各有各 靠親戚最冇癮
我老友 著恤衫黃噤噤
番屋企 發啷厲猛咁徇
我教佢 拜觀音求靈神
我勸佢 駛錢丫咪咁抿
佢最怕 老媽子吟吟沉沉
陰陰嘴 對嬌妻要會TUM
| 
