1.無情火車
Cho cho train，
火車要起行，
我要來離開，
目屎落抹停，
嗚！一台無情的火車向前去。
拜拜啦，
故鄉GOODBYE，
憂悶在心內，
甘苦無人知，
嗚！一台無情的火車向前去。
孤單惦在車窗邊，
想起彼時心傷悲，
彼日誰人知，
只有自己知，
只有只有目屎流。
拜拜啦，
我的故鄉，
我心裡茫茫，
頭殼昏昏，
嗚！一台無情的火車向前去。
Cho cho train，
火車要起行，
我要來離開，
目屎落抹停，
嗚！一台無情的火車向前去。
拜拜啦，
故鄉GOODBYE，
憂悶在心內，
甘苦無人知，
嗚！一台無情的火車向前去。
孤單惦在車窗邊，
想起彼時心傷悲，
彼日誰人知，
只有自己知，
只有只有目屎流。
拜拜啦，
我的故鄉，
我心裡茫茫，
頭殼昏昏，
嗚！一台無情的火車向前去。
孤單惦在車窗邊，
想起彼時心傷悲，
彼日誰人知，
只有自己知，
只有只有目屎流。
拜拜啦，
我的故鄉，
我心裡茫茫，
頭殼昏昏，
嗚！一台無情的火車向前去，
嗚！一台無情的火車向前去 ...
2.難忘的人
作詞：葉俊麟
作曲：大村能章
滿天的清爽浮雲 滿山崙的花香昧
雖然是令人歡嘉 怎樣阮著心稀微
想著當時情甘意甜 暗流珠淚
無論是蝴蝶鳥兒 雙雙對對情纏綿
我有情妹也有意 無疑會來拆分離
你我二人結成連理 不知何時
無心來聽著鳥隻 歡迎春天唱歌詩
我心內只是思幕 一生難忘的情意
櫻花姑娘你到底是 惦在那裡
3.孤女的願望
請借問播田的田莊阿伯啊，
人塊講繁華都市台北對叨去，
阮就是無依偎可憐的女兒，
自細漢著來離開父母的身邊，
雖然無人替阮安排將來代誌，
阮想要來去都市做著女工渡日子，
也通來安慰自己心內的稀微。
請借問路邊的賣煙阿姐啊，
人塊講對面彼間工場是不是，
貼告示要用人阮想要來去，
我看你猶原不是幸福的女兒，
雖然無人替咱安排將來代誌，
在世間總是著要自己打算恰日子，
青春是不通耽誤人身的真義。
請借問門頭的辦公阿伯啊，
人塊講這間工場有要採用人，
阮雖然也少年郎不知半項，
同情我地頭生疏以外無希望，
假使少錢也要忍耐三冬五冬，
為將來為著幸福甘願受苦來活動，
有一日總會得著心情的輕鬆。
4.再會呀港都
收著船的錠，
船要開船要離開，
戀戀不捨的港口再會啦，
半年若過去再更來相會，
請你快樂來等待相會時，
船要開船要離開，
再會呀港都。
雖然製笑容，
心內苦著惜別離，
你無定怨嘆像渡鳥的人，
立誓在海面始終的生命，
一時來別離怎樣會悲傷，
船要開船要離開，
再會呀港都。
離別了後，
一定寄信來給你，
船若去到位相片也寄去，
可愛的街市再會啦再會，
請你保重來等待相會時，
船要開船要離開，
再會呀港都。
5.送君情淚
一路送君來行到了小山崙，
一時心肝頭亂紛紛，
滿腹心事要對君講論，
又來想不允，
干擔吐氣暗自恨。
二人做陣來行到了雙叉路，
兩平路邊樹影暗路，
暗中想起君前途勞苦，
目屎像落雨，
式甲手巾淡糊糊。
6.女性的哀怨
戀愛有時起風颱，天黑雨就來，
女性危險的運命，崁坎路歹行，
靠你真心相照顧，即有光明路，
溫暖愛情春天風，爽快好進步。
親密相沾指甲痕，留在阮身驅，
無疑心變一時拵，船過水無痕，
失戀親像無伴鳥，孤單哭黃昏，
等待月光照深巷，伴阮四界逡。
愛情較重人生命，嘴講無照行，
怎樣有聲看無影，無雨陳雷聲，
男性僥心真快變，秋雲飛滿天，
舉頭看出西窗外，月缺更再圓。
7.港町十三番地
作曲：上原Gento
遙遠的航路旅行 一路順風回故鄉
在港口搖來搖去 惦小船過暝
想前日勞苦海面 輕輕鬆鬆一杯酒
在酒廳一切忘記 嘛喝薄酒竟也醉
啊~~~港町十三番地
銀杏樹隨風微微 石頭小路無人影
成雙對行影相隨 講話糖蜜甜
五彩色霓紅燈火 引阮踏入愛情池
越正平一直過去 十字路頭船頭邊
啊~~~港町十三番地
等船來心情搖動 暝日無離心相印
送船去惜別彼時 雙人心傷悲
不敢講滿腹稀微 飲酒解消阮心裡
看天星茫茫帶意 窗外月娘半平圓
啊~~~港町十三番地
8.偏偏來想你
深夜茫霧罩四邊，秋風微微帶悲意，
心愛的人無看見，心酸目屎滴，
那無父母來阻止，今日也未來分離，
為怎樣思念你，情絲斷未離，
明知未凍來做堆，偏偏來想你。
時刻已經到三更，夜風拵拵冷支支，
心愛的人來分開，歸暝睏未去，
窗外雨水滴未離，甘是也知阮心意，
來替阮為著你，滴落傷心淚，
明知未得結連理，何必擱想你。
一更過了又一更，心頭卡想也是伊，
心愛的人叨位去，找你歸落年，
阮是一個苦命女，才著為愛離鄉里，
實在是為愛你，乎阮費心機，
明知未通結相隨，何必來找你。
9.阮不知啦
彼時約束啊，
雙人無失信，
近來言語啊，
煞來無失憑，
冷淡態度，
親像無要無緊，
你敢是你敢是，
找著新愛人。
啊！阮不知啦，
阮不知啦，
總無放舊去找新。
近來講話啊，
大聲小聲應，
春情戀夢啊，
漸漸變無親，
不明不白，
因何僥心反面，
你敢是你敢是，
找著新愛人。
啊！阮不知啦，
阮不知啦，
總無放舊去找新。
春天花蕊啊，
為春開了盡，
十八少年啊，
為你用心神，
怎樣這款，
全然同惘憫，
你敢是你敢是，
找著新愛人。
啊！阮不知啦，
阮不知啦，
總無放舊去找新。
10.六月茉莉
六月茉莉真正美，
郎君生做真古錐，
好花難得成雙對，
身邊無娘伊都上克虧。
六月茉莉真正香，
單身娘仔守空房，
好花也著有人挽，
無人知影伊都氣死人。
六月茉莉香透天，
單身娘仔無了時，
好花也著合人意，
當時郎君伊都在身邊。
六月茉莉透暝香，
單身娘仔做眠夢，
好花開了等下冬，
娘仔親像伊都何時放。
六月茉莉滿山香，
挽花也著惜花欉，
親像蝴蝶亂亂弄，
採過一欉伊都過一欉。
六欉茉莉分六路，
一欉較美搬落壺，
日時卜挽有人顧，
暝時要挽伊都人看無。
11.給無良心的人
啊！無良心的人，
可恨你無情無義搶人的生理，
人面獸心的壞東西，
狼狽為奸社會的毒蟲，
人人罵你無良心的人，
喔！朋友兄弟聽我勸，
做人著愛重情義，
不通想貪鑽雞籠。
啊！無良心的人，
可恨你歹心毒行搶人的生理，
自己拚命才合理，
親像菜頭棒心無路用，
人人罵你無路用的人，
喔！朋友兄弟聽我勸，
做人不通要詐欺，
留著臭名塊現世。
啊！無良心的人，
自古早有人塊講好壞有報應，
抬頭三尺有神明，
違背良心做事人批評，
人人罵你無天良的人，
喔！朋友兄弟聽我勸，
做人著愛好心行，
時到才有好報應。
12.心愛叨位去
黑暗彼邊山嶺嵿，
暝嶺月娘現嬌媚，
可愛天星閃閃爍，
抬頭看到心酸悲，
月有天星伴掛意，
害阮孤單空相思，
心愛彼時叨位去，
一別又是過數年。
春去秋來又一年，
秋風吹來心虛微，
引阮想起心愛你，
心酸目屎自然泣，
無因無由著你去，
放阮寂寞心空虛，
心愛你若有情義，
趕快回來阮身邊。
無情風雨伴冽冷，
誰知真情被你騙，
夜夜為你哭無停，
你是無情的男性，
枉費對你的心情，
愈想給我心愈凝，
如果紅顏多薄命，
只恨運命無怨天。
13.流星之夜
流星的暗暝的想起，
咱二人不時來做陣走，
路邊花香的彼條小路，
那是夜霧冷冷的暗暝。
隨月如水流已三年，
這陣不知你怎樣，
怎樣得過著日子。
流星的暗暝的想起，
咱二人不時來做陣坐，
水銀燈下的彼條小椅，
那是露水冷冷的暗暝。
親像做眠夢已三年，
這陣不知你叨位，
叨位得過著日子。
流星的暗暝的想起，
咱二人不時來相牽手，
約束相會的彼條街頭，
路燈照二人的形影。
隨月如水流已三年，
這陣不知你怎樣，
叨位得過著日子。
14.遊夜街
遊夜街好夜街市日頭墜落地，
夜暝的紅燈青燈照亮滿街市，
小朋友大家做伴返來也快樂，
腳那散步嘴那唸歌看見來欣賞。
孤單若看人做伴真正傷心肝，
馬路的好好景緻乎人看不離，
小姑娘手幼綿綿那行那相偎，
遊夜街市起來起來今夜到何時。
遊夜街好夜街市日頭墜落地，
夜暝的紅燈青燈照亮滿街市，
小朋友大家做伴返來也快樂，
腳那散步嘴那唸歌看見來欣賞，
腳那散步嘴那唸歌看見來欣賞。
15.再見南國
寶島舊府城，
懷念阮的鄉里，
自從離開來到異鄉，
已經過數年。
阮想起細漢彼時，
故鄉的代誌，
惜別那時唱著那條，
山明水清的歌詩。
你看覓請你看覓，
阮的故鄉真正美麗，
黃昏景色，
水鴨雙雙，
像桃園仙境。
月娘光夜暝，
大家都來海邊，
唱歌跳舞雙雙歡喜，
忘記夜更深。
想彼時人人講起，
會唱甲會跳，
阮也想著舊城南都，
山明水清的歌詩。
你看覓請你看覓，
阮的故鄉真正美麗，
月夜海景，
寶島聞名，
故鄉的海邊，
山明水清，
山明水清。
16.錢什路用
一年前我有機會，乎人提拔甲牽成，
為著唱十萬元風行，會得來成名，
阮媽媽真絕情，二萬元來害子一生，
反背的心袂安定，二萬元擱賺袂成，只有剩四仟。
在社會乎人批評，臭名萬世無路用，
媽媽妳愛錢無愛阮，害阮心憂悶，
這是太不應該，二萬元來誤子前程，
反背人的媽媽妳，女兒的名聲墜落，四仟什路用。
我一生親像眠夢，怨嘆已經無採工，
媽媽妳無情無義，害阮心茫茫，
從今後阮光明，到底是要靠誰人，
反背人仙著不通，苦勸你不通像我，才袂變臭人。
| 
