作曲：Big Sammy
填詞：MastaMic
編曲：Big Sammy / DJ Galaxy
監製：MastaMic / Big Sammy / DJ Galaxy
Here We Go
又到一年一度今日 大家等得好心急
記住有馬米就有Rap Up
一年一rap up呢個美德唔會消失
今年嘅rap up聽完幫手share得唔得
一講劉江點可以唔講呢啲
呢句絕對係本年度金句就係人都知
張家輝爆肌拍激戰搞到港男爭住練人魚線
杜汶澤為拍戲要操肌同AV女優激戰
Sammi同許志安終於將愛情圓滿
呢個時候梗係最啱聽番首天生一半
王菲李亞鵬始終有緣無份
我諗王菲以後要改唱容易離婚的女人
迷幻超盈神情迷茫係銅鑼灣仆親
因住激親父親何鴻燊 家產無得分
劉家良師傅過身武術界失去一名一代宗師
代所有嘅樂迷願陳僖儀Rest In Piece
7.1. 維穩show搵Mr Rubberband唱歌
下年不如請朱主席唱從不喜歡孤單一個
李純恩彈詞人唔識中文樂壇已死
我話你廣東話末講正做主持粵語已死
講電影一定要講狂舞派呢套傑作
多謝你哋將香港嘅Hip Hop帶到大銀幕
DaDa贏金像獎話有情緒病退出
潛水三個月又開記者會話復出
衝上雲霄俾我梗係揀做Cool魔
因為可以識女識完一個接一個
民選港姐陳凱琳促特首聽民意
王子華視帝田蕊妮視后係民意展示
TVB如果唔想大家熄電視機
我提議現場直播叻哥係將軍澳跪返屋企
May姐有請請你食雞汁雞汁唔少得
哈哈哈哈 有無人知May姐笑乜
TVB封殺壹傳媒係無限期
嗱 VB呢啲咪叫做霸氣
政府無正視民意無視香港電視
一句三揀二就唔發牌俾HKTV
封殺港視因素係一籃子
12萬人到政總抗議一名中國籍男子
遲嚟先上岸無綫成功註冊台徽
但係HKTV早過人申請遲遲唔批
拒絕發牌原因 細節不提
話行會保密原則所以唔可以破例
14巴港女摑到條仔跪低
為香港女士爭光將港女威名揚威國際
潮苑牛丸無牛肉一樣咁好味
所以海天堂龜苓膏無龜有咩咁出奇
尖沙咀巨型吹氣橡皮黃鴨
啟發西九九唔搭八整吹氣屎同曱甴
北河燒臘飯店係窮人愛心飯堂
老闆明哥用派飯為窮人送上希望
九龍城拐嬰案原來媽媽先係真兇
忤逆仔扮孝順謀殺雙親 真相掲盅
特首笑口噬噬對住阿基諾三世
疑似同意放低人質事件特首係吳三桂
中港矛盾因各式紛爭日益加深
要奶粉無奶粉 香港BB無奶飲
港童想有學位讀書排隊前要拜神
無歧視新移民但綜援係屬於香港永久居民
Uncle標養咗隻叫Tommy嘅野豬仔
我都養咗隻叫Tommy嘅小強愛搏出位
順天邨貓貓被四名人渣殺害
最後判決監禁16個月係應有制裁
美國間諜斯諾登係香港現身
踢爆美國大規模監控全球網民私隱
陳振聰被判監12年衰到貼地
又話係風水師睇到人但係睇唔到自己
港鐡爆電纜將軍澳綫癱瘓半日
為表歉意全港乘客應該免車資三日
政府首設官方貧窮線
咁好清楚香港有幾多人輸係起跑線
假嘅1千蚊有8成像真我無擔心
因為我窮到全身加埋都冇1千蚊
40日嘅碼頭工潮工人大罷工
97年之後工人無加過人工
愛國女神又點少得陳淨心
佢一出聲係人都想㩒佢靜音
林慧思老師一時失言都係為咗公道
道歉聲明後仍然慘遭愛字頭欺凌煎熬
廣播處長鄧忍光對港台辣手整治
你同我講背後無政治目的你當我弱智
前廉政專員湯顯明用公帑開餐
難怪送牛腩魚蛋佢都視作等閒
張震遠因商交所被調查辭職走人
麥齊光呃租金津貼判緩刑算你好運
陳荗波同太太嘅家人玩囤地上新聞
醜聞無人要處分 係咪有人包庇下屬惡行
政改諮詢係鳥籠不斷兜圈
有篩選嘅普選即係阿爺選無我選
特首落區聴民意支持者金毛講粗口
加個掉水樽小朋友唔通黑勢力插手
我諗我都係要收番呢番言論
費事佢又用私人名義向我發律師信
不過平心而論起碼證明為咗HK Rap Up
我真係可以去到好盡
2013我推出流行反擊戰
得到各方支持同推薦感激無言
我會堅持信念繼續散播Hip Hop理念
新嘅mixtape同新專輯好快同你見面
| 
