11.酒場情話
(男)酒場內清清靜靜 只有咱二人
(女)講情話糖甘蜜甜 快樂心茫茫
(男)自彼日你我見面 互相情意重
(女)望今後暝日作陣 放捨心苦痛
(男)可惜阮做著一個 酒場小姑娘
(女)雖愛阮思思念念 快樂心自由
(男)阮總是受人束縛 無通照主張
(女)有時也自暴自棄 飲酒解憂愁
(男)希望你從今以後 心頭放乎清
(女)請你來信賴男兒 純真的愛情
(男)我一定袂來放你 惦這受不幸
(女)請等待我若成功 造成好家庭
(男)自彼日離開了後 已經一個月
(女)心愛的為著怎樣 攏無來相找
(男)阮雖然想要信賴 伊所講的話
(女)恐怕阮就要看破 放捨心痴迷
(男)心愛的你為怎樣 眼淚濕目墘
(女)你這久攏無消息 為著啥代誌
(男)為著咱幸福將來 出外求財利
(女)請原諒阮來誤會 男性無情義
(男)二個人再來見面 更加糖蜜甜
(女)擱再來講著情話 一講到半暝
(男)你看覓窗外月娘 對咱笑微微
(女)趁今夜咱來約束 永遠不分離
| 
