4.祖母的話
作詞：劉福助
作曲：劉福助
做人的媳婦著知道理 晚晚去睏著早早起
又擱煩惱天未光 又擱煩惱鴨無卵
煩惱小姑要嫁無嫁妝 煩惱小叔要娶無眠床
做人的媳婦著知道理 晚晚去睏著早早起
起來梳頭抹粉點胭脂 入大廳拭桌椅
踏入灶腳洗碗箸 踏入繡房繡針織
做人的媳婦擱真艱苦 五更早起人嫌晚
燒水洗面人嫌熱 白米煮飯人擱嫌黑 氣著剃頭作尼姑
若是娶到彼囉不孝媳婦 早早著去睏 晚晚擱不起床
透早若是甲伊叫起來 就面仔臭臭
頭鬃又擱背在肩胛頭 腳屐又擱拖塊腳蹟後
著吱吱咕咕吱吱咕咕起來 罵乾家官是老柴頭
| 
-閩南語金曲集(福建名曲專輯).jpg)