8.乎我甲你疼
作詞：謝志豪
作曲：毛琮文
燕仔啊 做巢置亭仔腳
阮欲問燕仔 當時會飛啊
囝仔啊 我做你的媽媽
腹肚內底聽 我為你唱的歌
出世的哮聲 你哮入阮心肝啊
號做啥麼名 咱用愛來交換
牽你會曉走 你走入阮生命啊
迎接你來這 望一暝一寸大
燕仔啊 離巢置秋天啊
春天等燕仔 一日轉來住
囝仔啊 總會離開媽媽
惜惜不免驚 會記得我置這
出世的笑聲 你笑入阮心肝啊
欲穿什麼衫 愛是一針一線
牽你會曉走 你走入阮生命啊
迎接你來這 望一暝一寸大
乎我甲你疼 阮疼你置心肝啊
縛作伙的命 咱用愛來作伴
乎我甲你疼 阮疼你用生命啊
迎接你來這 做一個乖囝
乎我甲你疼 爸母心置天下
乎我甲你疼
| 
