21.新聞插播
【崗山仔消息】
今日瘦猴合著伊二歲兮後生阿榮，兩個人，攏去予春桃罰企。
罰企原因就是說，下晡春桃叫瘦猴幫阿榮洗身軀，想未到二個
爸也子遂置得浴間耍水，耍合瘦猴歸身軀澹糊糊，而且一頃耍兩點凡鐘。
春桃看到真受氣，所以叫伊兩個爸也子去罰企，好好反省。
春桃合恆春兮表示，水來得不容易，咱愛珍惜水資源，
不當討債才是。春桃這種環保兮精神，值得咱來學習。
【鳳山中崙社區消息】
住置得鳳山中崙社區做水電兮阿秋，合同事咻三四組阿Ｂ也了後，
醉茫茫走到伊兜附近的捐血車。阿秋一上車就講，小姐，先來一手！
護士小姐以為阿秋欲捐血，就合阿秋說：先生請問你欲捐凡幾，
阿秋聽到真無歡喜就說；什麼凡幾，予釂啦！這個時陣護士小姐才知也阿秋酒醉，
馬上聯絡伊兜釂人合伊率返去。護士小姐也置這拜託恆春兮，
會當置空中呼籲各位聽眾朋友，有緣，無緣，大家來捐血！
手衪撇起來，但是毋免予釂啦！
【鳳山消息】
住置得鳳山鳳南路釂痔瘡王，置後禮拜日就欲結婚囉！伊合恆春兮說，
伊這輩結婚紅帖也歸台灣放透透，只要稍微合伊磕到關係，
一律攏毋欲放伊息，而且伊亦註明。禮金是二千元起跳，若是無閒，
會當寄現金袋亦是匯票攏會使，若是收到紅帖也毋包來，亦是包無夠，
大家即試看覓咧！不過痔瘡王伊也表示，伊兮菜色是無輸人，
一定予大家滿意。這請客兮地點是，什麼！金門烏坵，這分明是搶人嘛！
【交通快報】
高雄火車頭，今日南下火車到站兮時間攏總延遲誤點。
原因是有一台從基隆往高雄兮兩光號火車，置得過岡山站無凡久，
遂來破輪，駛火車兮運將落車換預備輪開不少兮時間。
鐵枝路公司表示抱歉，並且會加強員工換預備輪兮時間，會當較緊咧。
【氣象報導】
為著配合國忠合惠美明天欲去公園散步，所以明也早會落毛毛小雨，
予國忠合美惠散步，更加更較有情調。明天欲出門兮聽眾，雨衣，
雨傘欲齎不齎攏不要緊。沿海方面，由於春桃合春花明天欲去旗津海水浴場游泳，
所以有可能會造成六級到九級大湧到猛湧，置旗津外海作業兮船隻請注意。
風颱動態，摩令固風颱E-MAIL合恆春兮說，一山不容兩虎，
一個桌頂未當有兩個茶壼！所以呢，伊約這個新形成兮風颱普拉姆，
欲置得太平洋一決雌雄，請聽眾朋友注意本颱風颱動態兮報導。
以上是咱蕃薯之聲本部獨家所提供，由本台特派記者恆春兮為您採訪報導烏白來新聞，感謝收聽！
| 
