1.行船歌
南風對面吹.多情少年家,阿娘門口過,放阮君一個
歡喜船入港.過夜隨開帆.悲傷來相送.送君行船人
港邊哭三聲.君你愛起行.今天真歹命.情願等待兄
回船哭三聲.實在無心晟.有啼有哭聲,親像枉死城
船行哭哎哎.君去是應該.何時到所在.船到批著來
行到火船邊.君離開我去.放阮單身己,害阮病相思
一位過一位,何時來做堆.目睭看江水,看君船離開
遠看看袂現,只看火船煙,今日乎君騙.那想那了然
望月天蒼蒼,看海心茫茫.有怨無塊講,君你薄情郎
船到香港山.君你鐵心肝.放阮置番邊.做你返唐山
行船真艱苦,受風甲受雨.吃粥配菜脯.嫁尪來受苦
船到七洲洋,看海想著娘.目屎流落去,流落大海洋
一去到汕頭,想著目屎流.穿了烏衫褲.去到吊橋頭
行到吊橋邊,恨娘單自己.看人成雙對.那想那吃虧
| 
