1.浪子淚
作詞：陳宏
作曲：陳宏
流浪流浪的生涯 想著流目屎
流浪子的心內 痛苦滋味誰人知
誰人願意 奔波四海
誰人願意 流浪天涯
啊！誰人願意離開心愛
心愛心愛你甘知 甘講你抹感慨 浪子心情誰人知
2.愛情不要賣
作詞：邱芳德
作曲：邱芳德
若愛跳舞我奉陪 若愛唱歌我嘛會
燒酒乾杯無相推 對人溫柔擱好禮
紅燈青燈伴阮做工夥 音樂歌聲瞭解阮心底
山盟海誓啊滿四界 愛情的騙子啊踢倒街
阮的愛情不要賣 犧牲隴都是環境的關係
3.戀戀戀
作詞：邱芳德
作曲：邱芳德
初戀與你來熟悉 熱戀三冬到頂禮拜
失戀才知心悲哀 癡戀等你倒返來
思戀 思戀失去你才知你可愛
悲戀 悲戀心內的痛苦誰人知
桃花戀我不曾半攏 生死戀那通乎我來試看覓
戀 戀 戀 我咧亂 亂 亂
留戀苦戀的心情 只有靠你靠你靠你來排解
4.懷念的人
作詞：陳宏
作曲：陳宏
＊懷念著彼個無緣的人 怎樣乎我的心頭亂
當初你那甭感情搏這重 今日也免為你塊怨嘆
＃甘是我癡情過頭重 也是你目頭有卡高
想要將你放 想要將你放 心肝又不甘 因為你是我最懷念的人
Repeat ＊,＃ ＃
5.碼頭酒
作詞：邱芳德
作曲：邱芳德
惦在碼頭的酒場內 孤單飲酒坐吧檯
茫茫擱茫已經醉三擺 等等呀等怎樣你無來
出帆是為著咱將來 你沒來相送擔著害
若要變心你著通知給我知 感情咱是抹凍參差
碼頭酒越飲越悲哀 不願看破擱醉一擺 癡情擱再等看覓
6.我是為你好
作詞：邱芳德
作曲：邱芳德
我是為你好 你甘看攏無
離開你不是放捨你 錯誤的愛應該告一段落
不甘啦不甘 煩惱啊煩惱
雖然你對我情份好 耽誤你青春是罪過
我的愛情有前科 你的幸福無擔保
不通怨嘆你我無結果 總講是咱緣份薄
痛苦的決定 我來作 離開你
我是為你好 為你好
7.羅漢腳仔
作詞：劉聖雯
作曲：甘儂
歲頭吃甲三十外 無某無猴羅漢腳
暗時欲睏找無伴 頂被下被也畏寒
阮那會無某通好娶 想著怨嘆搥心肝
姻緣錯過幾落攤 朋友啊 阮來對頭講給您聽
上早熟悉李小姐 二人戀愛三年外
嫌阮無厝也無車 嫁給別人做娘子
後來熟識張小姐 伊甲社會在流行
單身貴族較快活 無愛嫁尪受拖磨
最近相親許小姐 伊厝的人歸大托
牽來牽去是親戚 伊老爸是阮表兄
寶貴青春去一半 婚頭抹浮欲按怎
雖然每日嘆孤單 期待姻緣無嫌晚
不信阮是獨身仔命 各位朋友甲弟兄
您厝若有查某子 不可抹記才來甲阮結親戚
8.醜醜啊思相枝
作詞：陳宏
作曲：陳宏
今朝有酒今朝醉 最好茫茫隨在伊
凡事著愛想卡開 醜醜嗎是思相枝
朋友塔朋友 人情像海水
好歹目一咧呢 吃虧就是佔便宜 計較計較要創什麼
來來來乾杯 甭擱想過去 這才是漂魄耶男兒
9.有影無
作詞：吳嘉祥
作曲：吳嘉祥
有人講看到你彼日散步淡水河 身旁的那個人是一個大帥哥
一時雄雄忽然間我不知要如何 想要問你 有影無
你講無這回事 是我塊黑白想 你講伊只是一個普通的朋友
這個理由這勉強 我也猶原結憨憨
你若賣甲我切 我抹擱再囉嗦 有影無 有影無
10.自然就是美
作詞：邱芳德
作曲：邱芳德
怨什麼 嘆什麼 失去一切猶原會凍東山再起
笑要呢 暢要呢 一時得意滿足嘛是會過去
勤儉忍會生財和氣 嫖賭飲定著無了時
平安順序過日子 較贏拖命吃百二
人生舞臺介趣味 主角配角攏是輪來輪去
自然就是美有道理 何必勉強 何必勉強 爭權奪利
11.往事就是我的安慰
作詞：陳樂融
作曲：徐嘉良
你乎我站在車頭等歸瞑 目珠內只有別人成相對
孤單的我 望向天邊 兜一粒是我的星
不是我歡喜相思的滋味 只是我已經付出真情意
傷心的我 上好離開 趕緊反來自己身邊
不願意一陣風吹過來 一陣風吹過去愛你
有誰人肯瞭解我的心 肯瞭解我的夢哀悲
你不愛我無所謂 你放捨我無所謂
往事就是我的安慰
12.風真透
作詞：吳嘉祥
作曲：吳嘉祥
今仔日風真透 頭家的面臭臭
代誌嘛抹講介大條 啊著煩惱假強要擋抹條
今仔日風真透 春我這顆願頭
代誌是永遠做抹了 薪水總是嫌無夠
有人講人生在世 何必來怨命
好額窮赤攏是 勤儉甲併惰
等甲有一天 我來做主官
一定做甲暢甲抽甲爽甲飲甲醉甲妝甲水甲
今仔日風真透 驚衰的緊漏跑
定定來笑我啥咪攏抹曉 我聽講你嘛無介笅
13.歡喜就好
作詞：吳嘉祥
作曲：吳嘉祥
人生海海 甘需要攏瞭解 有時仔清醒 有時青菜
有人講好 一定有人講歹 若麥想嚇多 咱生活卡自在
歸工嫌車無夠叭 嫌厝無夠大 嫌菜煮了無好吃 嫌某尚歹看
駛到好車驚人偷 大厝歹拼掃 吃甲尚好驚血壓高 美某會兌人走
人生短短 好親像塊七逃 有時仔煩惱 有時輕可
問我到底 腹內有啥法寶 其實無撇步 歡喜就好
14.心愛的甭哭
作詞：王月娛
作曲：徐嘉良
手摜傷心的行李 今夜決心來離開
看著你滿面的珠淚 我的心肝強要碎
雖然真心疼痛你 互相勉強也無意義
送你這卡無緣的手指 感謝你陪伴我這多年
啊 啊 心愛的甭哭 請你將我放袂記
啊 你無欠我 我無欠你
15.莎喲娜啦探戈
作詞：吳嘉祥
作曲：吳嘉祥
編曲：吳嘉祥
自彼日莎喲娜啦
已經歸落年
到現在我的心內
猶原有你的香水味
你放我孤一個跳探戈
情海茫茫找你找無
你我的愛情戲
短短才搬一暝
無奈啊痴情的我
一條酒歌煞唱袜醒
燒酒薄嗎是有人咧醉
緣份淺嗎是有人傷悲
歸去看破飲落
咱的情咱的過去
自彼日莎喲娜啦
已經歸落年
到現在我的心內
猶原有你的香水味
你放我孤一個跳探戈
情海茫茫找你找無
你我的愛情戲
短短才搬一暝
無奈啊痴情的我
一條酒歌煞唱袜醒
燒酒薄嗎是有人咧醉
緣份淺嗎是有人傷悲
歸去看破飲落
咱的情咱的過去
16.臺灣話
作詞：鄭俊義
作曲：鄭俊義
編曲：陳玉立
這是什麼社會 七逃的比打拚的錢卡多
大街小巷買無一本書 電動的ㄆㄧㄡ＼ㄆㄧㄡ＼是開甲歸四界
你若會 要會大家會 巧的我嘛算一個
臺灣話 講若是要靠贏佼存傢伙 到尾仔賣某賣子賣老爸
這是什麼社會 做官的本錢著開彼多
大大小小買票兼烏紗 當選著換伊Ａ咱老百姓
你若賣 要買大家買 瘋貪的我嘛算一個
臺灣話 講若有人做大人用錢買 到尾仔衰你衰我衰大家
這是什麼社會 目周攏看高無看低
大人只乾哪顧著面底皮 比七仔比車比厝比路螺
你若吹 要吹大家吹 膨風的我嘛算一個
臺灣話 講做人無照起工腳踏實地 到尾仔悽慘落魄加狼狽哦
17.隨緣
作詞：陳百潭
作曲：陳百潭
編曲：徐嘉良
有緣無緣這一切隨緣凡事都放乎自然
無真無實的愛情緊變若夢醒 就隨時再見
有緣無緣這一切隨緣凡事都放乎自然
人生路上有足多發展又何必在情路流璉
命中若注定是咱的 愛寶惜著這段良緣
反倒轉若不是咱的甭白目來製造孽緣
有緣無緣這一切隨緣凡事都放乎自然
人生路上有足多發展又何必在情路流璉
18.最佳男主角
作詞：吳嘉祥
作曲：吳嘉祥
編曲：吳嘉祥
講起戀愛我就目屎流 比起錢財我嘛只有害頭
開嘴講話大家聽甲真無聊 講欲七逃我逐項攏抹曉
講起模樣我是真苦惱 比起身材我嘛真見笑
人讀大學我自高中就考無條 莫怪人講我是作吃的爛豬腳
甘講這世人就做菜鳥 若無阿爸的要求哪會及格就好
人生路既然有嚇多條 咱若打拼早晚嘛會出頭
小小失戀咱也不免哮 為錢鬱卒係嘛無必要
工作熬做何必拼漢草 你我才是最佳的男主角
19.前世緣
作詞：陳百潭
作曲：陳百潭
編曲：吳嘉祥
女聲：楊靜
女：真想漂撇來揮手惜別 偏偏目睭攏不聽話
親像打折的目屎減價 若無買心肝真後悔
男：心愛的麥相難過 心愛的麥相難過 離開的只是咱的肉體
無論我治叨位 是天涯也海角 若有你我的心著抹出賣
女：相信咱的緣治前世著註冊
男：怎勞碌
合：最後嘛結做伙
20.傷情過路人
作詞：陳百潭
作曲：陳百潭
一粒隨緣的心 面對多變感情 抹堪一再打擊影響人生
夢影只是幻影 事實總是酷刑 抹凍一再固執完全無信
癡情的過路人 傷情的過路人 才體會的出什麼叫做絕望
大聲叫天抹應 叫地抹應 浮沉情海中無奈心情
大聲叫天抹應 叫地抹應 車盤勞碌甲無成人形
| 
