1.想要彈同調
作詞：周添旺
作曲：鄧雨賢
心肝想要甲伊彈同調 那知心頭又飄搖
乎伊會知影著我 滿腹的心潮 心肝悶 總想昧曉
心肝想要甲伊彈同調 那知心情茫渺渺
我對伊啥款心情 怎昧會明瞭 卡講也講昧得了
心肝想要甲伊彈同調 不過心情悶昧消
乎伊會知影著我 心頭披博跳 卡彈也是單思調
2.江上月影
作詞：周添旺
作曲：鄧雨賢
江上月影光又明
江中的水流無停
月是照著咱的影
啊並無照著咱的情
一陣涼風對面吹
一對烏影咱二個
雖是無言惦惦坐
啊心情已經是你的
雙人做陣在江邊
不過那夢是一時
四邊猶原靜寂寂
啊只有林中蟲聲悲
只有林中蟲聲悲
3.悲戀的酒杯
作詞：陳達儒
作曲：姚讚福
別人捧杯 爽快塊合歡
阮捧酒杯 悽慘又失戀
世間幾個 親像阮這款
噯唷 噯唷 愛是目屎甲操煩
自嘆自恨 看破了當初
吐氣無奈 一杯又一杯
不管人笑 酒醉倒在地
噯唷 噯唷 誰知阮為啥問題
帶著酒氣 瞑日定定紅
目的不是 貪著燒酒香
看破世情 一切像眠夢
噯唷 噯唷 第一悽慘失戀人
4.蝶戀花
作詞：洪一峰
作曲：洪一峰
紅紅花蕊當清香 春天百花叢
清翠花蕊定定紅 不驚野蜂弄
心愛哥哥你一人 花美永遠同
阮是忍耐風雨凍 歡迎你一人
南風吹來心輕鬆 漸漸談情戀
春色可比自由夢 蝴蝶守花叢
心愛妹妹你一人 歡喜正清香
快樂美滿是無限 我愛妹一人
戀花開透送香味 文雅自然美
春天咱著放心開 鳥隻亂亂飛
阮是愛哥有情義 疼痛結相隨
戀花多情多是非 不敢來放離
愛情投合在心內 空中月也知
心心相印雙人愛 終身相感介
咱是甜蜜隨東西 遊賞咱世界
蝶戀花栽相等待 年久著原在
5.黃昏再會
作詞：林天津
作曲：楊三郎
編曲：黃名偉
傳說月裡嫦娥水
可比小妹妖嬌甲古錐
幾句情話毋敢講出嘴
含情不吐上克虧
冷靜月暝伴哥行
無疑今夜會得來見兄
輕聲細說又驚人知影
真情慾講心驚驚
快樂美滿公園內
忽然雲開漸漸見月眉
雙人永遠毋通情變壞
明日黃昏再擱來
6.風雨夜曲
作詞：周添旺
作曲：許石
編曲：陳吉士
微微燈火照著樓窗 酸風鑽入房 房中獨有阮一人
靜靜解心意 只有茶味香 簷箭雨水滍滍涾涾增加阮苦痛
風雨又無停心情又飄動 往年所有的希望 犧牲到現在
吥愿來放鬆 吥愿變成一場夢
想起昔日年青時代 世情阮吥知 只知義務佮情愛
過著重疊疊 人生的苦海 並無希望爽爽快快快樂渡生涯
只求美滿熱情永存在 可比陽春花當開 無疑運命坏
怨嘆誰人知 變成寂寞暗悲哀
冬天暝長夜半沈靜 風雨又無停 想著紆卒的世情
受盡千萬般 艱難的苦境 並無希望永永遠遠快樂佮虛榮
只求美滿光明的前程 那知四面是風泳 加添阮心悶
誰人來造成 冷暖無情的人生
7.苦戀歌
作詞：那卡諾
作曲：楊三郎
明知失戀真艱苦 偏偏走入失戀路
只知燒酒袂解憂 偏偏飲酒來添愁
看人相親甲相愛 見景傷情流目屎
誰人會知阮心內 只有對花訴悲哀
明知女性真厲害 偏偏乎伊騙嘸知
只知黑暗的世界 偏偏行對這路來
看見蝴蝶結相隨 放阮孤單上克虧
親像花蕊離花枝 何時才會成雙對
明知對我無真情 偏偏為伊來犧牲
只知對我無真愛 偏偏為伊流目屎
第一癡情著是阮 每日目屎做飯吞
欠伊花債也未滿 今日著的受苦戀
8.異鄉月夜
作詞：周添旺
作曲：楊三郎
編曲：陳吉士
明月在東方 思君相茫茫
異鄉的月暝 秋風冷微微
阮所愛的伊 自己在鄉里
阿．．抹得通相見(總是阮的心肝)
也是在伊身邊．．．．．．．．．．
在故鄉彼時 一刻也不離
為何來所致 使阮離鄉里
異鄉思戀伊 珠淚滿目墘
阿．．夜夜心內悲(總是阮心肝)
也是在伊身邊．．．．．．．．．．
空中明月圓 園中孤鳥啼
聲聲哭哀悲 伴阮寂寞暝
想要返鄉里 甲伊通團圓
阿．．不知等何時(總是阮的心肝)
也是在伊身邊．．．．．．
9.南都夜曲
作詞：陳達儒
作曲：陳秋霖
南都更深 歌聲滿街頂 冬天風搖 酒館繡中燈
姑娘溫酒等君驚打冷 無疑君心先冷變絕情
啊 啊 薄命 薄命 為君仔哭不明
甜言蜜語 完全是相騙 惦在路頭 酒醉亂亂顛
顛來倒去君送金腳鍊 玲玲瓏瓏叫醒初結緣
啊 啊 愛情 愛情 可比紙煙烟
安平港水 沖走愛情散 月也薄情避在東平山
酒館五更悲慘哭無伴 手彈琵琶哀調鑽心肝
啊 啊 孤單 孤單 無伴風愈寒
10.心肝寶貝
作詞：李坤城／羅大佑
作曲：羅大佑
月娘光光掛天頂 嫦娥置那住
你是阮的掌上明珠 抱著金金看
看你度晬 看你收涎 看你底學行
看你會走 看你出世 相片一大卡
輕輕聽著喘氣聲 心肝寶貝子
你是阮的幸福希望 斟酌給你晟
望你精光 望你知情 望你趕緊大
望你古錐 健康活潑 毋驚受風寒
鳥仔風箏 攏總會飛 到底為什麼
魚仔船隻 攏是無腳 按怎會移位
日頭出來 日頭落山 日頭對叨去
春天的花 愛吃的蜂 伊是置叨位
鳥仔有翅 風箏有線 才會天頂飛
魚仔有尾 親像行船 希望著愛找
日頭出來 日頭落山 日子攏安呢過
花謝花開 天暗天光 同款的問題
11.阿娘的心
作詞：鄭恆隆
作曲：鄭恆隆
十月懷胎親生子 娶某了後變某子
對阮親情煞變淡 害阮孤單對獨影
細漢苦心甲你宬 教你講話教你行
跋倒若哮叫阿娘 聽著不甘惜命命
驚你甘苦驚你餓 無暝無日雙手抱
每日細膩來照顧 父母心情若石磨
每日思念子兒來 憂悶心情誰人知
看人母子相疼愛 引阮心酸甲悲哀
啊 懷念昔日的親情 目屎不覺滴胸前
父母養育的恩情 全無仰望你來還
祇愛聽你叫阿娘
十月懷胎親生子 娶某了後變某子
對阮親情煞變淡 害阮孤單對獨影
細漢苦心甲你宬 教你講話教你行
跋倒若哮叫阿娘 聽著不甘惜命命
驚你甘苦驚你餓 無暝無日雙手抱
每日細膩來照顧 父母心情若石磨
每日思念子兒來 憂悶心情誰人知
看人母子相疼愛 引阮心酸甲悲哀
啊 懷念昔日的親情 目屎不覺滴胸前
父母養育的恩情 全無仰望你來還
祇愛你來阮面前
12.淡水暮色
作詞：葉俊麟
作曲：洪一峰
編曲：張乃仁
日頭將要沉落西 水面染五彩
男女老幼地等待 漁船倒返來
桃色樓窗門半開 琴聲訴悲哀
啊～～～ 幽怨的心情無人知
朦朧月色白光線 浮出紗帽山
河流水影色變換 海風陣陣寒
一隻小鳥找無伴 歇在船頭岸
啊～～～ 美妙的啼叫動心肝
淡水黃昏帶詩意 夜霧罩四邊
教堂鐘聲心空虛 響對海面去
埔頂燈光真稀微 閃閃象天星
啊～～～ 難忘的情景引心悲
13.秋怨
作詞：鄭志峰
作曲：楊三郎／駱英校訂
行到溪邊水流聲
引阮頭殼痛
每日思君無心情
怨嘆阮運命
孤單無伴賞月影
也是為著兄
怎樣兄會不知影
放阮做你行
黃昏冷淡日頭落
思念阮親哥
看見孤雁飛過河
目屎輪輪滾
讓阮有哥也若無
無人通偎靠
人人講阮恰君好
想著心攪糟
月色光光照山頂
天星粒粒明
前世無作歹心悻
郎君即絕情
開窗無伴看月眉
引阮空悲哀
彼時相親恰相愛
哥哥你敢知
14.阮若打開心內的窗
作詞：王昶雄
作曲：呂泉生
編曲：陳吉士
阮若打開心內的門
就會看見五彩的春光
雖然春天無久長
總會暫時消阮滿腹辛酸
春光春光今何在
望你永遠在阮心內
阮若打開心內的門
就會看見五彩的春光
阮若打開心內的窗
就會看見心愛彼的人
雖然人去樓也空
總會暫時給阮心頭輕鬆
所愛的人今何在
望你永遠在阮心內
阮若打開心內的窗
就會看見心愛彼的人
阮若打開心內的門
就會看見故鄉的田園
雖然路途千里遠
總會暫時給阮思念想要返
故鄉故鄉今何在
望你永遠在阮心內
阮若打開心內的門
就會看見故鄉的田園
阮若打開心內的窗
就會看見青春的美夢
雖然前途無希望
總會暫時消阮滿腹怨歎
青春美夢今何在
望你永遠在阮心內
阮若打開心內的窗
就會看見青春的美夢
15.期待
作詞：鳳飛飛
作曲：王明哲
一年四季春來秋去
惦惦來分開彼時的情意
心內的夢怎樣講起
思念放抹離
花開花謝落雨的暗暝
孤單一人想咱的過去
窗外雨聲引阮心悲
歸暝睏抹去
想到彼時 苦澀酸甜
對啥人來講起
啊～ 今夜又是
孤單的相思
一年四季春來秋去
惦惦來分開彼時的情意
心內的夢怎樣講起
思念放抹離
花開花謝落雨的暗暝
孤單一人想咱的過去
窗外雨聲引阮心悲
歸暝睏抹去
這段情愛 猶原期待
望你返來阮身邊
啊～ 今夜又是
孤單的相思
孤單的相思
16.情字這條路
作詞：慎芝
作曲：鄭華娟
那會那會同款 情字這條路
給你走著輕鬆 我走著艱苦
那會那會同款 情字這條路
你隴滿面春風 我隴在淋雨
不願承認心內思慕 暝暝等著你的腳步
不願承認阮的愛你是錯誤 不願後悔何必當初
那會那會走來 情字這條路
默默跟你來此 望你倘照顧
那會那會走來 情字這條路
回過頭才知影 歹走的路途
不願承認未倘幸福 暝暝唸著愛的歌譜
不願承認前途茫茫看無路 不願提起消息攏無
17.牽成阮的愛
作詞：李坤城／王武雄
作曲：羅大佑
編曲：花比傲
有時過路 有時做夢 予阮想半天
前世姻緣 夢中做伴 醒來無半項
甚麼時陣 甚麼心思 甚款的思戀
褪色的美夢 浮踮在腦海 總是彼個人
有時甜蜜 有時苦痛 人生一齣戲
台頂搬戲 台腳看戲 替換無了時
彼時快樂 今日悲傷 啥人會懷疑
過時的空虛 紓卒的春天 猶原縞縞纏
茫茫渺渺 思思唸唸 夜夜地等待
到底有啥人 替阮來安排 牽成阮的愛
有人孤單 有人幸福 命運天注定
人生宛然 雲海煙霧 茫茫無路行
有緣做陣 無緣做堆 到底是按怎
抬頭向月娘 照著阮心聲 只有伊知影
茫茫渺渺 思思唸唸 夜夜地等待
到底有啥人 替阮來安排 牽成阮的愛
有人孤單 有人幸福 命運天注定
人生宛然 雲海煙霧 茫茫無路行
有緣做陣 無緣做堆 到底是按怎
抬頭向月娘 照著阮心聲 只有伊知影
抬頭向月娘 照著阮心聲 只有伊知影
18.思念的歌
作詞：路寒袖
作曲：王明哲
我的名 是孤單
風霜永遠跟阮走
雲作伴 風唱歌
飄浪的心無時定
思念親像山連山
一山盤過又一山
故鄉 故鄉 啊～你等我
等我唱出思念的歌
天地闊 路無名
濛濛浮出一個行影
天涯路 帶阮行
行入思念的山嶺
思念親像山連山
一山盤過又一山
故鄉 故鄉 啊～你等我
等我唱出思念的歌
思念親像山連山
一山盤過又一山
故鄉 故鄉 啊～你等我
等我唱出思念的歌
故鄉 故鄉 啊～你等我
等我唱出思念的歌
| 
