1.月夜愁
作詞：周添旺
作曲：鄧雨賢
月色照在 三線路
風吹微微 等待的人那抹來
心內真可疑 想抹出彼個人
啊……怨嘆月暝
更深無伴 獨相思
秋蟬研啼 月光所照的樹影
加添阮傷悲 心頭酸目屎滴
啊……無聊月暝
敢是註定 無綠份
所愛的伊 因何乎阮放抹離
夢中來相見 斷腸詩唱抹止
啊……憂愁月暝
2.白牡丹
作詞：陳達儒
作曲：陳秋霖
白牡丹 笑呅呅 妖嬌含蕊等親君
無憂愁 無怨恨 單守花園一枝春
啊……單守花園一枝春
白牡丹 白花蕊 春風無來花無開
無亂開 無亂美 不願旋枝出牆圍
啊……不願旋枝出牆圍
白牡丹 等君挽 希望惜花頭一層
無嫌早 無嫌慢 甘願乎君插花瓶
啊……甘願乎君插花瓶
3.阮不知啦
作詞：陳達儒
作曲：吳成家
彼時約束啊 雙人無失信
近來言語啊 煞來無信憑
冷淡態度 親像無要無緊
你敢是 你敢是 找著新愛人
啊……阮不知啦 阮不知啦 絕無放舊去找新
近來講話啊 大聲小聲應
青春戀夢啊 漸漸變無情
不明不白啊 因何梟心反面
你敢是 你敢是 找到新愛人
啊……阮不知啦 阮不知啦 絕無放舊去找新
啊……阮不知啦 阮不知啦 絕無放舊去找新
4.秋風夜雨
作詞：周添旺
作曲：楊三郎
編曲：洪敬堯
風雨聲音擾亂秋夜靜 時常聽見蚯蚓哮悲情
引阮思鄉不知雨水冷 自恨自嘆幸福未完成
啊………前途茫茫 宛然失光明
希望純情結成好鴛鴦 無疑環境阻礙阮自由
秋風夜雨也無替阮想 那通歸暝迫阮添憂愁
啊………思思唸唸 一日如三秋
風雨淒涼已經是秋分 離開放鄉猶原這時袸
彼時約束望你相信阮 堅心為君保守阮青春
啊………阮是可比 海上小帆船
5.走馬燈
作詞：吳景中／黃玉昤
作曲：吳景中
是幸福是不幸 環境來造成
恩恩怨怨分未清 何必抱不平
星光月光轉無停 人生呀人生
冷暖世情多演變 人生宛如走馬燈
想今後想早前 遭遇一層層
歷盡滄桑的情景 啥人來可憐
悲歡離合轉無停 無情啊無情
冷暖世情多演變 人生宛如走馬燈
6.思想起
作詞：許丙丁
作曲：鄉土民謠
思啊想啊起 日頭出來啊伊都滿天紅
枋寮哪過去啊伊都是楓港噯唷喂
希望阿哥來痛疼噯唷喂
噯唷痛疼小妹啊做工人噯唷喂
思啊想啊起 四重溪底啊伊都全全石
梅花哪當開啊伊都會落葉噯唷喂
小妹啊想君抹得著噯唷喂
噯唷恰慘拖命啊吃傷藥噯唷喂
思啊想啊起 恆春大路啊伊都透溫泉
燈台哪對面啊伊都馬鞍山噯唷喂
阿哥啊返去妹無伴噯唷喂
噯唷親像轆鑽刺心肝噯唷喂
思啊想啊起 恆春過了啊伊都是車城
花言哪巧語啊伊都不愛聽噯唷喂
阿妹啊講話若有影噯唷喂
噯唷刀鎗作路啊也敢行噯唷喂
7.河邊春夢
作詞：周添旺
作曲：周添旺
(一)河邊春風寒 怎樣阮孤單
舉頭一下看 幸福人做伴
想起伊對我 實在是相瞞
到底是按怎 不知阮心肝
(二)昔日在河邊 遊賞彼當時
實情甲實意 可比月當圓
想伊做一時 將阮來放離
乎阮若想起 恨伊薄情義
(三)秋天還沒過 秋葉落滿地
無情少年家 可恨你一個
花開你欲採 花枝你不愛
自己想看覓 用心拿出來
(四)四邊又寂靜 聽著鳥悲聲
目睭看橋頂 目屎滴胸前
自恨歹環境 自嘆我薄命
雖然春風冷 難得冷實情
8.台東人
作詞：呂金守
作曲：呂金守
竹筍離土目目柯 移山仔倒海樊梨花
有情阿娘仔著甲娶 不通放給伊落煙花
稻仔大肚驚風颱 阿娘仔大肚驚人知
左手牽衫掩肚臍 正手搧君仔擱再來
甘蔗好吃頭硬硬 茶店仔查某上無情
一千二千提去用 叫伊散步叱無閒
六月日頭火燒埔 阿娘仔招君過澎湖
交通飛機也過渡 三餐海產吃魚塊
蓮霧開花滿樹紅 樹頂一隻虎頭峰
叮著阿君仔沒採工 叮著阿娘仔喊救人
枋寮坐車到楓港 翻山過嶺到台東
有情阿娘仔得來送 阮的故鄉惦台東
9.補破網
作詞：李臨秋
作曲：王雲峰
見著網目眶紅 破甲這大孔
想要補無半項 誰人知阮苦痛
今日若將這來放 是永遠無希望
為著前途穿活板 找傢司補破網
手拿網頭就重 悽慘阮一人
意中人走叼藏 針線來鬥幫忙
姑不二終罔震動 拿長針接西東
天河用線作橋板 全精神補破網
魚入網好年冬 歌詩滿漁港
阻風雨駛孤帆 阮勞力無了工
雨過天晴魚滿港 最快樂咱雙人
今日團圓心花香 從今免補破網
10.孤戀花
作詞：周添旺
作曲：楊三郎
風微微 風微微 孤單悶悶在池邊
水蓮花 滿滿是 靜靜等待露水滴
啊……啊……
阮是思念郎君伊 暗相思 無講起
要講驚兄心懷疑
月光暝 月光暝 夜夜思君到深更
人消瘦 無元氣 為君唱出斷腸詩
啊……啊……
蝴蝶弄花也有時 孤單阮 薄命花
親像瓊花無後暝
月斜西 月斜西 真情思君君不知
青春欉 誰人害 變成落葉相思栽
啊……啊……
追想郎君的情愛 獻笑容 暗悲哀
期待陽春花再開
11.思想起(演奏曲)
| 
