1.夢遊仙公廟
落葉在秋天 隨風飄落去
一年一年心空虛
欲怎樣阮毋知
拜託仙公來保庇
有一日會來找著心上的人
啊‧‧‧仙公廟的鐘聲響
鐘聲真響亮
春天好暗暝 月娘在身邊
雙雙對對笑微微
為什麼真歡喜
敢是仙公有保庇
滿山邊純情花蕊開紅又芳(芳：pang)
啊‧‧‧仙公廟的香味芳 (香：hiuN)
乎阮心輕鬆
靜靜三更暝
仙女來相見
一個一個好情意
可惜是不是伊
敢是仙公變把戲
明明是心上的人怎樣不是
啊‧‧‧仙公廟的托眠夢
害阮空怨嘆
2.憶戀思情
啊....來想起咱的初戀時
是春天踮在花園邊
你我來露出情意
欸....春風也帶香味
啊....來想起咱的熱戀時
是夏天踮在運河邊
你我來糖甘蜜甜
欸....水聲也唱情詩
啊....來想起咱的苦戀時
是秋天踮在山崙邊
你我來吐出苦味
欸....月娘也心稀微
啊....來想起咱的悲戀時
是冬天踮在碼頭邊
你我來提議分離
欸....波浪也哭歸暝
3.父子流浪三千里
與春夢不了情同曲
離開鄉里來都市 流浪走千里
可憐阮小女兒 揣母哭歸暝 (揣：cue¯ ，找的台語本字)
怨嘆著運命所致 目睭無看見
放翁放囝做妳去 懷念早當時
媽媽妳是在哪裡 阮真思念妳
無倚偎又無錢 流浪來揣妳
可憐阮毋知妳住址 爸爸又青盲
媽媽緊轉阮身邊 一家來團圓
毋驚風雨受枵餓 無惜遠路途 (枵：iau，讀如麼，餓也)
愛母毋驚艱苦 親情對妳討
每日若看天暗黑 目屎滴落土
妳敢忍心做妳逃 放阮無偎靠.
4.酒場悲戀影
一個人心稀微 踮在酒場內
手捧著一杯酒 滿面顯悲哀
暗澹的燈光也 伴伊失主裁
有心事毋講出 當然無人知
二矸酒飲落去 也擱攏無醉
彈吉他唱情歌 暗中拭珠淚
為怎樣無歡迎 女性伴相隨
無一定伊為著 愛情來吃虧
三角型花領帶 結甲真風流
嘴咬著一支熏 目頭激憂憂(熏：hun，香煙也；激：gik¯ )
伊今夜來酒場 飲酒解憂愁
明日欲去佗位 啥人替伊想
5.從船上來的男子
在異鄉的酒場內 飲酒心悶悶
若孤單對酒杯 加添阮心悶
男兒踏出門 毋通來失志
一時的孤單免怨嘆
我是生活在船頂的行船人
夜霧重異鄉港口 天星也會光
青春的行船人 到處有情義
女性雖標緻 何必去求愛
船若是離開走千里
我是生活在船頂的行船人
海風冷陣陣夜霧 凍冷目睭墘
北方的霜雪冷 海峽風浪大
怨嘆像海鳥 飛來又飛去
明曰的前途阮毋管
我是生活在船頂的行船人
6.拜託月娘揣頭路
逐家偎在車窗邊心稀微 (逐家：da_-ga¯，國語誤為'大家')
越頭看見阮的鄉里心哀悲
今夜欲離開家鄉
出外去趁錢
是為著環境所致不得已
媽媽你也毋免掛意
阮逐家會自己注意
可愛的故鄉喲
再會啦
媽媽再會啦
逐家來到他鄉里心稀微
揣來揣去也無熟悉心悲哀 (揣：cue_ ，找的台語本字)
自今日踮在他鄉 怎樣活落去
啥人會同情阮是出外人
揣頭路也無彼容易 (彼：hia)
毋知欲按怎樣才好
天頂的月娘喲
拜託妳
替阮揣頭路
7.冷霜子
作詞：林樂
演唱：葉啟田
離開故鄉來流浪
恨阮運命心悲傷
為怎樣會這放蕩
變成前程暗茫茫
放搡著心愛的出外來他鄉(搡：sak¯)
無疑會做著一個黑暗的英雄
我不應該墜落苦海
一失足來造成這悲哀
我一生來被人害
才著流浪走天涯
後悔莫及也應該
看破黑暗的世界
我決心脫離著陰險的巢窟內
做一個現代正正當當的男性
毋驚人來啥款虐待
早一日挽回著阮生涯
8.越山嶺
作詞：潛生
作曲：日本曲
牧童吹蕭趕羊群 山頂近黃昏
一隻孤鳥回牧場 黃昏日頭紅
無想 阮也孤單客 天涯阮一人
一夢醒來在馬上 山風真清涼 呀呼呀呼
山頂日光照花園 五月日頭長
一隻孤鳥在雲頂 何事哮昧停
無想 阮也孤單客 天涯阮一人
忽然想著阮故鄉 遠遠在雲中 呀呼呀呼
天頂也有清水湖
湖邊成樹林
水紋無聲
也昧搖恬恬照樹林(恬：diam_)
無想 阮也孤單客
天涯阮一人
明知情人在外城
出聲叫伊名
呀呼呀呼
9.春宵吟
南國春天時草木啊當青
我在春宵月光暝
無意中看見
百花滿開笑微微
蝴蝶歇花枝(歇：hiorhˋ)
雙雙又飛起
一時推動阮心意
怨嘆花枝青
夜半露水滴百花的芳味(芳：pang)
我在寂寞更深時
無意中聽見
音樂傳來斷腸詩
哀怨入阮耳
引阮心內悲
坐在床邊無元氣
春宵恨長暝
夜深靜唧唧風冷啊吱吱
倒在床中睏昧去
無奈在窗邊
空度春天良宵瞑
舉頭望月圓
為何愁昧離
一更過了又一更
不覺雞聲啼
10.雨夜花
作詞：周添旺
作曲：鄧雨賢
演唱：秀蘭瑪雅
雨夜花 雨夜花
受風雨吹落地
無人看見
每日怨慼(慼：ce_)
花謝落土不再回
花落土 花落土
有啥人通看顧
無情風雨
誤阮前途
花蕊若落欲如何
雨無情 雨無情
無想阮的前程
並無看顧
軟弱心性
乎阮前途失光明
11.金針花
作詞：羅文聰
作曲：曾淑勤
＊
金針花 頭犁犁 恬恬開(恬恬：diam_-diam¯)
等風吹 心內批 囥心底(囥：kng_)
寄抹出 無人回 金針花
清氣的芳味 底風中飛(芳：pang)
啊‧‧‧阿母啊‧‧‧
我底想你 你敢有想我
＃
半暝的深夜 露水鑽心寒
流浪他鄉的憨囝(囝：giaN_)
當初為著理想
拍拼的心情(情：zianˇ)
如今攏變成酒後 吐昧出吞昧落的心聲
一針一線 穿置身軀的澎紗衫
若想起阿母的形影
溫暖的煮飯聲
目屎就流昧煞
※
金針花 頭犁犁 恬恬開
等風吹 心內批 囥心底
寄抹出 無人回 金針花
清氣的芳味 底風中飛
啊‧‧‧阿母啊‧‧‧
我底想你 你敢有想我
重複＊,＃,※,＊,＃
| 
