1.月娘茶
作詞：鄭進一
作曲：鄭進一
斟一杯凍頂的 春仔茶啊 梅括土豆 加減剝
月娘啊請你不通 驚歹勢 啊入來坐 已經這暗 小休一咧
你是我下暗唯一 的人客啊 想要問你 一句話
月娘啊你是犯著 什咪罪 啊你那會 惦在天頂 照歸暝
你嘛不免頭黎黎 啊你的心情我會體會
你看我日夜攏嘛孤孤一個 守著伊的山盟海誓
你還有彼多天星甲你陪 我是已經無路通退
飲一嘴過暝的 月娘茶啊 傷心何必講彼多
月娘啊你若有對 伊兜過 啊拜託咧
講我會等伊一生 無反悔
2.家後
作詞：鄭進一
作曲：鄭進一
有一日咱若老 找無人甲咱有孝
我會陪你坐惦椅寮 聽你講少年的時袸你有外賢
食好食歹無計較 怨天怨地嗎袂曉
你的手 我會甲你牽條條 因為我是你的家後
阮將青春嫁治恁兜 阮對少年隨你隨甲老
人情世事已經看透透 有啥人比你卡重要
阮的一生獻乎恁兜 才知幸福是吵吵鬧鬧
等待返去的時袸若到 我會讓你先走
因為我會不甘 放你 為我目屎流
有一日咱若老 有媳婦子兒有孝
你若無聊 拿咱的相片 看卡早結婚的時袸你外緣投
穿好穿歹無計較 怪東怪西嗎袂曉
你的心 我著永遠記條條 因為我是你的家後
阮將青春嫁治恁兜 阮對少年隨你隨甲老
人情世事已經看透透 有啥人比你卡重要
阮的一生獻乎恁兜 才知幸福是吵吵鬧鬧
等待返去的時袸若到 你著讓我先走
因為我嘛不甘 看你 為我目屎流
3.一袸西北雨
作詞：鄭進一
作曲：鄭進一
落啊 一袸西北雨 一四界攏嘛 溼糊糊
牽你行過 田岸路 脫赤腳踏著 落糊梅仔土
田內稻仔 已經大腹肚 渥著雨水 挺著腰
三叔仔彼領０八仔褲 雨水縮一下 剩二四腰
哪哎呦 丟丟銅仔裡都 西北雨 你那會 愈落愈粗
落啊 一袸西北雨 害阮的身軀 溼糊糊
錶仔那看 頭那搖 連一台計程的 嘛遮攏無
心內煩惱 約會若耽誤 我是一定 三字塗
一隻四腳仔跳出來聒聒叫 揹一元七仔 治河邊散步
哪哎呦 丟丟銅仔裡都 西北雨 你那通 愈落愈粗
4.煙花淚
作詞：鄭進一
作曲：鄭進一
騰雲駕霧的靈魂 粗俗野香的嘴唇 換過千枕的按頸
夜夜討厭的溫存 講袂出嘴的身份 找無天真的青春
燙過燒過的傷痕 年年天賜的命運
煙花女子啊 妳莫怨恨 幸福美滿啊 咁有妳的份
妳咁還有目屎通好吞 淒涼一生 妳還有剩
煙花女子啊 妳莫心悶 好言好語啊 妳嘛無份
想要眠夢 一醒到天光 想要休睏 路不知擱外遠
5.古早的故鄉
作詞：鄭進一
作曲：鄭進一
(一)
阮的故鄉 彼有一條溪 溪水清清魚大尾
溪邊還有白鷺鷥塊飛 囝仔歸陣治塊死囝仔堆 有的塊撈溪蝦
(二)
阮的故鄉 只有一條街 二三間店頭 小生意加減啊做
頭家每一個攏真好禮 無錢黑板稍記咧
每擺想起來 我攏歹勢歹勢 因為阮兜攏欠尚多
(三)
我每日治塊想 啊我每日治塊想 現在咱的故鄉 是按怎會變這樣
溪水頂高那會浮烏油 要教魚仔囝仔按怎泅
天公伯仔你若有目睭 你嘛去看誰人 那會彼麼壽
(四)
阮兜的頭前 有一叢樹 樹枝撿乎阮老母起火來省瓦斯
樹頂還擱有白頭殼的鳥仔巢 阮阿公仔樹腳休沁納涼 哈茶捻嘴鬚
(五)
阮兜的後面 有一間老古厝 阮祖公仔甲著尹彼的親友
對嘉慶君著住甲這久 阿爸講拜祖先 顧祖厝 保庇全家添福壽
我是愈聽目睭愈茫霧 哈唏兼堵咕
(六)
日子過了彼呢久 日子過了彼呢久 我的故鄉 是按怎會變這樣
叔公仔講著做田面著憂 挫草的剩伊彼雙老夥阿手
嬸婆堵著子孫仔著一直揪 講有閒嘛去甲恁祖公仔 燒一枝香
6.一個人
作詞：鄭進一
作曲：鄭進一
一個人關治房間 四邊靜靜無聲音 眠床頭的咖啡 嘛不知冬時冷
愛妳愛甲彼呢深 偏偏妳乎我這呢傷心
到如今 我才知影 尚憨的人是癡情
一個人躺治眠床 睏袂去目睭金金 眠床邊的鬧鐘 嘛不知冬時停
明知愛妳無路用 對我的傷害這呢重輕
我也是 心甘情願 愛妳一生
外面是冷冷冰冰的冬風 吹著暗淡的路燈
內面是冷冷清清的孤單 守著寂寞的心情
咱的緣份已經盡 想要挽回嘛無可能
所以我決定 離開妳 離開愛情 離開傷心
7.海鳥
作詞：鄭進一
作曲：鄭進一
一個人 受盡風霜 孤單流浪在他鄉
親像海鳥 在海中 茫茫渺渺 何去何從
為將來 為著理想 辜不章 心愛的請妳著體諒
啊 海面的波浪 吹來的海風 是我為妳打拼的力量
每一個 海上黃昏 又來加添阮心悶
看見天邊 的彩雲 想著妳的 紅嘴唇
妳不該 耽誤寶貴 的青春 來為我等待的命運
啊 海風一袸袸 一直吹著阮 不知不覺日頭落山崙
吸一嘴 點一平的 失戀煙 來霧出滿腹的苦悶
啊 海風一袸袸 一直吹著阮 吹著這隻海上的孤船
8.戀歌唱袂完
作詞：鄭進一／黃介文
作曲：鄭進一／李富興
愛著一個人 為伊日思夜夢 上驚夢 啊夢 啊一直夢 夢袂著你的人
等待一個人 不管三年五冬 上驚等 啊等 啊一直等 全部變成空
啊夢啊裡都 夢啊裡都 等呀等 犀牛望月 穩無望
想要殘殘將伊放 偏偏又擱 不甘願
啊夢啊裡都 夢啊裡都 等呀等 擔山填海 了憨工
想要看破愛別人 情海茫茫 泅袂珍動
要甲不 不過是一念之間 偏偏跳袂出情關
癡情是憨 啊多情是空 愛情哪會彼呢難
熱戀的時袸 是幸福美滿 分開了後甭怨嘆
傷心的人 千千萬萬 失戀的歌 那會唱袂完
9.癡情夢
作詞：鄭進一
作曲：鄭進一
離開你 已經幾落冬 妳的身邊 不知咁有別人
為妳打拼 一天過一天 不驚 風吹日曬露水重
雖然是 天邊也海角 甲妳分西東 請妳相信 我只愛妳一人
妳是我人生最美麗的夢 祈禱妳 永遠快樂平安 彼就是 我最大的願望
思念妳 不管日亦暝 一直叫著 心愛妳的名字
落花流水 一年過一年 忍受 無妳寂寞的滋味
不知不覺 煞來流落 男兒的情淚 請妳等待 返去妳的身邊
妳是我心中最閃熾的星 祈禱妳 永遠快樂順事 彼就是 我最大的安慰
10.最後一站
作詞：鄭進一
作曲：鄭進一
離開妳 阮真不甘 妳是我永遠的掛念
想當初 甲妳熱戀 妳是我唯一愛的人
恩恩愛愛 情深意重 如今也已經經過彼多冬
依依難捨 心情沉重 請妳不免 來相送
妳是我人生路途 最後一站 也是我最後的車班
一路上有妳陪伴 同苦同甘 白了妳的頭髮
妳是我人生路途 最後一站 也是我最後的車班
一路上有妳陪伴 我已經 無遺憾
OS：妳若聽到這首歌的時袸 我可能已經離開世間啊
這幾年來 妳治咧我的身邊 照顧我 陪伴我
也不過 我竟然連一句多謝 叼不曾對妳講過
到如今 我才知影 妳對我是彼呢啊重要
我才知影 我是愛妳愛甲 彼呢啊深
我才知影 妳是我這世人 最大的掛念
| 
