1.碎心花
寒夜無伴 偎在桌邊 看見當開 一蕊花枝
含帶香昧 花紅葉青 引阮心內 思念當時
純情的愛 伊也不知 甲阮離開 有去無來
美滿情意 並無存在 動阮心肝 加添悲哀
冬風吹來 也不知冷 心內只恨 伊的薄情
想起前日 初戀情景 今日即知 誤阮一生
2.望春風
作詞：李臨秋
作曲：鄧雨賢
獨夜無伴守燈下春風對面吹
十七八歲未出嫁看著少年家
果然漂緻面肉白誰家人子弟
想要問伊驚呆勢心內彈琵琶
想要郎君做尪婿意愛在心內
等待何時君來採青春花當開
聽見外面有人來開門甲看覓
月娘笑阮憨大呆被風騙不知
3.心酸酸
作詞：陳達儒
作曲：姚讚福
我君離開千里遠 放阮孤單守家門
袂吃袂睏腳手軟 瞑日思君心酸酸
無疑一去無倒返 辜負青春暝日長
連寫批信煞來斷 乎阮等無心酸酸
一時變心袂按算 秋風慘淡草木黃
風冷情冷是無秧 光景引阮心酸酸
4.補破網
作詞：李臨秋
作曲：王雲峰
見著網目眶紅 破甲這大孔
想要補無半項 誰人知阮苦痛
今日若將這來放 是永遠無希望
為著前途穿活板 找傢司補破網
手拿網頭就重 悽慘阮一人
意中人走叼藏 針線來鬥幫忙
姑不二終罔震動 拿長針接西東
天河用線作橋板 全精神補破網
魚入網好年冬 歌詩滿漁港
阻風雨駛孤帆 阮勞力無了工
雨過天晴魚滿港 最快樂咱雙人
今日團圓心花香 從今免補破網
5.雨中鳥
作詞：陳達儒
作曲：姚讚福
雨中鳥 誰人害
恨天怨地 聲聲哀
無依無偎 悽慘雨中內
今日飛東 明日西
雨中鳥 恨孤單
受風受雨 遍身寒
開聲啼叫 尋無同心肝
一山飛過 又一山
雨中鳥 瞑日哮
怨身嗟命 目屎流
天邊海角 四邊飛透透
天光飛到 暗日頭
6.秋夜雨
桂花開透 秋風寒
離別情人 恨孤單
瞑日憂愁 思念動心肝
天光想到 日落山
冷風吹著 割心腸
幾粒孤星 伴月光
滿腹心情 無人通慰問
秋風冷淡 引心酸
三更過了 雞聲啼
陣陣冬風 吹柳枝
不知何時 會得君相見
傷心怨嘆 空相思
7.河邊春夢
作詞：周添旺
作曲：周添旺
河邊春風寒 怎樣阮孤單
舉頭一咧看 幸福人做伴
想起伊對我 實在是相瞞
到底是安怎 毋知阮心肝
昔日在河邊 遊賞彼當時
實情佮實意 可比月當圓
想伊做一時 將阮來放離
乎阮若想起 恨伊薄情義
秋天猶未過 樹葉落滿地
無情少年家 可恨你一個
花開你欲採 花枝你無愛
家己想看覓 良心提出來
四邊又寂靜 聽見鳥悲聲
目睭看橋頂 目屎滴胸前
自嘆歹環境 自嘆遮薄命
雖然春風冷 難得冷實情
8.夢你入骨
9.港都夜雨
作詞：呂傳梓
作曲：楊三郎
編曲：詹凌駕／Keith
今夜又是風雨微微 異鄉的都市
路燈青青 照著水滴 引阮心悲意
青春男兒不知自己 要行叨位去
啊～漂流萬里 港都夜雨寂寞暝
想起當時惦在船邊 講甲糖蜜甜
真正稀微你我情意 煞來拆分離
不知何時會再相見 前情斷半字
啊～海風野味 港都夜雨落抹離
海風冷冷吹痛胸前 漂浪的旅行
為著女性費了半生 海面做家庭
我的心情為你犧牲 你那抹分明
啊～茫茫前程 港都夜雨那抹停
10.霧夜港邊
曲同香港戀情
合唱：文鳳
男兒踮港口 看從彼爿海(從：dui_) (爿：bingˇ)
雙人說出甜蜜情話 漸漸行從這爿來
親像今夜罩茫霧 彼時毋知東抑西(罩：da_)
我雖然欲來去 毋願心悲哀
毋通悲傷心愛的 我的心情妳上解
咱初次來見面 猶原在港邊
雙人因何欲來分離 偏偏也是月暗暝
海面船燈像天星 陪伴你我心稀微
你毋通來昧記 約束的日期
再三叮嚀心愛的 你著帶念阮情意
咱今夜欲分開 約束再相會
雙人相別傷心情話 已經講盡頭黎黎(黎：leˇ)
海面波浪顯悲傷 怨歎冷風一直吹
咱互相著保重 寂寞這幾個
最後叫聲心愛的 你該早日開心花
11.春花望露
作詞：江中清
作曲：江中清
編曲：張乃仁
今夜風微微 窗外月當圓 雙人相愛要相見 思君在床邊
袂見君親像野鳥啼 噯唷 引阮心傷悲 害阮等歸暝
明夜月光光 照在紗窗門 空思夢想歸暝恨 袂得倒落床
袂見君親像割心腸 噯唷 引阮心頭酸 面肉帶青黃
深夜白茫茫 冷風吹入窗 思思唸唸君一人 孤單守空房
袂見君怨嘆目眶紅 噯唷 引阮病這重 情意害死人
12.求愛的人
請你坦白對我表示哪有什關係 希望你甲伊結婚到底叨一個
咱雖然無緣份 結成一對好夫妻 為著你的幸福將來看破無問題
請你坦白對我表明女性的心內 到底你敢有想要答應伊求愛
為著伊有地位也是貪著伊錢財 我無希望你來接受 不是要阻礙
請你坦白對我表示應該無關係 對著你瞭解的人世間無幾個
我雖然不敢想甲你結成好夫妻 猶原不願看你一生為愛來怨切
13.黃昏再會
作詞：林天津
作曲：楊三郎
一：傳說月裡嫦娥美 可比小妹妖嬌甲古錐
幾句情話不敢講出嘴 含情不吐上克虧
二：冷靜月暝伴哥行 無疑今夜會得來見兄
輕聲細說又驚人知影 盡情要講心驚驚
三：極樂美滿公園內 忽然雲開漸漸見月眉
雙人永遠不通情變歹 明日黃昏擱再來
14.思念故鄉
作詞：周添旺
作曲：楊三郎
編曲：吳嘉祥
我騎水牛你來飼鵝 山頂食草溪邊縮
談情說愛好七逃
為何失戀心糟糟 可愛的故鄉可愛的山河
今日離開千里遠
啊．．何時再相會 啊．．何時再相會
我來播田你來擔秧 秧仔播落心頭酸
春來秋去日頭長
為何愛情來拋荒 可愛的故鄉可愛的田園
今日離開千里遠
啊．．何時再相會 啊．．何時再相會
15.情意綿綿
| 
