1.七逃人的目屎
作詞：劉達雄
黑暗的江湖生活 呼人心驚惶
少年彼時滿腹的熱情 漸漸會消失
七桃人的運命 永遠未快活
目屎啊 目屎啊 為何流未離
有路無厝 茫茫前程 暗淡的人生
無情的現實人生 呼人心頭冷
江湖兄弟刀槍來做路 賭命過日子
氣魄來論英雄 冤冤來相報
目屎啊 目屎啊 罪惡洗未清
改頭換面 重新做人 好好過一生
2.可愛的馬
作詞：葉俊麟
作曲：井野忠晴
演唱：文夏
作陣也已經五年 今日也著愛分開
手摸著心愛的馬呦 不覺珠淚滴 啊～ 啊～
可愛的馬呀 乖乖聽人嘴 可愛的馬呀 不通流珠淚啊
啊～不通流珠淚 阮也猶原不甘離開 心頭像針塊威
彼日也伴阮跑過 對面彼平小山崙
想起來像在面前 引人心憂悶 啊～ 啊～
可愛的馬呀 時常卡溫順 可愛的馬呀 時常思念阮
啊～時常思念阮 原諒阮也為著生活 賣你來換飯吞
日頭也將近落西 不甘也著放伊去
依賴著新的主人 不通心傷悲 啊～ 啊～
可愛的馬啊 忍耐過日子 可愛的馬啊 不通心稀微
啊～不通心稀微 你若有聽人教示 人總會疼惜你
3.為伊走千里
無天星無月娘 只有夜鳥的啼哭
沿路來唱出這條歌 懷念的情歌 一年過一年
手抱吉他走千里 歸心來找伊 歸心來找伊
追求著真正愛情 靠意志向前緊來去
自從伊離開去 心肝親像血水滴
沿路來唱出這條歌 難忘的情歌 心內有希望
大街行了走小巷 為伊目眶紅 為伊目眶紅
忍耐著心內苦痛 走千里不願叫艱難
作男兒要純情 不驚路途千里遠
沿路來唱出這條歌 哀怨的情歌 一日過一日
每日流浪唱歌詩 也是為著伊 也是為著伊
不管是大風大雨 靠勇氣向前緊來去
4.流浪天涯伴吉他
作詞：劉達雄
作曲：日本曲
北風冷加添阮寂寞心情
黑色的吉他掛在胸前
可愛的吉他啊 心愛的吉他啊
陪伴在阮身邊 流浪過生活
過去的彼段戀情 因何起變化
啊～想起來 總是阮運命
無人影行這條黑暗街路
狗螺聲引阮心內驚惶
可愛的吉他啊 心愛的吉他啊
你甲我受風寒 同款的運命
感謝你甲我做著 忠實的伴侶
啊～到今夜 只有你甲我
沿路來藍色的暗淡路燈
照出阮流浪茫茫前程
可愛的吉他啊 心愛的吉他啊
只有你了解阮 苦戀的心性
為著伊看破世情 抱恨走天邊
啊～期待著 何日見光明
5.愛你入骨
為著伊無惜名聲，甘願賭生命，明知伊是有刺玫瑰，
含毒的花蕊，堂堂男兒拼生死，為情失理智，真情的愛，
真情的愛，真情的愛無管一切，真心的對待，
彼一暝青紅燈下初次來熟識，黑色目睭含帶憂愁，
引阮心癡愛，對阮表明為環境，被人來所害，
癡情的愛癡情的愛，癡情的愛犧牲一切，救伊出苦海，
男性的英雄骨氣，勇敢來求愛，強強忍受環境打擊，
不願訴悲哀，伸手挑戰破阻礙，失敗擱再來，癡情的愛，
癡情的愛，癡情的愛引阮提出，男性的氣概。
6.寶島好男兒
作詞：葉俊麟
作曲：日本曲
自細漢著來離開 父母的身邊
一個人走東往西 流浪過日子
為人來打抱不平 是阮的本性
黑暗中為義睹命 永遠無驚惶
逐家保重 喂‧‧‧走江湖著顧將來(逐家：dak_-ge¯)
堂堂是一個男性 何必心頭凝
阮歡喜流浪江湖 自由的人生
你若是毋講理由 強欲拼落去
免細利毋驚生死 向前來比試
逐家保重 喂‧‧‧走江湖著顧將來
踮社會應該擁護 仁義心端正(踮：diam_)
一個人無憂無愁 好歹靠運命
咱逐家平平兄弟 毋通發脾氣
互相來尊重義理 拍拼做載志(載志：dai¯-zi_)
逐家保重 喂‧‧‧走江湖著顧將來
7.船頭可愛
月照海中央,夜風吹帆船
乎阮心頭酸,喂....乎阮心頭酸啊!
飄浪的行船行.離開千里行
看著月才光,雖然離開遠
喂...雖然離開遠啊....月娘也伴船
為著變孤單,悲傷動心肝
為著來拆散,喂...為著來拆散,
飄浪變孤單
8.男性的純情
堂堂的一個男性 漂泊的心情 為愛你困難重重
阮也願犠牲 雖然是無人贊成 不驚人看輕
追求著幸福人生 男性的純情。
提出著男性氣慨 失敗擱再來 為情愛吞落目屎
勇敢才應該 就是講有人破害 不驚人阻礙
珍惜著咱兩人的愛 才有好將來。
堂堂的一個男性 漂泊的心情 為愛你困難重重
阮也願犠牲 雖然是無人贊成 不驚人看輕
追求著幸福人生 男性的純情。
9.男性的苦戀
一切的美夢 若要當做是眠夢(作夢)
為何過數年 怎會擱來(再來)夢起你
今夜在房內又是想著你形影
浮在阮目前 啊……男兒的苦戀
花紅的嘴唇 含淚可愛的目睭(眼睛)
給阮(我)再想起 永遠不回的戀夢
無聊的長暝(長夜)憂愁一夜過一夜
流落的目屎(眼淚) 啊……也是為著你
快樂的彼時 過了今日存悲哀(留悲哀)
世間的歹命 親像(好像)全部歸在我
只有來抱著彼日初戀的美夢
來過我一生 啊……可憐青春夢
10.故鄉的月
彼一瞑咱雙人，所看的月圓圓；
那親像歡喜著，咱情意甘甜
為怎樣今日孤單，站在故鄉的山邊；
只有是‧只有是，薄薄月眉，引我心稀微
彼一瞑要分離，所講的話綿綿
；在河邊看著月影，流來流去
有情的月娘心內，對啊好意的表示，
誰知影‧誰知影，今夜對我‧偏偏這薄義
彼一瞑在異鄉，所看的月圓圓；
阮就是想起著，咱情意甘甜
放捨著事業一切，希望甲你會再見；
真無疑‧真無疑‧茫茫月色‧動阮心哀悲
11.陳三五娘
作詞：蔡啟東
作曲：阿部武雄
富家子陳家三兄 為著愛情學磨鏡
愛五娘無人知影 故意打破鏡
熱愛情不驚呆命 賠償寶鏡奴才名
查某簡野春知影 勸娘相攜行
相攜行一行三名 打破秘密人知影
林大鼻告訴官廳 要捉陳三兄
一路上翻山過嶺 地頭青疏無親成
宿旅館驚人知影 淒慘透瞑行
戀愛花有甜有苦 陳三五娘在路途
被官兵困住去路 情海起風波
誘拐罪罪名太重 陳三為愛入鐵窗
害著伊五娘失望 探親入監房
12.命運的鎖鏈
作詞：張宗榮
作曲：郭金發
明明明明有緣變無緣 無緣奈何天 奈何天意偏
偏偏偏偏無緣變孽緣 孽緣太可憐 可憐恨綿綿
綿綿情仇相牽連 牽來牽去一條鏈
一條命運的鎖鏈 鎖鏈 鎖鏈
13.行船的人
希望你不通悲傷 咱來離開是暫時
因為我是行船人 海上的男兒 才會放你寂寞過日總也是不得已
不好擱再流珠淚 船螺聲音吹著咱要分開
輕輕叫著心愛名字 希望保重你自己 我會永遠愛你
請相信不通懷疑 咱的愛情永不移
雖然我是行船人 海上的男兒 但是我也希望早日成功返來團圓
不好擱再流珠淚 船螺聲音吹著咱要分開
輕輕叫著心愛名字 希望保重你自己 我會永遠愛你
14.最後的一封信
演唱：阿吉仔
今日接著一封 遙遠故鄉 愛人的批信
決心欲來與我 斬斷情絲
最後一封的批信 這呢無情 這呢薄倖
全無代念妳我過去彼段綿綿舊情
怎樣隨時反面 找著新愛人
讀著心愛的人 絕情批信 一遍又一遍
伊講雙親壓迫 百般無奈
已經甲人訂親緣 祝我快樂 祝我幸福
最後祝我事業成功得著美滿婚姻
既然違背良心何必假有情
一字一滴情淚 滴落桌頂 傷心來回信
含著滿腹心酸 慢慢寫起
最後一封的回信 再會愛情 再會愛情
從今以後無論海水會乾石頭會爛
甘願孤苦一生嘸願談愛情
15.基隆山之戀
作詞：吳清陽
作曲：日本曲
編曲：蟻學康
演唱：沈文程／秀蘭瑪雅／羅建章
(男)基隆山基隆山 台北的愛人啦放捨我
你是嫌阮面容歹看 也是 嫌阮做鱸鰻
(女)阮無嫌你面容歹看 但是嫌你做鱸鰻
(男)有時星光有時月暗 阮要擱娶有別人
(女)要按怎要按怎 阮彼的心肝的放捨我
你是嫌阮面容歹看 也是 嫌阮落煙花
(合) 阮無嫌你面容歹看 但是嫌你卡貧段
(女)有時星光有時月暗 阮要擱嫁有別人
(男)鴛鴦水鴨成雙成對 愛人哪比某嘛有卡美
黑色的頭髮櫻桃嘴啊 目睭展甲這大蕊
(女)你哪生作這呢標緻 越看越甲意
有話想要對你表示 表示真心 在愛你
16.桂花樹之戀
桂花樹欉開花春天風颱無趣味，
打散著意愛情伴怨妒連理枝，
來拭著傷心珠淚離開伊身邊，
紅日頭墜落山崙引人心稀微。
聽見兩平路邊樹欉落葉聲哀悲，
自己也不知應該要行叨位去，
冷冰的秋風添阮滿腹酸苦味，
又想起溫柔友梅淚濕目墘。
純真愛情也受阻礙霜風陣陣寒，
你因何看破一切放捨好情伴，
懷抱著你的子兒唱著搖子歌，
每暗在夢中聽見動人痛心肝。
無情黑雲漸漸散開一對尪某星，
惦天邊一直閃爍引人心綿綿，
咱雙人堅定情意永遠無變志，
避開著一切阻礙結成好情侶。
17.港都夜雨
作詞：呂傳梓
作曲：楊三郎
編曲：詹凌駕／Keith
今夜又是風雨微微 異鄉的都市
路燈青青 照著水滴 引阮心悲意
青春男兒不知自己 要行叨位去
啊～漂流萬里 港都夜雨寂寞暝
想起當時惦在船邊 講甲糖蜜甜
真正稀微你我情意 煞來拆分離
不知何時會再相見 前情斷半字
啊～海風野味 港都夜雨落抹離
海風冷冷吹痛胸前 漂浪的旅行
為著女性費了半生 海面做家庭
我的心情為你犧牲 你那抹分明
啊～茫茫前程 港都夜雨那抹停
18.黃昏再會
作詞：林天津
作曲：楊三郎
人講月裡嫦娥媠 (媠：suiˋ)
可比小妹窈嬌佮古錐(窈：iau)
幾句情話毋敢講出喙 (喙：cui_)
含情毋吐上克虧
冷靜月暝伴哥行
無疑今夜會得來見兄
輕聲細說又驚人知影
盡惜講心驚驚
快樂美滿公園內
忽然雲開漸漸見月眉
雙人永遠毋通情變歹
明日黃昏才擱來
19.燒肉粽
作詞：張邱東松
(燒肉粽 燒肉粽 賣燒肉粽 燒肉粽)
(一)自悲自嘆歹命人 父母本來真疼痛
乎我讀書幾多冬 出業頭路無半項
暫時來賣燒肉粽 燒肉粽 燒肉粽 賣燒肉粽
(二)要做生理真困難 那無本錢做未動
不正行為是不通 所以暫時做這項
環境逼我賣肉粽 燒肉粽 燒肉粽 賣燒肉粽
(三)物件一日一日貴 厝內頭嘴這大堆
雙腳跑到要鐵腿 遇著無銷尚克虧
認真再賣燒肉粽 燒肉粽 燒肉粽 賣燒肉粽
(燒肉粽 燒肉粽 賣燒肉粽 燒肉粽)
| 
