1.槌敲槌
作詞：袁志成
作曲：袁志成
朋友你好咱是槌敲槌
你若遇到我就閃不離
我甲你真正是好兄弟
誠懇逗陣內褲是公家穿
相打冤家 是咱細漢的本領
出門不免看人臉色
囂張神氣 是咱這陣的模樣
若是不爽 無你麥安怎樣
朋友你好咱是槌敲槌
遇到我算你真好運
你甲我 有錢是公家用
我若吃肉就有湯給你喝
餓鬼假細字啊豬哥假聖人
一世人撿塊無路用
漏氣是求進步 丟臉免轉生氣
最怕是遇到小人卑鄙
朋友你好咱是槌敲槌
做什麼代志攏美氣
社會要站起 拼信用義氣
遇到困難要相挺
腳馬煞乎在 要拼你先來
危險跳走阮會報你知
若是遇到姑娘仔美啊 卡憨的我代先
恐龍妹就乎你做頭前
朋友你好咱是槌敲槌
咱有同款的志氣
咱四界風騷 逗陣七逃
攏講咱是最叭的帥哥
朋友你好咱是槌敲槌
咱是正義的化身
不平就要管 閒仔事是理不完
正港的英雄就是咱
咱四界風騷 逗陣七逃
攏講咱是最叭的帥哥
不平就要管 閒仔事是理不完
正港的英雄就是咱
正港的英雄就是咱
正港的英雄就是咱
正港的英雄就是咱
2.坐火車
作詞：袁志成
作曲：袁志成
車輪聲 七切七切漸漸地走
人的聲 哩哩啦啦直直地吵
火車頂擠來擠去袂震袂動
心肝頭 思思唸唸酸酸痛痛
上車下車的人加加減減
好運歹運的代志 層層擔擔
一路上顛顛倒倒茫茫渺渺
一生中風風雨雨苦苦甘甘
坐火車 向前走 直直去 免驚惶
上車甭問阮的名 下車免講再會啦
坐火車 向前走 欲去叨 唔免探聽
時間若到 會入站 車站若到 咱就下車
車輪聲 七切七切繼續地走
人的聲 哩哩啦啦不停地吵
火車廂搖來搖去不理不睬
人世間 是是非非恩恩怨怨
入站出站的人 多多少少
好命歹命的人生 笑笑哭哭
一路上搖搖擺擺醒醒夢夢
一世人平平凡凡輕輕鬆鬆
坐火車 向前走 直直去 免驚惶
上車甭問阮的名 下車免講再會啦
坐火車 向前走 欲去叨 唔免探聽
時間若到 會入站 車站若到 咱就下車
迷人的風景(一幕一幕)過袂完
有限的青春(一天一天)老底等
過去一心一意 想欲出頭
如今無鹹無淡 也好落喉
車輪聲七切七切一直在走
車輪聲七切七切一直在走…..
3.等你等袂來
作詞：袁志成
作曲：袁志成
約束 橋下 等待 水來 你 無來
為著什麼等你等袂來
咱的約束橋下相等待
到底遇到啥款的阻礙
放阮孤單一人 親像沒人愛
烏雲從山上 直直來
溪水像海湧 淹落來
期待你的心情 是做水災
等待你的心急像做風台
怎樣等你等袂來 大水已經衝過來
將近脖子過目眉 阮欲嚎 嚎不出來
怎樣等你等袂來 甘講你是虛情假愛
阮是苦苦地等待 到底你知也不知
ㄚ~~咱的熟識 實在意外
咱的相愛 算來奇怪
不倫的愛 別人看來
一定是袂凍諒解
ㄚ~~咱的靈魂 互相依偎
咱的身軀打做死結
真心相愛 世間的人
感覺是不應該
ㄚ~~你的傷心是我的目屎
你的痛苦是我的悲哀
你的怨歎我完全瞭解
你是我的心愛
ㄚ~~大水淹來 阮沒遺憾
隨著波浪 想著心愛
一生感情這陣最精彩
一生感情這陣最精彩
確定阮是等你等袂來
大水衝走所有的期待
這個雙人約束的所在
那顆心 永遠在~~~
約束 橋下 等待 水來 你 無來
4.加在有你
作詞：袁志成
作曲：袁志成
人生已經是幾10年
自細漢就來問自己
人的意義到底是啥米
想來想去頭殼腫一擂
每日面憂面結吐大氣
心情無一天套會開 阿 套會開
講起來實在是真歹勢
自細漢無讀到啥米書
頭路做了是馬馬虎虎
朋友看來是不三不四
每日就是頭暈腦鈍鈍
甘納像在蘇州賣鴨蛋 阿 賣鴨蛋
怨恨天阿怨恨地
天地到底致咧衝啥貨
做人的道理是買聽誰的
公道甲正義(是)阿四界無塊找
怨恨天阿怨恨地
天地到底致咧衝啥貨
歪哥吃錢的人是瓏無罪
善良的百姓是萬萬稅
事業一直瓏麥順利 愛情總是啊不如意
找無啥米代志有意義
一直等到阮遇到你
人生忽然是 心涼脾肚開
加在有你 加在有你
人生感覺才有氣味
加在有你 加在有你
做伙打拼是尚趣味
加在有你 加在有你
天大的困難瓏無啥米
加在有你 加在有你
將所有的煩惱 瓏放乎天
事業一直瓏麥順利 愛情總是啊不如意
找無啥米代志有意義
一直等到阮遇到你
人生忽然是 心涼脾肚開
5.只有咱兩個
作詞：袁志成
作曲：袁志成
(女)世間若無你來相陪
日子憨神不知按怎過
(男)人生若是袂當摻你作伙
埋入土底 眼睛也不願閉
(男)四界是暗瞑惘回 無聲無息
只有蚯蚓仔對阮輕聲細說
你就惦惦仔睡 甭擱肖想世間的一切
甭擱肖想世間的一切
甭擱肖想世間的一切
一切早已經是袂凍挽回
(女)人生路是坎坎坷坷 有酸有苦
甲在有你的雙手牽阮過
雖然父母袂凍違背 阮的心永遠是你的
阮的心永遠是你的
阮的心永遠是你的
只有那有機會 阮會對你飛
阮會不惜一切對你飛
飛過虛華浮沉的一切
飛過煩惱悲傷的命底
飛去一個遠遠的所在 只有咱倆個
(男)阮會跟天借膽帶你飛
飛過冷酷無情的權勢
飛過殘忍黑暗的社會
飛去一個無人的所在 只有咱倆個
(合)只有咱兩個 真心相愛無後悔
只有咱兩個 互相疼痛無地找
只有咱兩個 心意相通無免講話
只有咱兩個 雙雙變做蚜仔 天頂飛
(男)阮會跟天借膽帶你飛
(女)阮會不惜一切對你飛
(合)飛去一個(女)遠遠的所在 只有咱兩個
(男)無人
(合)只有咱兩個 真心相愛無後悔
只有咱兩個 互相疼痛無地找
只有咱兩個 心意相通無免講話
只有咱兩個 雙雙變做蚜仔 天頂飛
(男)阮會跟天借膽帶你飛
(女)阮會不惜一切對你飛
(合)飛去一個(女)遠遠的所在 只有咱兩個
(合)只有咱兩個雙雙變做蚜仔 天頂飛
6.歡喜冤家
作詞：袁志成
作曲：袁志成
(女)一個人惦惦坐在房間內
看到一個醉茫茫的人
心內真怨歎 但是也不甘
為何會變成這款
(男)三更半暝 將門打開
看到的是你哀怨的臉
要講對不起 無氣力出嘴
阮本底不是這款型
請你相信 阮不是愛毀類
只是朋友一大堆
(女)要怎樣相信 你無暝亦無日
那有時間摻阮逗陣
阮將青春交給你 並無來要求什麼
但願你的人你的心 無通剖雙邊
(男)阮像風吹亂亂飛
需要你的雙手控制
若無你來牽你來拉
線若斷就不再回
(女)為什麼你攏不正經
(男)可是阮心中有正義
(女)不時就是將阮忤逆
(男)實在是講話太憨直
(女)看你是壞性地不貼心
(男)保證對你是用真情
(女)一切不是阮愛挑剔
(男)萬般攏是阮的過失
答應你 從今以後改頭換面
(女)恐怕是存心戲弄阮的感情
(男)千不對萬不是 心內只有你
(女)酸也好苦也罷愛到啊卡慘死
(男)假使你若不嫌棄 阮永遠是你的人
(女)如果你若有甲意 阮的心遠遠在你身邊
(合) 假使你若不嫌棄 阮永遠是你的人
如果你若有甲意 阮的心永遠在你身邊
7.黑牢日記
作詞：袁志成
作曲：袁志成
少年耶請你稍等咧 看你全身憤慨歸腹火
拜託你聽我講一句話
你有很多的想法 一大堆的不滿
想欲去很遠的所在 我攏知
世間上的大人實在有夠煩 實在有夠煩
蟑螂虱母蒼蠅蚊子萬項代志瓏要管
講話沒人理 郁卒在心內 滿腹的悲哀無人知
所有的哀怨抹凍來排解 我嘛知
因為咱瓏同款 曾少年一次
我的過去講乎你聽看賣
茫茫看著窗外的天 惦惦想起我的早前
想那當時 少年風神囂張藏須 目中無人
看若麥爽就殺氣重重 將天地看輕
以為全世界 瓏靠我吃穿
父母阿顧賺錢 老師是真無閒
同學若看到我是若遇到鬼
斗陣的朋友講外口七逃 卡趣味
社會上是打來打去 白賊話呀滿地滿天
做官仔有撇步A錢 生意人無半點良心
假道德假正經 假鬼假怪假神明
欲創新乎作忤逆 有理想當作酣眠
有翅飛無天 有身軀無靈魂
有氣無力心頭凝
一時憤慨麥曉想 糊里糊塗來出手傷人
時間忽然惦這停 天地一時顛倒翻
目一ㄟ呢 人生黯淡無彩色
日子呀變成 一片鐵窗的門
父母的目屎開始流抹停
別人的怨恨從今是比海深
造成的傷害 想欲彌補不可能
後悔呀比高山擱卡高一萬重
一時的逞能 代價是這呢深
一時的衝動 好好的人生
還抹開始就來打斷
甘會凍擱重來 阮已經有瞭解
拳頭母抹凍 解決人生的困難
若是會凍哥重來 阮會付出全部的愛
來包容這個世界 所有的好甲壞
少年人的火氣麥假呢大
是非黑白天瓏有在看
起腳動手已經不時行
欲實現理想就愛靠打拼
每一個人巃有親人甲某子
任何人愛傷害 心肝瓏會痛
會凍退一步 天地才開闊
凡事若三思 世間就瓏無事
8.你甘有看見
作詞：袁志成
作曲：袁志成
你甘有看見 你甘有看見
你甘有看見 你甘有看見
你甘有看見 你甘有看見
你甘有看見 你甘有看見
白鷺鷥 跑去躲 代仔魚 隱遁去
白頭翁仔 找無巢 牛屎龜 鑽無位
田嬰蚜仔 欲飛無天 泥鰍和鱔魚
欲溜無塊去 (你甘有看見)
山會崩啊地會裂 樹仔叢招倒去
日頭赤厭啊乾水漧 透風落雨就淹大水
百花亂亂開抓不準時 雞公夜夜啼
啊看無時辰 (你甘有看見)
街頭巷尾 黑煙滿天是 溪岸河邊 垃圾一大堆
蟑螂老鼠索來索去 蚊子蒼蠅像在打雷
山明水秀 不敢說出嘴
風光明媚啊是自欺欺人 (你甘有看見)
細漢時的情景 漸漸是底消失
身軀邊的一切 直直咧起反型
到底是怎樣來發生 究竟是誰人底創治
咱的田園為何不像以早 那呢啊美
甘不是你啊甘不是你 甘不是你啊來造成
甘不是我啊甘不是我 甘不是我啊的過失
甘不是咱啊甘不是咱 甘不是咱攏無要無緊
等待何時啊等待何時 欲等待何時才會來覺醒
天生萬物攏有生存的意義
世間的人絕無勝天的道理
子孫仔若是欲擱繼續傳下去
就愛保護這個土地 咱的母親
就愛保護這個土地 咱的母親
9.博感情
作詞：袁志成
作曲：袁志成
半瞑的雨哩哩啦啦落袂停
穩當是 挑故意 想欲將阮的美夢來打醒
好加在 你無看到 阮的臉是紅吱吱
因為惦床邊 還擱留著 夢中跟你的溫存
透早鳥只吱吱喳喳叫袂停
甘講是 已經看出 乎阮歡頭喜面的心內事
加在你也無看到阮 弄破碗時陣的表情
一切攏是 欲甲你約會凶狂趕緊欲出門
你甘是真正甲意阮 甘不是挑工戲弄阮
千想萬想 一粒心肝親像吊在樹仔尾頂
你甘會用心疼痛阮 甘會是對阮用真情
一生青春 阮博你這注 若壓好離手
不知到底是會贏還是會輸
又擱是半暝的雨 哩哩啦啦落袂停
翻過身 看你的模樣
微微仔笑的嘴角 甘是底夢中 夢見阮
唉!你若是真心 阮也甘願付出一生
每天透早就起床 來替你傳早餐
啦啦~~
10.你是阮的心肝小寶貝
作詞：袁志成
作曲：袁志成
你是阮的心肝小寶貝 阮的心情跟你在旋轉
你若快活阮像風在飛 你若甘苦阮就頭纍纍
只要會凍每天看到你 鹹酸苦澀對阮都是甜
希望甲你永遠伴相隨 無煩無惱幸福過日子
你甘知影阮對你的心 無恨無怨每日掛心腸
你的心像蝴蝶自由飛 高高低低和我躲迷藏
你是阮的心肝小寶貝 你甘知影阮愛你有外多
希望月娘替阮講詳細 乎你瞭解阮的心內話
只要會凍每天看到你 鹹酸苦澀對阮都是甜
希望甲你永遠伴相隨 無煩無惱幸福過日子
你甘知影阮對你的心 無恨無怨每日掛心腸
你的心那蝴蝶自由飛 高高低低和我躲迷藏
你是阮的心肝小寶貝 無你的日子阮要按怎過
親像孤鳥有翅無處飛 想你想到日時透暗瞑
你是阮的心肝小寶貝 希望咱的一生攏作伙
不知何時無天也無地 愛你永遠永遠無後悔
愛你永遠永遠無後悔
| 
