1.白牡丹
作詞：陳達儒
作曲：陳秋霖
白牡丹，笑呅呅，妖嬌.含蕊.等親君；
無憂愁，無怨恨，單守.花園.一枝春。
啊！單守.花園.一枝春。
白牡丹，白花蕊，春風.無來.花.無開；
無亂開，無亂美，不願旋枝.出牆圍。
啊！不願旋枝.出牆圍。
白牡丹，等君.挽，希望惜花.頭一層；
無嫌早，無嫌慢，甘願予君.插花瓶。
啊！甘願予君.插花瓶。
2.碎心花
作詞：周添旺
作曲：不詳
美滿情愛 並無存在 引阮心內 加添悲哀
閒夜無伴 偎在卓邊 看見當開 一蕊花枝
含帶香味 花紅葉青 動阮心內 思念當時
冬風吹來 也不知冷 心內只想 伊的無情
想起前日 美滿情景 今仔日即知 誤阮一生
純情的愛 伊也不知 甲阮離開 有去無來
美滿情愛 並無存在 引阮心內 加添悲哀
3.孤戀花
作詞：周添旺
作曲：楊三郎
風微暢 風微微 狐單悶悶在池邊
水蓮花 滿滿是 靜靜等待露水滴
啊……啊……
阮是思念郎君伊 暗想思 無講起
要講驚兄心懷疑
月光暝 月光暝 夜夜思君到深更
人消瘦 無元氣 為君唱出斷腸詩
啊……啊……
蝴蝶弄花也有時 孤單阮 薄命花
親像瓊花無後暝
月斜西 月科西 真情思君君不知
青春欉 誰人害 變成落葉相思栽
啊……啊……
追想郎君的情愛 獻笑容 暗悲研
期待陽春花再開
4.蠂戀花
5.雨夜花
作詞：周添旺
作曲：鄧雨賢
雨夜花 雨夜花 受風雨吹落地
無人看見每日怨嗟 花謝落土不再回
花落土 花落土 有誰人通看顧
無情風雨誤阮前途 花蕊若落要如何
雨無情 雨無情 無想阮的前程
並無看顧軟弱心性 乎阮前途失光明
雨水滴 雨水滴 引阮入受難池
怎樣乎阮離葉離枝 永遠無人通看見
6.雨中鳥
作詞：陳達儒
作曲：姚讚福
雨中鳥 誰人害
恨天怨地 聲聲哀
無依無偎 悽慘雨中內
今日飛東 明日西
雨中鳥 恨孤單
受風受雨 遍身寒
開聲啼叫 尋無同心肝
一山飛過 又一山
雨中鳥 瞑日哮
怨身嗟命 目屎流
天邊海角 四邊飛透透
天光飛到 暗日頭
7.母子鳥
悠悠溪邊夜半月娘水 夜鶯四散啼哭亂亂飛
乎子乎哥傷心目屎墜 甘願犧牲 看破來離開
悠悠落葉墜落溪水流 青春希望幸福變水泡
看子面容慘妻開聲哮 犧牲自己 望子會出頭
柔柔月下鳥母離鳥子 無情風吹恨別東西行
望子抱去會凍得人疼 長大成人才來找阿娘
8.雙雁影
作詞：陳達儒
作曲：蘇桐
秋風吹來落葉聲 單身賞月出大庭
看到倒返雙雁影 雙心欲哮驚人聽
鴻雁哪會這自由 雙雙迎春又送秋
因何人生未親像 秋天那來阮憂愁
秋天月夜怨單身 歸眠思君未安眠
恨君到今未見面 不知為著什原因
9.日日春
作詞：陳達儒
作曲：蘇桐
阮是日日春‧日日悶，天光開花到黃昏；
紅花點胭脂‧白花抹水粉，開花等待蝴蝶群
阮是日日春‧日日愁，怨嘆終身誰收留；
雖是薄命花‧日日也清秀，不是為著愛風流
阮是日日春‧日日苦，怨嘆緊開緊落土；
日來受風雨‧夜夜凍著露，生成薄命無奈何
10.青春嶺
作詞：陳達儒
作曲：蘇桐
雙人行到青春嶺 鳥隻唸歌送人行
溪水清清照人影 天然合奏音樂聲
啊～青春嶺 青春嶺頂自由行
嶺頂春花紅白蕊 歡喜春天放心開
蝴蝶看花開得美 花蜂自由亂亂飛
啊～青春嶺 青春嶺頂自由行
春風微微吹嶺頂 四邊無雲天清清
青春歡喜青春景 春色加添咱愛情
啊～青春嶺 青春嶺頂自由行
11.望春風
作詞：李臨秋
作曲：鄧雨賢
獨夜無伴守燈下春風對面吹
十七八歲未出嫁看著少年家
果然漂緻面肉白誰家人子弟
想要問伊驚呆勢心內彈琵琶
想要郎君做尪婿意愛在心內
等待何時君來採青春花當開
聽見外面有人來開門甲看覓
月娘笑阮憨大呆被風騙不知
12.春宵吟
南國春天時草木啊當青，我在春宵月光暝；
無意中看見，百花滿開笑微微
蝴蝶休花枝‧雙雙又飛起，
一時推動阮心意‧怨嘆花枝青
夜半露水滴百花的香味，我在寂寞更深時；
無意中聽見，音樂傳來斷腸時
哀怨入阮耳，引阮心內悲，
坐在床邊無元氣，春宵恨長暝
夜深靜寂寂‧風冷啊吱吱，
倒在床中睏抹去，無奈在窗邊，空渡春天良宵瞑
舉頭望月圓‧為何愁抹離，
一更過了又一更‧不覺雞聲啼
13.春宵夢
春宵夢 春宵夢 日日相像 好夢只是空消瘦不成人 冷風不吹別項 卡吹也是相思欉
春宵夢 春宵夢 日日相像 歹夢誰人放不離相思巷 卡想也是苦痛 卡夢也是袂輕鬆
春宵夢 春宵夢 日日相像 月也照入窗照著阮空房 也無照著好夢 卡照也是相思欉
14.姊妹愛
作詞：陳達儒
作曲：蘇桐
姊妹迎春美麗等春夢 無疑無誤意愛同一人
今日將愛甘願對妹送 不甘害妹破害好花叢
姊妹花蕊本來同根枝 蝴蝶害人運命不公平
世間至親是阮妹甲姊 不甘害妹耽誤青春時
姊妹青春雖然無二擺 為妹害姊怎樣結將來
請你放心照阮的交代 大來讓小這是合應該
15.欲怎樣
稀微無伴暗暗哮
想起當初快樂來自由
啊..今日那這款
欲怎樣啊
暝日為君仔心憂憂
彼時初戀手牽手
為著深情不是愛風流
啊..今日那這款
欲怎樣啊
何時會得結鴛鴦
恨君放阮空空守
半暝傷心窗邊對月娘
啊..今日那這款
欲怎樣啊
冷風吹來報新秋
16.那無兄
黃昏散步行港岸
不知按怎未大跨
猶原為兄想袂煞
啊為兄相思在心肝
啊～那無兄那無兄
無兄心內袂快活
半暝眠夢兄作伴
精神無兄腳手寒
冷淡床中只有我
啊翻來翻去也孤單
啊～那無兄那無兄
無兄心內袂快活
想起彼時的美滿
甜蜜遊江甲爬山
今日分開來拆散
啊一日啼哭幾落灘
啊～那無兄那無兄
無兄心內袂快活
| 
