1.農村曲
作詞：陳達儒
作曲：蘇桐
(一)透早著出門 天色漸漸光
受苦無人問 行到田中央
行到田中央 為著顧三丈
顧三丈 不驚田水冷霜霜
(二)炎天赤日頭 悽慘日中逗
有時踏水車 有時著搔草
希望好日後 每日巡田頭
巡田頭 不驚嘴乾汗那流
(三)日頭那落山 工作才有散
有時歸身汗 忍著寒甲熱
希望好年冬 稻仔快快大
快快大 阮的生活著快活
2.苦戀歌
作詞：那卡諾
作曲：楊三郎
明知失戀真艱苦 偏偏走入失戀路
明知燒酒不解憂 偏偏飲酒來添愁
看人相親甲相愛 見景傷情流目屎
誰人會知阮心內 只有對花訴悲哀
明知女性真厲害 偏偏給伊騙不知
明知黑暗的世界 偏偏走對這路來
看見蝴蝶結相隨 放阮孤單尚克虧
親像花蕊離花枝 何時才能成雙對
明知對我無真情 偏偏為伊來犧牲
明知對我無真愛 偏偏為伊流目屎
第一癡情著是阮 每日目屎做飯吞
欠伊花債也未滿 今日才著受苦戀
3.阮不知啦
作詞：陳達儒
作曲：吳成家
彼時約束啊 雙人無失信
近來言語啊 煞來無信憑
冷淡態度 親像無要無緊
你敢是 你敢是 找著新愛人
啊……阮不知啦 阮不知啦
絕無放舊去找新
近來講話啊 大聲小聲應
青春戀夢啊 漸漸變無情
不明不白啊 因何梟心反面
你敢是 你敢是 找到新愛人
4.母阿喂
父母貪著金手指
貪著台幣即多錢
將阮身軀賣出去
乎人當作七逃物
母啊喂
要錢無想著女兒
世人不知阮心性
歡喜金鏈掛胸前
雖是榮華什路用
不是永遠真愛情
母啊喂
要錢無想子一生
每日出門三輪車
坐來坐去不免行
外觀看著真好命
心肝像在枉死城
母啊喂
要錢無想子名聲
5.雙雁鳥
秋風吹來落葉聲 單身賞月出大庭
看見倒返雙雁影 傷心欲哮驚人聽
鴻雁哪會這自由 雙雙迎春又送秋
因何人生未親像 秋天那來阮憂愁
秋天月夜怨單身 歸眠思君未安眠
恨君到今未見面 不知為著什原因
6.燒肉粽
作詞：張邱東松
(燒肉粽 燒肉粽 賣燒肉粽 燒肉粽)
(一)自悲自嘆歹命人 父母本來真疼痛
乎我讀書幾多冬 出業頭路無半項
暫時來賣燒肉粽 燒肉粽 燒肉粽 賣燒肉粽
(二)要做生理真困難 那無本錢做未動
不正行為是不通 所以暫時做這項
今著認真賣肉粽 燒肉粽 燒肉粽 賣燒肉粽
(三)物件一日一日貴 厝內頭嘴這大堆
雙腳行到要鐵腿 遇著無銷真克虧
認真擱賣燒肉粽 燒肉粽 燒肉粽 賣燒肉粽
(燒肉粽 燒肉粽 賣燒肉粽 燒肉粽)
7.賣菜姑娘
陳達儒詞 陳秋霖曲
賣菜姑娘真可愛 也無抹粉點目眉
赤腳行路的體態 透早擔菜市場內
好朋友 主顧客 請你來買菜
蔥仔芹菜高麗菜 攏是阮的親手栽
菜頭硬心你看覓 阮的心肝你敢知
賣菜姑娘黑搭甜 一對目啁活靈靈
講話動作查埔性 哥送金鍊掛胸前
好朋友 主顧客 菜色隨你揀
要買白菜山東種 也是本地新白苓
吃著夫妻相尊敬 加添十分好感情
賣菜姑娘自然水 春天以來漸漸肥
親像吃著甘露水 查埔買菜行祙開
好朋友 主顧客 買菜來這位
冬瓜清涼解酒醉 初戀氣味是莞妥
買阮的菜吃祙畏 阮厝站在綠竹圍
8.碎心花
作詞：周添旺
作曲：不詳
美滿情愛 並無存在 引阮心內 加添悲哀
閒夜無伴 偎在卓邊 看見當開 一蕊花枝
含帶香味 花紅葉青 動阮心內 思念當時
冬風吹來 也不知冷 心內只想 伊的無情
想起前日 美滿情景 今仔日即知 誤阮一生
純情的愛 伊也不知 甲阮離開 有去無來
美滿情愛 並無存在 引阮心內 加添悲哀
9.戀愛列車
美哥哥站在戀愛嶺 小妹妹站在相思城
路頭算來相隔壁 要談情話著搭戀愛列車
咱二人實在有意愛 只有驚厝邊頭尾知
日時假做無相識 要講情話著等日落西
心肝內暗恨這班車 日沒落荊驚不敢行
若無將日送落嶺 可好去找阮搭心兄
10.港都夜雨
作詞：呂傳梓
作曲：楊三郎
編曲：詹凌駕／Keith
今夜又是風雨微微 異鄉的都市
路燈青青 照著水滴 引阮心悲意
青春男兒不知自己 要行叨位去
啊～漂流萬里 港都夜雨寂寞暝
想起當時惦在船邊 講甲糖蜜甜
真正稀微你我情意 煞來拆分離
不知何時會再相見 前情斷半字
啊～海風野味 港都夜雨落抹離
海風冷冷吹痛胸前 漂浪的旅行
為著女性費了半生 海面做家庭
我的心情為你犧牲 你那抹分明
啊～茫茫前程 港都夜雨那抹停
11.月夜愁
作詞：周添旺
作曲：鄧雨賢
月色照在 三線路
風吹微微 等待的人那抹來
心內真可疑 想抹出彼個人
啊……怨嘆月暝
更深無伴 獨相思
秋蟬研啼 月光所照的樹影
加添阮傷悲 心頭酸目屎滴
啊……憂愁月暝
敢是註定 無緣份
所愛的伊 因何乎阮放抹離
夢中來相見 斷腸詩唱抹止
啊……無聊月暝
12.望春風
作詞：李臨秋
作曲：鄧雨賢
獨夜無伴守燈下春風對面吹
十七八歲未出嫁看著少年家
果然漂緻面肉白誰家人子弟
想要問伊驚呆勢心內彈琵琶
想要郎君做尪婿意愛在心內
等待何時君來採青春花當開
聽見外面有人來開門甲看覓
月娘笑阮憨大呆被風騙不知
13.賣花姑娘
1
賣菜姑娘真可愛
也無抹粉畫目眉
赤腳行路好體態
透早擔菜市場來
好朋友主顧客
請您來買菜
蔥仔芹菜高麗菜
全是阮的親手栽
菜頭硬心你看覓
阮的心肝你著知
2
賣菜姑娘烏搭定
一對目周活靈靈
講話動作查甫性
哥送金鍊掛胸前
好朋友主顧客
菜色隨你揀
欲買白菜山東種
抑是本地新白伶
食得夫妻相尊敬
加添十分好愛情
3
賣菜姑娘自然美
春天以來漸漸肥
像菜食著甘露水
查甫買菜行昧開
好朋友主顧客
買菜來這位
冬瓜清涼解酒醉
初戀氣味是芫荽
買阮的菜食昧畏
阮厝惦在後竹圍
14.秋風夜雨
作詞：周添旺
作曲：楊三郎
編曲：洪敬堯
風雨聲音擾亂秋夜靜 時常聽見蚯蚓哮悲情
引阮思鄉不知雨水冷 自恨自嘆幸福未完成
啊………前途茫茫 宛然失光明
希望純情結成好鴛鴦 無疑環境阻礙阮自由
秋風夜雨也無替阮想 那通歸暝迫阮添憂愁
啊………思思唸唸 一日如三秋
風雨淒涼已經是秋分 離開放鄉猶原這時袸
彼時約束望你相信阮 堅心為君保守阮青春
啊………阮是可比 海上小帆船
15.欲怎樣
稀微無伴暗暗想 想起當初快樂來自由
啊‧‧今日那這款
欲怎樣啊‧‧ 暝日為君仔心憂憂
彼時初戀手牽手 為著真情毋是愛風流
啊‧‧今日那這款
欲怎樣啊‧‧ 何時會得結鴛鴦
恨君放阮空空守 半暝傷心窗邊對月娘
啊‧‧今日那這款
欲怎樣啊‧‧ 冷風吹來追新秋
16.港邊惜別
作詞：陳達儒
作曲：吳成家
戀愛夢 被人來拆破 送君離別啊 港風對面寒
真情真愛 父母無開化 不知少年啊 熱情的心肝
自由夢 被人來所害 快樂未透啊 隨時變悲哀
港邊惜別 天星像目屎 傷心今暝啊 欲來分東西
青春夢 被人來打醒 美滿春色啊 變成黑暗天
港邊海鳥 不知阮分離 聲聲句句啊 吟出斷腸詩
17.戀愛風
戀愛風 戀愛風 見愛就來
來吹吹吹 吹真愛 吹真愛
歡歡喜喜 這是天然來催排
真快活 真精彩
君也愛 阮也愛
戀愛風 戀愛風 見人就來
來吹吹吹 吹著君 吹著阮
思思念念 希望將來結成群
真快活 真精彩
君也愛 阮也愛
戀愛風 戀愛風 見人就來
來吹吹吹 吹好花 吹好果
甜甜蜜蜜 花開結果無風波
真快活 真精彩
君也愛 阮也愛
18.滿面春風
作詞：周添旺
作曲：鄧雨賢
人阮彼日 甲伊雙人 作陣去遊江
伊有對阮 講起愛情 說出青春夢
又擱講阮 生成愛嬌 生作真活動
乎阮一時 想著歹勢 見笑面煞紅
又擱一日 甲伊行入 一間小茶房
雙人對坐 滿面春風 咖啡味清香
彼時伊也 對阮講起 結婚的事項
乎阮一時 想著歹勢 見笑面煞紅
一日黃昏 伊又講起 那達成希望
會得結婚 不免等待 三年又两冬
可以造成 可愛子兒 幸福一世人
乎阮一時 想著歹勢 見笑面煞紅
| 
-方瑞娥農村曲精選輯1.jpg)